საქართველოს ბანკის მომხმარებლებს სხვადასხვა ტიპის სესხი აღება და საკრედიტო პროდუქტების ლიმიტების გაგება დიდი ხანია, ციფრულ ბანკებში შეუძლიათ. მობილბანკში ან ინტერნეტბანკში ნებისმიერ დროს სპეციალურად შენთვის შეთავაზებული სესხების ლიმიტები შეგიძლია გაიგო და სამომხმარებლო სესხი გაიაქტიურო, რომელიც ანგარიშზე მაშინვე დაგიჯდება. ახლახან კი მობილბანკში სესხის აქტივაციის პროცესი კიდევ უფრო დაიხვეწა და გამარტივდა. თუ რა განახლდა სესხის აქტივაციის ფლოუში და რა პრობლემებს აწყდებოდნენ მომხმარებლები აქამდე, ამის შესახებ ზვიად ელისაშვილის ვესაუბრეთ, რომლის გუნდმაც ამ ცვლილებებზე იმუშავა.
“სესხის აქტივაციის ძველ ფლოუში ერთ-ერთი ყველაზე დიდი გამოწვევა მომხმარებლისთვის სასურველი/მითითებული ვადით ისეთი თანხის შეთავაზება იყო, რომლის გააქტიურებასაც შეძლებდა. ამის ნაცვლად, მომხმარებელთან მიდიოდა ერორ შეტყობინება, რომელშიც უბრალოდ ვეუბნებოდით, რომ პირობები შეეცვალა. მხოლოდ ერორ შეტყობინების გამოტანა რეკომენდერის გარეშე, რომელიც მომხმარებელს მითითებულ პირობებში ვადას, სხვა ვალდებულებების გადაფარვას და გასააქტიურებელი თანხის რეინჯს სთავაზობს, დაბნეულობას იწვევდა. ქოლცენტრში კი შემავალი ზარების რაოდენობა იზრდებოდა, რადგან მომხმარებლებს სურდათ გაერკვიათ, რა უნდა შეეცვალათ და რატომ მოდიოდა ეს შეტყობინება. ახლა კი დაგვემატა რეკომენდერის ფუნქციონალი, სადაც მომხმარებელს მისთვის სასურველი/მითითებული პირობების გათვალისწინებით ვეუბნებით, თუ რა თანხის გააქტიურება შეუძლია”, — ამბობს ზვიად ელისაშვილი.
საქართველოს ბანკის ციფრულ არხებში სესხის აღების პროცესში ახლა უკვე მაქსიმალურად მკაფიოდ არის ნაჩვენები ყველა ის პირობა, რომლებსაც სესხის გააქტიურება გულისხმობს. შესაბამისად, სხვადასხვა საკითხის გასარკვევად მომხმარებელს დროის დაკარგვა აღარ უწევს, სესხის აქტივაციისთვის კი სულ რამდენიმე წუთია საჭირო. რაც შეეხება ამ ცვლილების დანერგვის მიზეზს, ზვიად ელისაშვილის თქმით, სესხის აქტივაციის ფლოუს განახლება კვლევებითა და სხვადასხვა არხიდან მიღებული უკუკავშირის საფუძველზე გადაწყდა.
“ასეთ მასშტაბურ საკითხებს, როგორიც სესხის აქტივაციაა, მხოლოდ ერთი ან ორი ადამიანი ვერ განახორციელებს, ამიტომ პროექტში ჩართული იყო სხვადასხვა გუნდი (ბექი, ფრონტი, რისერჩი, მარკეტინგი). სწორედ გუნდურობითა და კოლაბორაციით გავაუმჯობესეთ სესხის აქტივაციის პროცესი და მომხმარებელზე მაქსიმალურად მორგებული გავხადეთ, პროექტზე მუშაობა კი დაახლოებით 20 ადამიანს მოუწია. შედეგად, სესხის აქტივაციის ფლოუ უფრო სწრაფი გახდა, ხოლო ფლოუს გადალაგებითა და მნიშვნელოვანი ექშენის დაპრიორიტეტებით აქტივაციის პროცესი უფრო ინტუიციური და მომხმარებელზე მაქსიმალურად მორგებული გახდა, რაც შედეგად იმას იწვევს, რომ ადამიანებს უფრო სწრაფად მიუწვდებათ ხელი თანხაზე მათი სურვილების და საჭიროებების დასაკმაყოფილებლად”, — დასძინა ზვიად ელისაშვილმა.
საქართველოს ბანკის მომხმარებლებს უკვე შეუძლიათ, რომ მობილბანკში სესხის აქტივაციის განახლებული ფლოუ თავად დატესტონ. ცვლილებების შედეგად, იმ მომხმარებლებისთვის, რომლებსაც სესხის ლიმიტი უკვე ჩართული აქვთ და მათთვისაც, ვინც ლიმიტს ახლა გაიგებს, არსებული ლიმიტის ფარგლებში სასურველი ოდენობის სესხის აღება გაცილებით მარტივი და ინტუიციური გახდა. სესხის აქტივაციასთან დაკავშირებით, საქართველოს ბანკის ციფრულ არხებში ცვლილებები მომავალშიც იგეგმება, რაც კვლავ მომხმარებელთა საჭიროებებზე იქნება მორგებული.
“ჩვენთვის მთავარი მომხმარებლის კმაყოფილებაა, შესაბამისად, დავაკვირდებით მომხმარებლის ქცევასა და მიღებულ უკუკავშირს, რასაც მომავალი გაუმჯობესებებისთვის გავითვალისწინებთ. ამ ეტაპისთვის გაუმჯობესების ყველაზე დიდ სივრცეს კვლავ რეკომენდერის მხარეს ვხედავთ, ვინაიდან ფუნქციონალი სიახლეა როგორც მომხმარებლისთვის, ასევე სისტემისთვის”, — აღნიშნა ზვიად ელისაშვილმა.
თუ ჯერ კიდევ არ შეგიმოწმებია შენი საკრედიტო შესაძლებლობები, ხელმისაწვდომი თანხის გაგებას ამ ბმულზე შეძლებ.