საქართველოს ბანკის მხარდაჭერით 29 ივნისს 500 Georgia-ს მე-4 ნაკადის დემო დღე გაიმართა, სადაც ტექნოლოგიური სტარტაპების დამფუძნებლებმა დაინტერესებულ საზოგადოებას თავიანთი ინოვაციური პროდუქტები წარუდგინეს. მათ შორის ერთ-ერთი იყო Uteach.
ჰრაირ შაჰბაზიანმა თავისი გამოსვლა ონლაინ საგანმანათლებლო სექტორის მიმოხილვით დაიწყო. სწორედ ამ სექტორში ერთწლიანი მუშაობის შედეგად მისმა სტარტაპმა შეძლო, 200 000 დოლარის მოგება ეშოვა.
Uteach არის პლატფორმა, რომელიც განათლების პროვაიდერებს კურსების შექმნისა და გაყიდვის პროცესს უმარტივებს.
ჰრაირის თქმით, საგანმანათლებლო პლატფორმების შექმნაში დამფუძნებლები მნიშვნელოვან გამოწვევებს აწყდებიან, ეს გამოწვევები შეიძლება უკავშირდებოდეს: პლატფორმაში ლოკალური ენისა და გადახდის მეთოდების ჩაინტეგრირებას.
Uteach ამ პრობლემებს მარტივად აგვარებს და კურსების შემქმნელებს მნიშვნელოვნად უმარტივებს პლატფორმაზე საქმიანობის წამოწყებას.
მისივე თქმით, კურსების ავტორებს აქვთ შესაძლებლობა, შექმნან სასწავლო ვებგვერდი, რომელსაც აუცილებლად ექნება მათთვის სასურველი ენის მხარდაჭერა; ასევე ექნება ლოკალური საგადახდო მეთოდების ინტეგრაცია და ყველა ლოკალური ელექტრონული ხელსაწყო, რომელიც მათ კურსების შექმნისა და გაყიდვის პროცესს გაუმარტივებს.
„ჩვენ ვეხმარებით მასწავლებლებს, რომ ფოკუსირდნენ სწავლებაზე და არა – ტექნოლოგიაზე,“ – ჰრაირ შაჰბაზიანი.