Text’nPayMe ინოვაციური პლატფორმაა, რომლის მეშვეობითაც ნებისმიერ აპლიკაციაშია შესაძლებელი ტრანზაქციის განხორციელება. სტარტაპი თავისი უნიკალური იდეით ცოტა ხნის წინ 500 Georgia-ს აქსელერაციის პროგრამაში მოხვდა.
როგორ ახერხებს სტარტაპი მომხმარებლისთვის ორიგინალური და კომფორტული გადაწყვეტის მიწოდებას? ამაზე მის დამფუძნებელს, არტურ კარაპეტიანს გავესაუბრეთ:
– საიდან დაგებადათ Text’nPayMe-ს შექმნის იდეა?
შემთხვევით ვსქროლავდი ჩემს ფეისბუქს და უცებ წავაწყდი სტატიას, სადაც საუბარი იყო WhatsApp-ისა და WeChat-ის გადახდის შესაძლებლობებზე. იმ მომენტში წარმოდგენა არ მქონდა, რას ეხებოდა ეს ყველაფერი, თუმცა, საფუძვლიანი კვლევის შემდეგ მივხვდი, რომ ფინანსურ სექტორში ცვლილებების ახალი ტალღა იწყებოდა – სოციალური ქსელები და საკომუნიკაციო აპლიკაციები თანდათან ბანკებს ანაცვლებენ.
უფრო მეტიც, Web3-მა და DeFi-მ აშკარა გახადა ის, რომ ბანკები, შესაძლოა, მალე გადაშენების პირას აღმოჩნდნენ.
ასე რომ, ჩვენი გამოწვევა იყო ისეთი გადაწყვეტის შემუშავება, რომელიც საბანკო სერვისებს ხელმისაწვდომს გახდიდა ნებისმიერი აპლიკაციის შიგნით, ტექნიკური ინტეგრაციის საჭიროების გარეშე, როგორც Web3-ში, ასევე Web2-ში.
ერთადერთი საშუალება კი, რომელსაც ამ მისიის განხორციელების უნარი შესწევდა, იყო მობილური კლავიატურა. ჩვენ ვიყენებთ მას იმისთვის, რომ დავწეროთ შეტყობინებები, გავგზავნოთ ვიზუალები და ა.შ თუმცა, ის არის საუკეთესო საშუალება იმისთვისაც, რომ ტრანზაქციები განვახორციელოთ – ფულის გაგზავნა, გადასახადების გადახდა, შესყიდვების განხორციელება და ა.შ.
– რა სამუშაო გამოცდილება გაქვთ ამ სფეროში?
მე ვარ აღმასრულებელი დირექტორი, რომელსაც აქვს მყარი ტექნიკური გამოცდილება, რომელიც ადრე მუშაობდა სხვადასხვა ადგილობრივ და საერთაშორისო საწარმოს დონეზე პროგრამული უზრუნველყოფის შემუშავებაზე. მას ძირითადად ეკავა C დონის პოზიციები.
– რა პრობლემას ჭრის Text’nPayMe?
ჩვენ, ერთი მხრივ, გვაქვს ფინანსური ინსტიტუტები, მეორე მხრივ კი – გვყავს მომხმარებლები.
სოციალური ქსელები და შეტყობინებების აპლიკაციები ეტაპობრივად ანაცვლებენ ფინანსურ ინსტიტუტებს P2P ბაზრიდან. ეს კი იმიტომ ხდება, რომ ისინი მომხმარებლებს გადახდის შესაძლებლობებს სთავაზობენ პირდაპირ აპლიკაციებში.
დღევანდელი გადაწყვეტები გვთავაზობს, რომ ტრანზაქციისას დავტოვოთ საკომუნიკაციო აპლიკაცია და გადავიდეთ ფინანსურ აპლიკაციაზე. მაგალითად: დაბადების დღისთვის ფულის შეგროვებაზე WhatsApp-ში ვსაუბრობთ, მაგრამ გადასარიცხად და ასაგროვებლად აუცილებლად გვიწევს, გადავიდეთ საბანკო აპლიკაციაზე. რასაკვირველია, უმჯობესი იქნება, გადაიხადოთ იმავე ადგილას, სადაც საუბარი ფულზე დაიწყო. ეს არის სოციალური ქსელების და შეტყობინებების აპების გამოყენების შესაძლებლობა.
ჩვენ ვთავაზობთ მომხმარებლებს ჩვენავე გადახდის მობილურ კლავიატურას, რაც მათ საშუალებას აძლევს, გადააქციონ ნებისმიერი აპლიკაცია გადახდის ინტერფეისად, მათი ამჟამინდელი მომხმარებლის გამოცდილების შეფერხების გარეშე.
გადაწყვეტის გამოყენება ისეთივე ინტუიციურია, როგორც ტექსტის აკრეფა: მომხმარებლები უბრალოდ იყენებენ ტექსტურ ან ხმოვან ბრძანებებს შესაბამისი ტრანზაქციის შესასრულებლად.
– როგორი იყო თქვენი პირველი ნაბიჯები?
ჩვენი პირველი ნაბიჯები ძირითადად იდეის დამუშავებას ეხებოდა. შევისწავლეთ ბაზრის მოთამაშეები და ჩავატარეთ ღრმა კვლევა მომხმარებელთა გამოკითხვებთან ერთად, რის შემდეგაც MVP ჩამოვაყალიბეთ. ეს კი დაგვეხმარა, მიგვეღო ჩვენი $130K-იანი ინვესტიცია.
– რა სირთულეებთანაა დაკავშირებული ხელოვნურ ინტელექტზე დაფუძნებულ ასისტენტზე მუშაობა?
მთავარი სირთულე იყო ის, რომ ეს გადაწყვეტა ყველა აპლიკაციიდან ხელმისაწვდომი გაგვეხადა.
– რატომ გაგიჩნდათ სურვილი, შეგევსოთ 500 Georgia-ს აპლიკაცია?
500 Global-ის რეკლამამ არაერთხელ გაიჟღერა ჩემს FB არხზე და მან ჩემი ყურადღება მიიპყრო. 500 Global ვებსაიტზე გადასვლის შემდეგ მივხვდი, რომ ეს არის პროგრამა, რომელსაც შეუძლია ჩვენი კომპანიის საჭიროების სტიმულირება და სრულიად ახალ დონეზე აყვანა.
– როგორი მოლოდინები გაქვთ პროგრამასთან დაკავშირებით?
სწორი კითხვების დასმა, ჩვენს სამიზნე კომპანიებზე წვდომა და შემდგომი ინვესტიციის უზრუნველყოფა.
– როგორ ფიქრობთ, რა შესაძლებლობას აძლევს 500 Georgia სტარტაპებს და რატომაა მნიშვნელოვანი მათთვის ამ პროგრამაში მონაწილეობის მიღება?
500 Georgia სტარტაპებს აძლევს შესაძლებლობას, მიიღონ რჩევები ინდუსტრიის გურუებისგან, რომლებიც ოდესღაც ჩვენს ადგილას იყვნენ. გარდა ამისა, სტარტაპები ხდებიან 500-ის ოჯახის ნაწილი, გლობალურ საზოგადოებაში წვდომის პერსპექტივით.
– და ბოლოს, ზოგადად, როგორია თქვენი სამომავლო გეგმები?
რომ გავხდეთ მულტიქორნები! და მივაწოდოთ ხალხს უწყვეტი გამოცდილება ციფრულ ბანკში.