ინვესტირება ქონების დაგროვების ერთ-ერთი ყველაზე ეფექტიანი გზაა. წლების განმავლობაში, ფასიანი ქაღალდების ბაზარი მხოლოდ უმდიდრესი მოქალაქეებისთვის იყო ხელმისაწვდომი. საფონდო ბირჟაზე ვაჭრობის პრივილეგიით სარგებლობისათვის საინვესტიციო ბანკში ან საბროკერო ფირმაში ანგარიშის გახსნა და საკმაოდ რთული პროცედურის გავლა იყო საჭირო.
ტექნოლოგიურმა პროგრესმა ინვესტირების დემოკრატიზაციას მნიშვნელოვნად შეუწყო ხელი, ახლა უკვე ამ პრივილეგიით სარგებლობისათვის უოლ-სტრიტზე ვიზიტის დაგეგმვა აღარაა საჭირო. „საქართველოს ბანკში“ საინვესტიციო ანგარიშის გასახსნელად სახლიდან გასვლაც კი არ არის საჭირო, საფონდო ბირჟაზე წვდომის მოსაპოვებლად მხოლოდ მობილბანკის გადმოწერაც საკმარისია.
მობილბანკის მეშვეობით ინვესტირების დაწყება 1 დოლარიდანაა შესაძლებელი, განსხვავებით საინვესტიციო ბანკებისა, სადაც ანგარიშის გასახსნელად რამდენიმე ათასი დოლარის მინიმალური დეპოზიტის შეტანაა საჭირო. მობილბანკი წვდომას გაძლევთ ათასობით ფინანსურ ინსტრუმენტთან: საქართველოს ბანკის აპლიკაციის მეშვეობით ამერიკულ საფონდო ბირჟებზე (NYSE, NASDAQ) განთავსებული ნებისმიერი კომპანიის აქციების შეძენა შეგიძლიათ. გარდა ამისა, პლატფორმა ფონდებში (ETFs) ინვესტირების შესაძლებლობასაც გაძლევთ, რომელსაც ექსპერტები ყველაზე ეფექტიან საინვესტიციო ინსტრუმენტად მიიჩნევენ.
მობილბანკი წილადობრივი ინვესტირების საშუალებასაც იძლევა, ანუ შეგიძლიათ ზუსტად იმ თანხის შესაბამისი მოცულობის ფასიანი ქაღალდი შეიძინოთ, რამდენის გადახდის სურვილი ან საშუალება გაქვთ.
მობილბანკით ინვესტირებისას მხოლოდ ორი: ტრანზაქციის და ყოველთვიური მომსახურების საკომისიოს გადახდა მოგიწევთ. ქვეყანაში კი საკმაოდ ხელსაყრელი საგადასახადო პირობებია, რადგან კაპიტალური მოგება საქართველოს მოქალაქეებისთვის არ იბეგრება.
პლატფორმის ძირითადი უპირატესობების გაცნობის შემდეგ, ისევ ფუნდამენტურ შეკითხვას უნდა დავუბრუნდეთ: რატომ უნდა დაიწყოთ ინვესტირება? – საქმე ისაა, რომ დოვლათის შექმნისათვის მხოლოდ თანხის დაზოგვა არ არის საკმარისი, საბანკო დეპოზიტი და საპენსიო დანაზოგი სტაბილური ცხოვრების უზრუნველყოფისათვის აუცილებელია, თუმცა სიმდიდრის შექმნისათვის გაცილებით უფრო მეტია საჭირო. მაგალითისთვის გეტყვით, რომ ამერიკული საფონდო ბირჟის წლიური საშუალო ამონაგები 9-10%-ს შეადგენს, რაც ორჯერ და სამჯერ აღემატება სადეპოზიტო ან საპენსიო ანგარიშებიდან მიღებულ წლიურ სარგებელს. შესაძლოა, 10%-იანი ამონაგები ერთი შეხედვით დიდ რიცხვად არ მოგეჩვენოთ, თუმცა დროსთან ერთად, რთული პროცენტის და პერიოდული რეინვესტირების დახმარებით, ამ სტრატეგიას ნამდვილად შეუძლია ადამიანის გამდიდრება, განსხვავებით ყულაბაში დაგროვილი დანაზოგისა.
ექსპერტები ყველაზე ეფექტიან მეთოდად პერიოდული რეინვესტირების გრძელვადიან სტრატეგიას ასახელებენ, მაგალითად: ყოველთვიურად 200 დოლარის ინვესტირებით 40 წელიწადში პორტფელის მოცულობამ, შესაძლოა, $1 მილიონს გადააჭარბოს. შედარებისთვის, ყულაბაში თანხის შენახვით 40 წელიწადში დაგროვილი თანხის მოცულობა სულ რაღაც $96,000 იქნება.
ისტორიულ მონაცემებზე დაკვირვება ცხადყოფს, საფონდო ბირჟაზე ინვესტიციის განხორციელებისათვის იდეალური დრო უბრალოდ არ არსებობს, რადგან ბაზრის ტენდენციების ზედმიწევნით წინასწარმეტყველება შეუძლებელია. ამიტომაც საუკეთესო დრო ინვესტიციის განხორციელებისათვის სწორედ დღესაა. აქვე არ უნდა გამოგვრჩეს, რომ დივიდენდების და რთული პროცენტის ეფექტიანობა დროსთან ერთად ექსპონენტურად იზრდება, ანუ საფონდო ბირჟაზე გატარებული დრო პირდაპირპროპორციულად აისახება პორტფელის საბოლოო შედეგზე.
ინვესტირება არ არის სწრაფი გამდიდრების საშუალება, ეს საშუალო და გრძელვადიან პერსპექტივაში სიმდიდრის დაგროვებისა და ახალი დოვლათის შექმნის ეფექტიანი სტრატეგიაა, რომელსაც წლების განმავლობაში მსოფლიოს მასშტაბით მილიონობით ინვესტორისათვის უდიდესი ფინანსური სარგებელი მოუტანია. ნუ დაგავიწყდებათ, რომ საფონდო ბირჟაზე აქციების შეძენით თქვენ არა უბრალო პროდუქტის მფლობელები, არამედ ბიზნესის აქციონერები ხდებით, ისეთი ბიზნესის მეწილეობა კი, როგორიც, მაგალითად: Apple, Microsoft, Coca-Cola ან JPMorgan-ია, ნამდვილად დიდი პრივილეგიაა, რომელიც ახალა უკვე მობილბანკის დახმარებით ყველასთვისაა ხელმისაწვდომი.