ბიზნესკურსი: რატომ უნდა დარეგისტრირდე და რას გაიგებ მეღვინეობაზე

საქართველო რომ ღვინის ქვეყანაა, ამაზე ჩვენ გარდა დანარჩენი მსოფლიოს დიდი ნაწილიც თანხმდება. ჩვენს ქვეყანას ვაზის მოყვანისა და ღვინის დაყენების მრავალსაუკუნოვანი გამოცდილება აქვს და მიუხედავად იმისა, რომ ტენდენციები ხშირად იცვლება და როგორც ყველაფერში, სიახლეები მეღვინეობაშიც არის, მაინც, მარნები თანამედროვეობას ფეხს მარტივად უწყობენ. თუმცა, როგორც სწავლა არასდროს მთავრდება და ყოველდღე რაღაც ახალს ვიგებთ, მეღვინეობაშიც ახალი აღმოსაჩენი კიდევ ბევრია.

შეიძლება უკვე იცით, მაგრამ შეგახსენებთ, რომ საქართველოს ბანკს აქვს ბიზნესკურსები, რომლებიც სრულიად უფასოა. ამ დრომდე არაერთ საკითხზეა ხელმისაწვდომი უფასო კურსი, ამჯერად კი შეგიძლიათ, ცოდნა მეღვინეობის თემაზე აიმაღლოთ, თან, როგორც უკვე აღვნიშნეთ, უფასოდ.

კურსზე, რომელიც ენოლოგმა, ღვინის სერტიფიცირებულმა ექსპერტმა და სახელმწიფო სადეგუსტაციო კომისიის წევრმა, კახა ჭოტიაშვილმა მოამზადა, მიიღებთ ღვინის დაყენებისა და ჩამოსხმის სრულ ციკლზე დეტალურ ინფორმაციას.

არ აქვს მნიშვნელობა, დამწყები მეღვინე ხართ უკვე მოქმედი, ან უბრალოდ დაინტერესებული ადამიანი, კურსი ყველასთვის არის განკუთვნილი და მისი გავლის შემდეგ ქვევრში ტრადიციული მრავალსაუკუნოვანი კახური მეთოდით ღვინის დაყენებაზე საჭირო ცოდნით იქნებით დახუნძლული.

კურსზე დარეგისტრირებას უმარტივესად, ამ ლინკზე შეძლებთ, სადაც პირადი მონაცემები უნდა შეიყვანოთ. რეგისტრაციის შემდეგ თემატურად დალაგებული 6 ვიდეო გამოჩნდება. სასურველია, ისინი იმ მიმდევრობით ნახოთ, როგორც საიტზეა მოცემული, თითო ეპიზოდიდან კი გაიგებთ:

• შესავალი;

რას უნდა ელოდოთ კურსისგან.

• ვენახი;

რას უნდა მიაქციოთ ყურადღება ყურძნის ჯიშების შემთხვევაში და რა უნდა გაითვალისწინოთ, თუ ღვინის დაყენებაში დამწყები ხართ, და არა მარტო.

• ღვინის ჩამოსხმა და დავარგება;

რა ხდება შემდეგ, როცა ღვინის წარმოების გადაწყვეტილებას მიიღებთ, რა ეტაპების გავლაა საჭირო.

• ქვევრი;

ზოგადი ინფორმაცია ქვევრის შესახებ, რჩევები ამ ტექნიკაზე და პასუხი, რატომ არის ქვევრში ღვინის დაყენება მაღალი ხარისხის ღვინის მიღების გარანტია.

• მარანი;

როგორ უნდა შეარჩიოთ სამარნე ადგილი და რა უნდა გაითვალისწინოთ მისი მოწყობისას.

• ქვევრში ღვინის დაყენების კახური მეთოდი.

როგორ ხდება ქვევრში ღვინის დაყენება კახური მეთოდით – პრაქტიკული რჩევები და რეკომენდაციები.

ექვსივე ვიდეოში, თითოეულ თემატურ თავში დეტალურ ინფორმაციას, როგორც უკვე ვთქვით, კახა ჭოტიაშვილისგან მიიღებთ. ის მაქსიმალურად მარტივად და გასაგებ ენაზე მოგაწოდებთ ინფორმაციას და აგიხსნით მთელ ციკლს.

თუ უკვე ამ საქმიანობით ხართ დაკავებული ან თუ ახლა გეგმავთ და ემზადებით, ნებისმიერ მოცემულობაში, ეს კურსი დაგეხმარებათ, ცოდნით აგავსებთ და ბევრ სიახლეს აღმოგაჩენინებთ. დარწმუნებული ვართ, ამ კურსის გავლის შემდეგ ღვინის წარმოებაზე ყველა საჭირო ინფორმაცია გექნებათ და საქმიანობასაც უფრო თავდაჯერებულად გააგრძელებთ.

და ზოგადად, აუცილებლად გადაავლეთ თვალი ბიზნესკურსებზე საქართველოს ბანკის უფასო პლატფორმას, რომელიც მიზნის მიღწევაში დაგეხმარებათ – სასურველ თემაზე საჭირო და აუცილებელ ცოდნას კომპეტენტური ადამიანებისგან მიიღებთ.