Voiceloft აზერბაიჯანში დაფუძნებული პლატფორმაა, რომელიც ხმოვანი მონაცემების შეგროვებით მეტყველების ამოცნობის ტექნოლოგიების განვითარებას უწყობს ხელს.
Voiceloft 500 Georgia-ს აქსელერაციის პროგრამაში მონაწილე სტარტაპებს შორისაა. ამიტომაც, გადავწყვიტეთ, მის შესახებ უფრო დეტალურად მისსავე თანადამფუძნებელს, თოღრულ სამადოვს გავსაუბრებოდით:
– როგორ გაჩნდა Voiceloft-ის შექმნის იდეა და რა პრობლემას წყვეტს ის?
ისევე, როგორც ყველა ბიზნესს, ჩვენს ბიზნესსაც თავისი ისტორია აქვს. მე ვარ ტექნიკური მეწარმე და მჭირდებოდა სერვისი/ტექნოლოგია, რომელიც ტექსტს (ext-to-speech აზერბაიჯანულ ენაზე წაიკითხავდა, ამისთვის კი გამოვიყენე Google, თუმცა, გაკვირვებული დავრჩი მისი დაბალი სიზუსტით. ალტერნატიულმა ვარიანტებმაც არ გაამართლეს და ამიტომაც, გადავწყვიტე, თავად გადამეჭრა პრობლემა.
– გვიამბეთ, დეტალურად რა სერვისს სთავაზობს სტარტაპი მომხმარებლებს?
მეტყველების ამოცნობის ტექნოლოგიებში ყველაზე მნიშვნელოვანი ფაქტორი სიზუსტეა და მაღალი სიზუსტის მისაღწევად, მონაცემთა დიდი მასალა უნდა შეგროვდეს. მონაცემთა ნაკრები კი გამოიყენება ხელოვნური ინტელექტის მოსამზადებლად. თუმცა, ამ მონაცემების შეგროვება ძვირია და, საშუალოდ, 100$-დან 200$-მდე ღირს საათში, რაც ზღუდავს ახალი ენის მოდელების შემუშავებას. აქედან გამომდინარე, ბაზრის ამჟამინდელი მოთამაშეები ყურადღებას ამახვილებენ ძირითად ენებზე, კერძოდ – ინგლისურ და ევროპულ ენებზე. სინამდვილეში, მეტყველების ამოცნობის ყველა ხელმისაწვდომი გადაწყვეტილების მხოლოდ 6% მოიცავს სხვა ენებს, რომლებზეც 3 მილიარდზე მეტი ადამიანი საუბრობს.
Voiceloft-მა თავისი crowdsourcing პლატფორმის მეშვეობით, შეძლო მონაცემთა შეგროვების ხარჯების შემცირება საათში 1$-მდე. ამ მიდგომამ საშუალება მისცა Voiceloft-ს მიეღწია 95%-იანი სიზუსტისთვის აზერბაიჯანულ ენაზე, Google-ის 44%-თან შედარებით. Voiceloft-მა შექმნა უნივერსალური მოდელები 10-ზე მეტი ახალი ენისთვის სულ რაღაც 3 თვეში, რაც ბიზნესის მასშტაბურობისა და პოტენციალის მტკიცებულებაა.
– ვინ და ვინ ხართ Voiceloft-ის დამფუძნებლები და როგორი იყო თქვენი პირველი ნაბიჯები ამ საქმიანობაში?
ორივე დამფუძნებელი მეწარმეები ვართ და ერთმანეთს Techstars-ის პროგრამის ფარგლებში შევხვდით დუბაიში. სულ მალე მეგობრებთან ერთად პარტნიორებიც კი გავხდით.
სტარტაპზე მუშაობა 2021 წლის აპრილში დავიწყეთ და 2 წელზე ნაკლებ დროში 10-ზე მეტი ენა დავამატეთ მას. თავდაპირველად დავიწყეთ აზერბაიჯანული ენით, როგორც კონცეფციის დამადასტურებელი საბუთით და შემდეგ უკვე შევიმუშავეთ უნივერსალური მოდელი ყველა ენის, დიალექტისა და აქცენტისთვის.
– რატომ გადაწყვიტეთ 500 Georgia-ს აქსელერაციის პროგრამაში მონაწილეობა და როგორ ფიქრობთ, რა შესაძლებლობას აძლევს ის სტარტაპებს?
ბიზნესის შექმნა არის მოგზაურობა, რომელიც გადის მრავალ ფაზასა და ეტაპს. ჩვენ მოკლე დროში გავიარეთ გრძელი გზა და უკვე გამოვიმუშავეთ 300,000 დოლარზე მეტი შემოსავალი მხოლოდ აზერბაიჯანის ბაზარზე. კაპიტალის სწრაფად მოზიდვა ჩვენი მთავარი პრიორიტეტია, რადგან ჩვენ გვაქვს უნიკალური ტექნოლოგია და ბიზნესმოდელი, თუმცა, ყოველთვის არის ადგილი გაუმჯობესებისა და ოპტიმიზაციისთვის და ჩვენ ვსარგებლობთ პროგრამით, რათა გავიგოთ, რას ვმართავთ სწორად და რა იქნება უკეთესი ბიზნესის გასაუმჯობესებლად.
– და ბოლოს, როგორია Voiceloft-ის სამომავლო გეგმები?
ჩვენი მიზანია, შევაგროვოთ 2 მილიონი აშშ დოლარი მომდევნო 6 თვეში, რათა შევძლოთ ახალი ენების მოდელების შექმნა, შემდეგ უფრო მეტი კლიენტი მოვიზიდოთ და კიდევ უფრო გავზარდოთ და გავაფართოვოთ ჩვენი ბიზნესი გლობალურად.
ჩვენ რამდენიმე თვის წინ დავუკავშირდით წინა ინვესტორებს და ვენჩურული კაპიტალის ახალ კომპანიებს შუა აღმოსავლეთში. მათი მხრიდან დიდი ინტერესი დავინახეთ, თუმცა, მათ მეტი ხელჩასაჭიდი სჭირდებოდათ.
მას შემდეგ ჩვენ დავამატეთ 10-ზე მეტი ენა, გავაორმაგეთ ჩვენი შემოსავალი და შევუერთდით 500-ის პროგრამას. შესაბამისად, უკვე ველით, რომ მომდევნო რამდენიმე თვეში შევძლებთ საჭირო კაპიტალის მოზიდვას ადგილობრივი და აშშ-ში დაფუძნებულო ვენჩურული კაპიტალის კომპანიებისგან, რომლებსაც პროგრამის შემდეგ სილიკონ ველიში შევხვდებით.