გასტროლები დაბრუნდა — გამოგვყევი და გაიგე, სად შეგიძლია ფეხბურთს გემრიელად უყურო

გასტროლებში დიმიტრი რჩეულიშვილთან ერთად საქართველოს რესტორნებში, კაფეებსა და ბარებში თუ აქამდეც არაერთხელ გიმოგზაურია, გაგახარებთ და გეტყვით, რომ პროექტი მე-2 სეზონით დაბრუნდა. გამომდინარე იქიდან, რომ კულინარია ჩვენი კულტურის განუყოფელი ნაწილია, ქართველი გურმანების გემოვნების დაკმაყოფილება მარტივი საქმე სულაც არ არის. სწორედ ამიტომ, პროექტ გასტროლებში შენთან ერთად ვეძებთ ადგილებს, სადაც ქართულ თუ უცხოურ კერძებს გემრიელად ამზადებენ და გარემოც სასიამოვნოა. გასტროლების ახალი ეპიზოდი კი სპორტის მოყვარულებს განსაკუთრებით დააინტერესებთ.

სპორტის სხვადასხვა სახეობის მოყვარულებისთვის საინტერესო სეზონი იწყება. საყვარელი ნაკრებისა თუ სპორტსმენის გულშემატკივრობა გემრიელ კერძებთან და სასმელთან ერთად კი სულ სხვა საქმეა. თუ ასეთ ადგილებს ეძებ, სადაც გარემოც კი სპორტული სულისკვეთებითაა გაჟღენთილი, გასტროლებმა ორი ალტერნატივა უკვე გიპოვა: დროშები ჩქარა და PUB 44.

დროშები ჩქარა

თუ ფიქრობ, რომ საქართველოს ნაკრების გულშემატკივრობას ქართული სამზარეულო უხდება, ან ამ კომბინაციის დატესტვა გინდა, მაშინ ღვინის ბარი დროშები ჩქარა ის ადგილია, რომელსაც ასეთი თამაშების დროს უნდა ეწვიო. ბარის სახელი შემთხვევითი არ არის და გარემო პატრიოტულ სულისკვეთებას ნათლად გამოხატავს: დაწყებული კედელზე გაკრული საქართველოს დამოუკიდებლობის აქტით, დამთავრებული საქართველოს დროშითა თუ ინტერიერით.

დროშები ჩქარა სტუმრებს საქართველოს თითოეული კუთხიდან განსაკუთრებული ყურძნის ჯიშებისგან დამზადებულ ღვინოებს სთავაზობს და რასაკვირველია, ეს ყველაფერი კერძების მენიუზეც აისახება. ღვინის ბარის საფირმო კერძი ქართული გობია, რომელიც საოცარი ინგრედიენტების სინთეზით იქმნება. კერძოდ, ლობიოს დიფი, ლობიო ნიგვზით, პომიდვრისა და ჯონჯოლის სალათა, მჭადვაფლა, ყველი, კომბოსტოსა და კიტრის მწნილი თქვენს თეფშზე მოიყრის თავს, რაც აღწერის დონეზეც კი მადისაღმძვრელია.

15 აპრილამდე ბარში დროშები ჩქარა PLUS ბარათი გადახდისას კი, 30-ჯერ მეტი პლუს ქულა დაგერიცხება.

PUB 44

როჯერ ფედერერის მიერ ხელმოწერილ ჩოგბურთის ბურთს, მაისურს ხვიჩა კვარაცხელიას ავტოგრაფით, ლუის ჰემილტონის კუთხეს და სპორტის სამყაროსთან დაკავშირებულ სხვა გაცოცხლებულ ისტორიებს სწორედ PUB 44-ში შეხვდებით.

ამასთან ერთად, პაბში საოცარი მენიუ და არაერთი საფირმო კერძიც გელოდება. სქოჩი ეგი ვაშლის კეტჩუპით ერთ-ერთი სტარტერია, რომელიც PUB 44-ში უნდა დააგემოვნო. ბურგერის მოყვარულებს კი PUB 44 მინი ბურგერებსაც სთავაზობს, რომელიც სტუმრებს განსაკუთრებით მოსწონთ. რაც მთავარია, სპორტის სასურველ სახეობას PUB 44-ის უზარმაზარ ეკრანებზე შეგიძლია ადევნო თვალი და თავი მართლაც სტადიონზე გეგონოს.

თუ PUB 44-ს 15 აპრილამდე ეწვევი და PLUS ბარათით გადაიხდი, 50-ჯერ მეტი პლუს ქულა დაგერიცხება.

ასე რომ, თუ 21 მარტს საქართველო-ლუქსემბურგის მატჩზე დასწრებას ვერ მოახერხებ, უკვე იცი, საიდან შეგიძლია უგულშემატკივრო – დროშები ჩქარა და PUB 44 ყველაზე შესაფერის გარემოს გთავაზობს ამისთვის.

არ გაჩერდე, გააგრძელე კითხვა