2 მაისობას სად წავიდოდით გასტროლებში, თუ არა ქუთაისში. ეს ეპიზოდი ქუთაისის ერთ-ერთ ყველაზე ცნობილ კაფე-რესტორანს, პალატს ეთმობა. პალატი ათ წელზე მეტია, ქუთაისის სიმბოლოდ იქცა — აქ სტუმრობის გარეშე ქალაქს თითქმის არავინ ტოვებს.
ამ ეპიზოდში დიმიტრი პალატის სამ გამორჩეულ კერძს სინჯავს — საქონლის სუკს ტარხუნის სოუსით, ლობიანს ლეჩხუმური ლორით და ღორის სუკს თაშმიჯაბთან ერთად. არც სახლური ლიმონათი და ჭიქა ღვინო ავიწყდება.
ეპიზოდში პალატის სახელის წარმოშობის ისტორიასაც გაიგებთ, ამ საფირმო კერძების მომზადებასაც მიადევნებთ თვალს და პალატის სასიამოვნო გარემოსაც დაათვალიერებთ. ასე რომ, წინ დიდი სიამოვნება გელით — უყურეთ გასტროლებს და ესტუმრეთ პალატს ქუთაისში.