რა სიახლეებს აღმოაჩენ მობილბანკში

ცოტა ხნის წინ Global Finance-მა საქართველოს ბანკი მსოფლიოში საუკეთესო ციფრულ ბანკად დაასახელა, რაც ამ სფეროში ძალიან მნიშვნელოვანი წარმატებაა. მუდმივად განვითარებასა და სიახლეებზე ორიენტირებით ბანკი თავის მომხმარებლებს სთავაზობს მათზე მორგებულ მომსახურებას, რომელიც დღითიდღე უფრო მრავალფეროვანი, მოქნილი და მარტივად გამოსაყენებელი ხდება.


თუკი მობილბანკი შენი ტელეფონის განუყოფელი ნაწილია და აქტიურად იყენებ ამა თუ იმ ოპერაციების შესასრულებლად, გეცოდინება, რომ სხვადასხვა ტიპის ახალი ფუნქციონალების აღმოჩენა თითქმის ყოველთვიურად შეიძლება.
ამ მხრივ, არც ოქტომბრის თვეა გამონაკლისი – ამჯერად 2 ახალი სიახლე დაგხვდება: გემიფიკაცია და სხვა ბანკით ავტორიზაცია/რეგისტრაცია. სწორედ ამ ბლოგში გაგიზიარებთ, რას უნდა მოელოდო მედლების სივრცისაგან და როგორ შეგიძლია ყოველგვარი დაბრკოლების გარეშე აღადგინო პაროლი ან/და შექმნა ანგარიში სხვა ბანკის მონაცემებით.


მედლების სივრცე


მობილბანკით ყოველდღიურად სარგებლობა უფრო სახალისო და საინტერესო გახდა, რადგან უკვე გამოჩნდა მედლების სივრცე, რომელიც აერთიანებს აქტივობებს და, რაც მთავარია, სასურველ საჩუქრებს.


ალბათ, შეამჩნევდი, რომ აპლიკაციის ინტერფეისს დაემატა ახალი განყოფილება, რომელზეც გადასვლისას ახალ, მედლებით სავსე გვერდზე აღმოჩნდები. თითოეულ მედალს განსაზღვრული რაოდენობის დავალება აქვს, რომელთა შესრულების შემდგომ შეგიძლია დასაჩუქრდე PLUS და MR ქულებით, ვაუჩერებით, ფასდაკლებებით და სხვ. ამასთანავე, მანდვე გადაამოწმებ შენს პროგრესს.


აქტივობები, რომლებიც უნდა შეასრულო, ანალოგიურია იმ ოპერაციებისა, რასაც ისედაც ყოველდღიურად ახორციელებ. ამიტომ მედლების მოპოვების პროცესში განსაკუთრებულ სირთულეს არ გადააწყდები. ყველა მომხმარებელს ინდივიდუალური დავალებები აქვს; მაგალითად, შეიძლება მოგიწიოს ყულაბის გახსნა, ბარათით გადახდა და ა.შ.


ყოველდღიურ დაჯილდოებაში მონაწილეობისა და საჩუქრების მიღება უკვე შეგიძლია. მთავარია, რომ გქონდეს მობილბანკი, რომელსაც მარტივად გადმოწერ Android-სა ან IOS-ზე.


სხვა ბანკის მონაცემებით ავტორიზაცია და რეგისტრაცია


ხშირად საბანკო ბარათები სადმე გვრჩება ზუსტად მაშინ, როცა ისინი ძალიან გვჭირდება. თუმცა საქართველოს ბანკის მომხმარებლებისთვის ეს პრობლემა უკვე წარსულს ჩაბარდა – ახლა შეგიძლია სხვა ბანკის მონაცემების გამოყენებით გაიარო ავტორიზაცია/რეგისტრაცია.


ახალი ფუნქციონალი იმდენად მოქნილია, რომ არ მოგიწევს ზედმეტი დროის ხარჯვა და სულ რამდენიმე წუთში შეძლებ, რომ შეხვიდე აპლიკაციაში. ამისთვის მხოლოდ იმ ინფორმაციის ცოდნა დაგჭირდება, რომელსაც სხვა ბანკში შესასვლელად იყენებ.


როცა მონაცემების აღდგენას/რეგისტრაციას დააპირებ, საკმარისია შეხვიდე საქართველოს მობილბანკში, აირჩიო საჭირო ღილაკი და შემდეგ „სხვა ბანკით აღდგენა“ ან „სხვა ბანკით რეგისტრაცია“.

აღსანიშნავია, რომ ამ მეთოდის გამოყენებისას არ დაგჭირდება რაიმე დოკუმენტის ან სურათის გადაღება. მთავარია, იყო რომელიმე ბანკის მომხმარებელი და მინიჭებული გქონდეს ციფრული არხისთვის განკუთვნილი სახელი და პაროლი. მონაცემების შეყვანის შემდეგ, მოგივა ერთჯერადი კოდი და, ასევე, ჩვენთან ერთჯერადად გაზიარდება პირადი ინფორმაცია.


ეს და კიდევ უამრავი სხვა ფუნქციონალი შენი ყოველდღიური ცხოვრების გამარტივებისთვის იქმნება, სიახლეები კი მუდმივად ემატება მობილბანკს, რომელთა გაგება საქართველოს ბანკის ვებგვერდზეა შესაძლებელი.

არ გაჩერდე, გააგრძელე კითხვა