უკვე ერთი თვეა, რაც საქართველოს ბანკის მობილბანკში მასშტაბური თამაში მიმდინარეობს. თამაშის მონაწილეები დამოუკიდებლად თუ გუნდურად ცდილობენ, ყოველკვირეულ მისიებს უშეცდომოდ გაართვან თავი, დააგროვონ მონეტები და მოიპოვონ გრანდიოზული ფინალის საგზური.
თუ თამაშში შენც ჩართული ხარ, უთუოდ შენიშნავდი, რომ ყოველკვირეული შვიდი დავალებიდან ერთ-ერთი (და, როგორც წესი, ბოლო) სხვადასხვა საბანკო ოპერაციის შესრულებას ეხება. ლოგიკური ამოცანებისგან განსხვავებით, ამ დავალებების შესრულებით, შენ, ერთი მხრივ, მონეტებს მოიპოვებ და თამაშში დაწინაურდები, მეორე მხრივ კი, მობილბანკის შესაძლებლობებს უკეთ გაიცნობ და საჭიროების შემთხვევაში გამოიყენებ კიდეც მათ. ამასთან, თუკი მოცემული დავალების შესრულება არ გსურს, ყოველ კვირას 4-ჯერ გეძლევა საშუალება, ეს ბოლო დავალება შეცვალო.
თუმცა, გაითვალისწინე, რომ შეცვლილ დავალებაზე ვეღარ დაბრუნდები. კარგი ისაა, რომ დავალების შეცვლაში მონეტები არ გაკლდება და შეგიძლია, თამამად დააჭირო გადაცვლის ღილაკს ხელი. ასევე გახსოვდეს, თუ დავალების შესრულებას გადაწყვეტ, აუცილებლად იმ პროდუქტზე უნდა იყო გაჩერებული, რომელსაც ააქტიურებ. თან, მეტი სიმარტივისთვის, ღილაკზე ხელის დაჭერით პირდაპირ დავალების შესასრულებლად შესაბამის გვერდზე მოხვდები.
საქმე რომ გაგიმარტივოთ და დავალებების სრულყოფილად შესრულებაში დაგეხმაროთ, ამ ბლოგში მოკლედ აგიხსნით ყოველკვირეული ბოლო მისიის შესრულების პრინციპს. აქვე გაგიზიარებთ მობილბანკის პროდუქტებისა და სერვისების აქტივაციის ინსტრუქციების გვერდის ლინკს, რაც ასევე დაგეხმარებათ ტექნიკურ ნავიგაციაში.
გადარიცხვები, ანაბრები და ბარათები
თუ კომუნალურებიც გადასახდელი გაქვს და თამაშის ყოველკვირეულ ბოლო დავალებად კომუნალური გადასახადის ავტომატური რეგისტრაცია მოგივიდა, ნამდვილად ძალიან გაგიმართლა. მობილბანკი კომუნალურების გადასახდელად საინტერესო შესაძლებლობას გთავაზობს: აპლიკაციის „ჰაბის“ განყოფილებაში ტრანზაქციების არჩევისას შეგიძლია ავტომატური დავალებების სერვისი გაიაქტიურო. ამ შემთხვევაში კომუნალური, ტელევიზიის, ინტერნეტის თუ სხვა დავალიანება შენ მიერ მითითებული პერიოდულობით (ერთჯერადი, ყოველდღიური, ყოველთვიური თუ სხვა) ავტომატურად დაიფარება. მსგავსი პრინციპით შეგიძლია ავტომატური გადარიცხვის რეგისტრაციაც. მობილბანკის თამაშის ამ დავალების შესრულებისას მინიმალური თანხა განსაზღვრული არაა.
ყოველკვირეულ ბოლო დავალებად შეიძლება ასევე შეგხვდეს ანაბრის ან ყულაბის გახსნა. ორივე მათგანს მობილბანკის მომხმარებლები თანხის დასაგროვებლად იყენებენ. აპლიკაციაში, „ჰაბის“ განყოფილებაში, სულ მარტივად შეგიძლია ანაბრის ან ყულაბის მფლობელი გახდე. მობილბანკი დაგეხმარება ანაბრის ტიპის (მოთხოვნამდე, შეგროვებადი, ვადიანი) შერჩევაშიც. ყულაბის გახსნის შემთხვევაში კი, ყოველ გადახდაზე ანგარიშიდან გარკვეული ოდენობის თანხა გადაინახება. ამ დავალებების შესრულებაც ნებისმიერი თანხით შეგიძლია.
კიდევ ერთი მნიშვნელოვანი საბანკო ოპერაცია, რომლის განხორციელების საშუალებასაც თამაში გაძლევს, ბარათის შეკვეთაა. თუკი წლების წინ ამისთვის ფილიალში ვიზიტი იყო საჭირო, დღეს უკვე დისტანციურად, მობილბანკის აპლიკაციის დახმარებით შეგიძლია ნებისმიერი ბარათი შეუკვეთო — იქნება ეს ფიზიკური თუ ციფრული. ამის გაკეთებას კვლავაც „ჰაბის“ განყოფილებაში შეძლებ. თამაშის ერთ-ერთი დავალება შეიძლება ასევე მოიცავდეს ბარათის დაზღვევის ჩართვას. ეს სამომავლოდ ბევრ გაუთვალისწინებელ რისკსაც აგარიდებს თავიდან.
ის თუ იცოდი, მობილბანკიდან საბანკო ნაკრების გააქტიურება ან არსებული ნაკრების გაუმჯობესება რომ შეგიძლია? ეს ნაკრები შეიძლება მოიცავდეს პლასტიკურ ბარათს, ციფრულ ბარათს, SMS ბანკს, ავტომატურ გადარიცხვებსა და გადახდებს და სხვა. ნაკრები ზედმეტი ხარჯების თავიდან აცილებაში დაგეხმარება. მისი ღირებულება 2 ლარიდან 10 ლარამდე მერყეობს, აქტივაცია კი ისევ და ისევ „ჰაბის“ განყოფილებაში შეგიძლია.
განსაკუთრებული ოპერაციები
თამაშში თუ გამარჯვებას და მერე მოგებული თანხით მოგზაურობას აპირებ, სამოგზაურო დაზღვევა აუცილებლად დაგჭირდება. საბედნიეროდ, შეჯიბრის ერთ-ერთ დავალებად სწორედ ამ დაზღვევის გააქტიურება შეიძლება შეგხვდეს. დაზღვევის გააქტიურება აპლიკაციის „ჰაბის“ განყოფილებაში, ველში „ყოველდღიურობისთვის“ არის შესაძლებელი.
გარდა ამისა, თამაშის დავალებად შეიძლება მოგივიდეს სამგზავრო ბარათის შეძენაც, რაც ალბათ პლასტიკურ ბარათზე ნაკლებად საჭირო ნივთია, მაგრამ ნამდვილად გამოსადეგი. „ჰაბში“ ადვილად მოძებნი შესაბამის ველს, საიდანაც შეიძენ ბარათს ავტობუსით, მიკროავტობუსით, მეტროთი და საბაგიროთი მგზავრობისთვის.
კიდევ ერთი საინტერესო დავალება საინვესტიციო ანგარიშის გახსნა და ნებისმიერი მოცულობის აქციების ყიდვაა. თუკი თანხის გრძელვადიან პერსპექტივაში დაგროვება გსურს, საინვესტიციო ანგარიშის გახსნა ამ მიზნისთვის ზედგამოჭრილია. ამ დავალების შესრულება აპლიკაციის „პროდუქტების“ განყოფილებაში შეგიძლია. ხოლო თუ რატომ უნდა გახსნა საინვესტიციო ანგარიში მობილბანკში, ამაზე მეტს ამ ბლოგში გაიგებ.
სახალისო დავალებები
გადარიცხვებიც კარგია, ანაბარ-ყულაბებიც და დაზღვევაც, მაგრამ დროის მოცემულ მომენტში შეიძლება არცერთი არ გჭირდებოდეს. სწორედ ამიტომ, როგორც ზემოთ აღვნიშნეთ, ყოველ კვირას შეგიძლია 4-ჯერ მოითხოვო დავალების შეცვლა. ამ შემთხვევაში კი, შესაძლოა, სხვადასხვა სახალისო მისია შეგხვდეს, რომელსაც ასევე მობილბანკის დახმარებით გაართმევ თავს.
მაგალითად, თანხის მოთხოვნა — მეგობრები სადმე სასადილოდ დასხედით და ანგარიშის გასწორება შენ იკისრე? მაშინვე შეგიძლია მობილბანკის „ჰაბს“ მიაშურო, აირჩიო ჯერ „თანხის მოთხოვნის“, შემდეგ კი „თანხის გაყოფის“ დავალება. სხვათა შორის, სულ ახლახან ეს სერვისი კიდევ უფრო გაუმჯობესდა და დაემატა ბმულით თანხის მოთხოვნა, რომლის დახმარებითაც თანხას ნებისმიერ დროს, ნებისმიერი ბანკიდან მიიღებ.
მობილბანკში კიდევ ბევრი საინტერესო დიდი თუ პატარა ოპერაციის შესრულება შეგიძლია, მათ შორის, ყოველთვიური ბიუჯეტის წინასწარ გაწერა და დაგეგმვა, ანაბარზე კონკრეტული მიზნის დაყენება, შაბლონების დამატება, ინტერესების გაზიარება, სხვადასხვა შეთავაზებების დათვალიერება და ჩატბოტთან ურთიერთობაც კი. ეს ყველაფერი ერთ სივრცეშია თავმოყრილი, თითოეული ამ დავალების შესრულებამ კი თამაშის სხვადასხვა ეტაპზე შეიძლება დაგაწინაუროს.
______________
თამაში კი გრძელდება. როგორც გითხარით, ამჟამად მოთამაშეები მე-5 კვირის დავალებებისთვის თავის გართმევას ცდილობენ. თუ ჯერ კიდევ არ ჩართულხარ ამ მხიარულებაში, აღარ შეყოვნდე, გადმოწერე მობილბანკის აპლიკაცია, გაიარე მარტივი რეგისტრაცია და შემოუერთდი უამრავ ადამიანს. დეტალურ ინფორმაციას, მათ შორის თამაშის წესებსა და პრიზებზე, ამ ბლოგში მიიღებ