თუ შენი ყოველი ორშაბათი მობილბანკის აპლიკაციის შემოწმებით, მონეტების გადათვლით და საჩუქრების თვალიერებით იწყება, ესე იგი უკვე დიდი ხანია, საქართველოს ბანკის მასშტაბურ თამაშში ხარ ჩართული. ფინალამდე სულ უფრო და უფრო ცოტა დრო რჩება — თამაშის „საკვალიფიკაციო“ ეტაპი კიდევ ერთ თვეს გასტანს. ასე რომ, ალბათ დრო მოვიდა, ფინალისტობაზე საუბარიც დავიწყოთ… უფრო ზუსტად კი, გავიგოთ, როგორ უნდა მივხვდეთ, ვართ თუ არა ფინალში.
ყველაფერს დამატებითი მონეტები წყვეტს
როგორც ალბათ უკვე იცი, ფინალში მოსახვედრად საჭიროა, სულ მცირე ორი კვირის დავალებები გქონდეს სრულყოფილად შესრულებული. აზრი არ აქვს, ეს კვირები მიყოლებით იქნება თუ ინტერვალით — მთავარია, კვირის შენი წილი შვიდივე დავალება სწორად შეასრულო და 10 დამატებითი მონეტა მიიღო (დამოუკიდებელი მოთამაშეების შემთხვევაში).
ამდენად, ფინალისტობისთვის საკმარისი მონეტების რაოდენობა გუნდებისთვის და დამოუკიდებლად მოთამაშეებისთვის განსხვავდება. დამოუკიდებლად მოთამაშეებს ფინალში მოსახვედრად 20 დამატებითი მონეტა სჭირდებათ, წყვილებს — 40, ხოლო სამ-წევრიან გუნდებს, შესაბამისად, 60 დამატებითი მონეტა.
როგორ უნდა გაიგო, რამდენი დამატებითი მონეტა გაქვს მოგროვებული? უკვე იმდენი ხანია, თამაში დაიწყო, სულ ადვილად შეიძლებოდა სათვალავი აგრეოდა… ამიტომ, როცა მობილბანკის აპში თამაშს გახსნი, ქვედა ველში აირჩიე მარცხნიდან მეორე განყოფილება — „სტატისტიკა“. აქ შეგიძლია ნახო როგორც კვირის განმავლობაში, ასევე თამაშის დაწყებიდან დღემდე მოგროვებული სწორი პასუხების, მონეტებისა და დამატებითი მონეტების ჯამი. აი, სწორედ თამაშის დაწყებიდან დღემდე („სულ“) უნდა გქონდეს იმდენი დამატებითი მონეტა, რამდენიც ზემოთ ვახსენეთ.
დამატებითი მონეტები კიდევ შეიძლება დაგჭირდეს
თუკი, დავუშვათ, დამოუკიდებლად თამაშობ და უკვე 20 დამატებითი მონეტაც მოაგროვე, ნუ იფიქრებ, რომ მეტი აღარ გჭირდება. რა თქმა უნდა, ფინალში მოსახვედრად ესეც გეყოფა, მაგრამ ფინალამდე მარკეტიც ღიაა, დასკვნით რაუნდში კი მონეტების გადაცვლა შეგიძლია ძალიან გამოსადეგ დახმარებაზე (ასოს ან სიტყვის გახსნა, სწორი პასუხის მიღება, არასწორი პასუხების გამორიცხვა და არასწორი პასუხის შემთხვევაში დროითი შეზღუდვის მოხსნა). ვერავინ გირჩევს, რამდენი მონეტა შეინახო თამაშის ფინალისთვის, მაგრამ დახმარებების მიღებას ზუსტად იმდენჯერ შეძლებ, რამდენზეც მოგროვებული მონეტები გეყოფა. ასე რომ, ფინალის საგზურის განაღდების შემდეგაც არ შეწყვიტო კვირის ყველა დავალების შესრულებაზე ზრუნვა.
არც ის დაგავიწყდეს, რომ ყველა დავალების შესრულებაში ყოველკვირეული ბოლო, საბანკო დავალების შესრულებაც იგულისხმება. ამ დავალების შესრულება თუ გიჭირს ხოლმე, აუცილებლად წაიკითხე ეს ბლოგი.
ასე რომ, ახლა ყველაფერი შენზეა დამოკიდებული — თამაშის დასრულებამდე კიდევ ოთხი კვირა რჩება და ამ დროში ბევრი რამის მოსწრება შეგიძლია. თუ ისე მოხდა, რომ თამაში ჯერ არც კი დაგიწყია, დაუყოვნებლივ გამოასწორე ეს ამბავი, რადგან ამისთვის კიდევ უფრო ცოტა დრო გაქვს. გადმოწერე მობილბანკის აპლიკაცია, გაიარე მარტივი რეგისტრაცია და შემოუერთდი შეჯიბრს, რომ 31 დეკემბრამდე მოასწრო მინიმუმ 2 კვირის დავალებების წარმატებით შესრულება
თუ თამაშის წესებსა და პრიზებზე მეტის გაგება გინდა, ამ ბმულს ეწვიე, ხოლო თუ ყველაზე ხშირად დასმულ შეკითხვებზე პასუხი გაინტერესებს, ეს ბლოგი წაიკითხე აუცილებლად.