საქართველოს ბანკი საქართველოს ოლიმპიური ნაკრების მთავარი სპონსორია და არა მარტო – ყოველთვის და ყველგან მხარს უჭერს ადამიანებს, რომლებიც არ ჩერდებიან და საკუთარი წარმატებით უკეთეს საქართველოს ქმნიან.
ოლიმპიური თამაშების ისტორიაში მესამედ მასპინძელი საფრანგეთის დედაქალაქი – პარიზი იქნება. ბოლოს პარიზმა ოლიმპიადას ზუსტად ასი წლის წინ – 1924 წელს უმასპინძლა; 1900 წელს კი მისი, როგორც უდიდესი სპორტული ღონისძიების მასპინძლის დებიუტი იყო.
სპორტები და სპორტსმენები
Paris 24 გაიხსნება 24 ივლისს და 15 დღის განმავლობაში გაგრძელდება. ვიცით ოფიციალური დახურვის დღის თარიღიც – 11 აგვისტო. 15-დღიან ზაფხულის ოლიმპიურ თამაშებზე მონაწილეობას მიიღებს და მედლებისთვის იბრძოლებს სხვადასხვა ქვეყნისა და სპორტული სახეობის 11 000-მდე წარმომადგენელი. სპორტის 32 სახეობა და 48 დისციპლინა გაერთიანდება ამ ორკვირიან მარათონში და მათ შორის ჩვენც, საქართველოს ოლიმპიური ნაკრები ვიმედოვნებთ, რომ წარმომადგენლობითად ვიქნებით და მოსალოდნელ და, რაც მთავარია, მოულოდნელ მედლებსაც მოვიპოვებთ.
პარიზი და სხვა ქალაქები
2024 წლის ზაფხულის ოლიმპიური თამაშების ღონისძიებათა უმეტესობა უშუალოდ პარიზსა და მის რეგიონებში გაიმართება, დატვირთული იქნება მეზობელი ქალაქებიც: სენ-დენი, ლე ბურჟე, ნანტერი, ვერსალი და ვაირ-სურ-მარნი.
ასევე ვიცით, რომ ხელბურთის ტურნირები ჩატარდება ლილში, რომელიც მასპინძელი ქალაქიდან 225 კილომეტრითაა დაშორებული; ნაოსნობის ტურნირი და რამდენიმე საფეხბურთო მატჩი ჩატარდება ხმელთაშუა ზღვის ქალაქ მარსელში ( პარიზიდან 777 კმ. დაშორებით); სავარაუდოა, რომ სერფინგის ღონისძიებები გაიმართოს საფრანგეთის პოლინეზიის საზღვარგარეთ მდებარე სოფელ ტეაჰუპოოში (პარიზიდან 15,716 კმ. დაშორებით); ოლიმპიადის საფეხბურთო ტურნირს კიდევ ხუთი ქალაქი უმასპინძლებს: ბორდო, დესინეს-შარპიე, ნანტი, ნიცა და სენტ-ეტიენი. კი, მასპინძელი ოფიციალურად პარიზია, თუმცა ტურნირის მასშტაბიდან და მისი მრავალფეროვნებიდან გამომდინარე, ფაქტობრივად, მთელი საფრანგეთი გადაინაწილებს ამ სპორტული ღონისძიების სიხარულს.
გახსნის ცერემონია და უსაფრთხოება
რაც შეეხება გახსნის ცერემონიას, როგორც ორგანიზატორები ამბობენ, ეს იქნება ისტორიაში ყველაზე სანახაობრივი, ღია და მასშტაბური ცერემონია, რომელზე დასწრებაც სრულიად უფასო იქნება და 600 000 ათას მაყურებელზე მეტი ცოცხლად იხილავს მთელ პროცესს – მდინარე სენა და ერების ტრადიციული აღლუმი, რომელიც ისტორიაში პირველად იქნება ასეთი ფორმისა და მასშტაბების (დაახლოებით 6-კილომეტრიანი).
თუმცა, რადგანაც ღონისძიების ორგანიზატორები უდიდეს ყურადღებას აქცევენ უსაფრთხოებასაც, საფრანგეთის მოქმედმა პრეზიდენტმა, ემანუელ მაკრონმა გახსნამდე 3 თვით ადრე განაცხადა, რომ პარიზის ოლიმპიური თამაშების გახსნის ცერემონია დაგეგმილი ფორმით შესაძლოა არ შედგეს და ის უფრო ტრადიციული ფორმით – სტად დე ფრანსის სტადიონზე გაიმართოს, თუკი გადაწყვეტენ, რომ უსაფრთხოებასთან დაკავშირებული რისკები დიდია.
Paris 24-ის მედლები
1896 წლიდან დღემდე ოლიმპიური თამაშებისთვის 36 000 ათასი მედალი დამზადებულა და ამ ხნის განმავლობაში არასდროს მომხდარა ის, რაც პარიზის ზაფხულის ოლიმპიურ თამაშებზე მოხდება – თითოეულ მედალში გარდა ტრადიციული შემადგენლობისა (ოქრო, ვერცხლი, ბრინჯაო) ეიფელის კოშკის რკინაც გაერთიანდა, რამაც დამატებითი სახასიათო კულტურული ელემენტი შესძინა კონკრეტულად ამ ღონისძიებას – მახვილგონივრული და ლამაზი კონცეფცია, რომელიც ზომიერად „ჩაერია“ საქმეში. ეს ისტორიული მედლები საიუველირო ნაწარმის მწარმოებელმა კომპანია Chaumet-მა დაამზადა სპეციალურად ოლიმპიური თამაშებისთვის.
…
საფრანგეთის დედაქალაქი 2 კვირით მსოფლიოს სპორტის დედაქალაქად გადაიქცევა და პარიზსა და სხვა ქალაქებში სპორტის ათეულობით მილიონ მოყვარულს მიიღებს. ისღა დაგვრჩენია, ვუგულშემატკივროთ იმ ქართველ სპორტსმენებს, რომელთაც უკვე მოიპოვეს ოლიმპიური ლიცენზია, ვიმედოვნოთ, რომ საუკეთესო ფორმაში შეხვდებიან აღნიშნულ სპორტულ ღონისძიებას და ეიფელის რკინანარევ არაერთ მედალს ჩამოიტანენ სამშობლოში.
ოლიმპიადასა და ქართველი სპორტსმენების შესახებ გაიგე მეტი:
• ქართული ჯუდო – წარსული, Paris 2024 და მომავალი;
• ადამიანები, რომლებიც არ ჩერდებიან – ტატო გრიგალაშვილი;
• ადამიანები, რომლებიც არ ჩერდებიან – ლაშა ბექაური.