რომელი იყო ყველაზე მარტივი და რთული კითხვები მობილბანკის თამაშის პირველ კვირაში

ცეცხლი აინთო, თამაში დაიწყო!

საქართველოს ბანკის მობილბანკის ახალმა მასშტაბურმა თამაშმა სულ ცოტა ხნის წინ აიღო სტარტი. 9 ოქტომბრიდან 12 კვირის განმავლობაში თამაშში ჩართული მონაწილეები ერთმანეთს ცოდნის, გამჭრიახობის და ცოტათი ინტუიციის დახმარებითაც შეეჯიბრებიან ერთმანეთს. ამის სურვილი კი ნამდვილად ბევრს აღმოაჩნდა: თამაშში უამრავი ადამიანი ჩაერთო მთელი საქართველოდან — და არა მხოლოდ.

შეიძლება უკვე შენც ჩაერთე თამაშში და პირველი კვირის დავალებებსაც წარმატებით გაართვი თავი. თუმცა, ერთ საიდუმლოს გაგიმხელთ — დამოუკიდებლად მოთამაშეებს, ორ-მოთამაშიან და სამ-მოთამაშიან გუნდებს სხვადასხვა დავალება ხვდებათ. უთუოდ დაგაინტერესებს, სხვები რას და როგორ გაუმკლავდნენ პირველ კვირაში. ქვემოთ სწორედ ამაზე მოგიყვებით — ვის რა შეკითხვაზე პასუხის გაცემა გაუადვილდა ან  გაუჭირდა ყველაზე მეტად.

მაიას ტომი — დამოუკიდებელი მოთამაშეების აქილევსის ქუსლი

რა საერთო შეიძლება ჰქონდეთ მაია ჩიბურდანიძესა და მესოამერიკულ ცივილიზაციას? რა თქმა უნდა, სახელი. თუმცა, როგორც ჩანს, ეს უცნაური კავშირი ბევრმა დამოუკიდებლად მოთამაშემ ვერ დაინახა და ვერ დაასახელა ტომი ქართველი დიდოსტატის სახელით.

გარდა ამისა, დამოუკიდებლად მოთამაშეებს იმის გარკვევაც გაუჭირდათ, რის გამომგონებლად ითვლება ჯორჯ ნისონი. არადა, შეკითხვას თავად ნისონის ფოტოც ჰქონდა დართული, სადაც ეს პატივცემული პიროვნება კენგურუსთან ერთად დახტოდა. ცხადია, შეკითხვის პასუხი ბატუტი იყო.

სამაგიეროდ, მარტოხელა მოთამაშეებს არ გასჭირვებიათ დიდი ქართველი კლასიკოსის, აკაკი წერეთლის, დაბადების წლის გახსენება. ვისი აკვანი დაირწა 1940 წელსო, ამ შეკითხვაში ორი მინიშნება იყო გაერთიანებული.

გარდა ამისა, დამოუკიდებლად მოთამაშეებს ნაპოლეონიც ჰყვარებიათ; ნამცხვარი, რა თქმა უნდა. ჰყვებიათ რომელია — რეცეპტიც ზედმიწევნით სცოდნიათ და მის მიხედვით იმპერატორის სეხნია დესერტის გამოცნობაც არ გაუჭირდათ.

ორმოთამაშიანი გუნდები — პერსპექტიული ზოოლოგები

პიზლი და გროლარი იცით, ვინ არიან? არა, დისნეის ახალი ანიმაციის გმირები არ გახლავთ. ასე უწოდებენ თურმე პოლარული დათვისა და გრიზლის ნაჯვარს. ყველაზე მეტმა ორმოთამაშიანმა გუნდმა სწორედ ამ შეკითხვას უპასუხა სწორად.

ორმოთამაშიან გუნდებს საქართველოს გეოგრაფიაც კარგად სცოდნიათ. ადვილად გაიხსენეს, დუშეთის მუნიციპალიტეტის რომელ დაბაში ხვდებიან „ისინი“ — ორი არაგვი — ერთმანეთს. რასაკვირველია, ფასანაურში.

თუმცა, პერსპექტიულ ზოოლოგებს და გეოგრაფებს ძველი ქართული ფილმებისა და კლასიკური საბავშვო ლიტერატურის გადამეორება არ აწყენდათ. ორ-მოთამაშიან გუნდებში ყველაზე მეტად გაუჭირდათ იმ ერთადერთი ფეხბურთელის სახელის გახსენება, რომელიც 1992 ქართულ ფილმში გადარჩა — პელე.

ამ გუნდებმა ვერც ის გაიხსენეს, სად ბინადრობს ზომიერად ფერ-ხორციანი მოწიფული მამაკაცი. ჩვენ კი არ გვწყენია ეს ამბავი, მაგრამ კარლსონზე რა გითხრათ…

სამ-მოთამაშიან გუნდებში მზესაც ხედავენ და სწორ პასუხსაც

თუ შენ ამას ხედავ, უნდა მონიშნო 1962 წლის რომანის სახელი — ამ შეკითხვაზე, რომელსაც „ნასას“ თვალწარმტაცი ფოტოც ჰქონდა დართული, სამმოთამაშიან გუნდებს ყველაზე ადვილად გაახსენდათ ნოდარ დუმბაძის ცნობილი რომანი „მე ვხედავ მზეს“.

გარდა ამისა, ამ გუნდებში ალბათ ყველაზე მეტი ავტომოყვარულიც ყოფილა, რადგან მარტივად მიხვდნენ, რომ 1903 წელს დეტროიტში დაფუძნებული კორპორაცია „ფორდი“ იყო.

თუმცა, რაც უნდა გასაკვირი იყოს, სამ-მოთამაშიან გუნდებს მე-20 საუკუნის ქართული ლიტერატურა უკეთ სცოდნიათ, ვიდრე — მე-19 საუკუნის. ყოველ შემთხვევაში, ძალიან გაუჭირდათ პასუხის გაცემა იმაზე, თუ ვინ იყო 1861 წელს გამოცემული ნაწარმოების ავტორი. ილია, რა თქმა უნდა, სხვა — ვინ?!

გარდა ამისა, სამ-მოთამაშიან გუნდებში ვერც ჩხოროწყუს სახელი გაიხსენეს, როცა დავალებამ არცთუ პირდაპირი მინიშნებით სთხოვა სამეგრელო-ზემო სვანეთის ქალაქის დასახელება. ალბათ დროა, ქალაქობანამ დაიბრუნოს ძველი დიდება!..

ჩაერთე თამაშში — სულაც არაა გვიან!

პირველი კვირის დავალებებისთვის განკუთვნილი დრო ამოიწურა, მაგრამ ეს სულაც არ ნიშნავს, რომ თამაშში ჩართვა დაგვიანებულია. ახლაც რომ დაიწყო თამაში, სულ თავისუფლად შეძლებ ფინალში მოხვედრას — ამისთვის მხოლოდ ისაა საჭირო, მომდევნო სამი თვის განმავლობაში ორი კვირის დავალებები მაინც გქონდეს სრულყოფილად შესრულებული.

გაითვალისწინე, რომ თამაშში ჩასართავად აუცილებლად უნდა იყო საქართველოს სრულწლოვანი მოქალაქე და გქონდეს საქართველოს ბანკის მობილბანკი. აპლიკაციის გადმოწერა და მარტივი რეგისტრაციის გავლა ნებისმიერ პირს შეუძლია. დეტალური ინფორმაციის მიღებას, მათ შორის თამაშის წესებსა და პრიზებზე, ამ ბლოგში შეძლებ.

ასე რომ, აღარ დაფიქრდე, ჩაერთე მასშტაბურ თამაშში, იხალისე და მოიგე პრიზები.