ადამიანები, რომლებიც არ ჩერდებიან – ტატო გრიგალაშვილი

საქართველოს ბანკი საქართველოს ოლიმპიური ნაკრების მთავარი სპონსორია და არა მარტო – ყოველთვის და ყველგან მხარს უჭერს ადამიანებს, რომლებიც არ ჩერდებიან და საკუთარი წარმატებით უკეთეს საქართველოს ქმნიან.

სულ რაღაც 24 წლის ქართველმა ჯუდოკამ, ტატო გრიგალაშვილმა უკვე მოახერხა და შეიქმნა ისეთი სპორტული კარიერა, რომელიც სხვა ახალგაზრდა ქართველი სპორტსმენებისთვის საუკეთესო მაგალითია. ტატო ჯუდოში უკვე სამგზის ევროპისა და მსოფლიო ჩემპიონია – მსოფლიო ჩემპიონატებზე ზედიზედ მეოთხე ფინალი იჭიდავა წელს აბუ-დაბიში გამართულ მსოფლიო პირველობაზე და ზედიზედ მესამე ოქროც მოიპოვა. ჯუდოს საერთაშორისო ფედერაციამ ის ზედიზედ ორჯერ – 2022 და 2023 წლებში მსოფლიოს საუკეთესო ჯუდოკად დაასახელა.

ცხადია, სპორტში მნიშვნელოვანია სტატისტიკა, მიღწევები, მედლები, თუმცა უფრო მნიშვნელოვანია ის, რაც ამ მიღწევების უკან იმალება – წარმოუდგენელი შრომა, მონდომება და, რაც მთავარია, საკუთარი საქმის ბოლომდე და სრულყოფილად გააზრება.

ბრძოლის წინ, როდესაც შენი ქვეყნის დროშას უყურებ, განსაკუთრებული გრძნობა გეუფლება. მზად ხარ, შენი ქვეყნისთვის, მისი გამარჯვებისთვის ყველაფერი გაიღო, მაგრამ არაფერია იმაზე საამაყო და სასიამოვნო, როდესაც ბრძოლის შემდეგ გაისმება შენი ქვეყნის ჰიმნი – ეს უკვე შენი გამარჯვება კი არა, ქვეყნის გამარჯვებაა.”

დამოუკიდებელი საქართველოს ისტორიაში სპორტს განსაკუთრებული ადგილი უჭირავს – საბჭოთა საქართველოში ქართველი სპორტსმენის წარმატება ქართველ ხალხს უახლებდა სამშობლოს მეხსიერებას და სიყვარულს, დამოუკიდებლობის შემდეგ კი ეს მეხსიერება უფრო მძაფრად განაწილდა სხვადასხვა სპორტში – ჯუდო სწორედ მსგავს სპორტებს მიეკუთვნება, ჩვენს ხასიათსა და კოლორიტს ადვილად ერგება. შესაბამისად, ტატო გრიგალაშვილისა და სხვა ქართველი ჯუდოკების წარმატებას სრულიად განსხვავებული სიხარული მოსდევს ხოლმე.

„ჯუდო უბრალოდ სპორტი არ არის, ეს ცხოვრების სტილია. აქ სულ უნდა ცდილობდე, განვითარდე, შენს თავს აჯობო. ფიზიკური ძალის გარდა, მენტალურადაც მებრძოლად უნდა ჩამოყალიბდე. უნდა შეძლო ნებისმიერი ზეწოლის დროს, შეინარჩუნო გამძლეობა, ფოკუსი და სიმშვიდე. დამარცხებას თავაწეული უნდა შეხვდე და გამარჯვების შემთხვევაში თავმდაბლობა შეინარჩუნო. ეს საშუალებას გაძლევს, ისეთ მიზნებს მიაღწიო, რაც, ერთი შეხედვით, შენს ძალებს აღემატება.”

სულ რაღაც თვე-ნახევარი გვაშორებს იმ უდიდეს სპორტულ მოვლენასთან, რასაც ზაფხულის ოლიმპიური თამაშები ჰქვია – ჯუდო ამ დღესასწაულის განუყოფელი ნაწილია, ქართული ოლიმპიური მედლების უმეტესობაც სწორედ ჯუდოში მიღწეულ წარმატებებს მოჰყვება ხოლმე. წლევანდელი ოლიმპური თამაშები, რომელიც პარიზში გაიმართება, განსაკუთრებული იქნება საქართველოს ჯუდოს ეროვნული ნაკრებისთვის: გარდა 10 ინდივიდუალურად მოასპარეზე ჯუდოკისა, ისტორიაში პირველად გუნდურ ტურნირზეც ვიასპარეზებთ – ტატო გრიგალაშვილი ამ გუნდის ერთ-ერთი ლიდერი იქნება და ასევე თავის წონაში (81 კგ.) ოქროს მედლის მთავარი პრეტენდენტი!

„ახლა ჩემი მიზანი ოლიმპიადაა. ამ ოლიმპიადაზე ორი მნიშვნელოვანი გულშემატკივარი დამემატა – ჩემი შვილები, ამიტომ გარდა იმ პასუხისმგებლობისა, რასაც ჩემი ქვეყნის გამარჯვება ჰქვია, იმაზეც ვფიქრობ, რომ სახლში ოქროს მედლით დავბრუნდე და ჩემმა ოჯახმა ჩემით იამაყოს.”

დარწმუნებულები ვართ, ტატო გრიგალაშვილი ამ ზაფხულსაც გააგრძელებს საკუთარი ოჯახისთვის და საკუთარი ქვეყნისთვის დიდი ემოციების ჩუქებას და, რაც ძალიან მნიშვნელოვანია, გააგრძელებს ძლიერი და კეთილი მაგალითის გაცემას სხვა ქართველი ახალგაზრდა ადამიანებისთვის, რომელთაც სურთ, მომავალში ისეთივე წარმატებულები იყვნენ, როგორიც ტატოა – წარმატების მთავარი ფორმულა კი შრომაში, ბოლომდე ბრძოლასა და არგაჩერებაშია!

წაიკითხე მსგავსი შთამაგონებელი ისტორიები:

ადამიანები, რომლებიც არ ჩერდებიან – თორნიკე შენგელია;
ადამიანები, რომლებიც არ ჩერდებიან – ბუდუ ზივზივაძე;
ადამიანები, რომლებიც არ ჩერდებიან – ფეხბურთის ეროვნული ნაკრები;
ადამიანები, რომლებიც არ ჩერდებიან – ხვიჩა კვარაცხელია;
ადამიანები, რომლებიც არ ჩერდებიან — გიორგი მარშანია;
ადამიანები, რომლებიც არ ჩერდებიან – რუსუდან ფეტვიაშვილი;
ადამიანები, რომლებიც არ ჩერდებიან – ლაშა ბექაური;
ადამიანები, რომლებიც არ ჩერდებიან – გიორგი მამარდაშვილი.

ოლიმპიადის დაწყებამდე დარჩა

დღე

საათი

წუთი

წამი

არ გაჩერდე, გააგრძელე კითხვა