განახლებულ აპლიკაციაში
თუ ისე მოხდა, რომ საქართველოს ბანკის მობილბანკით აქამდე არ სარგებლობდი, ახალი წლის პირველივე რეზოლუციად სწორედ ამ აპლიკაციის ჩამოტვირთვა უნდა გაწერო. თუმცა, დარწმუნებულები ვართ, ბევრ მკითხველს ეს უკვე დიდი ხანია, გაკეთებული აქვს — აპლიკაციაში ხომ უკვე მესამე თვეა, მასშტაბური თამაში მიმდინარეობს.
მობილბანკი კი პოპულარობას არც თამაშამდე უჩიოდა, რადგან აპლიკაცია ჩვენს ყოველდღიურ ცხოვრებას ამარტივებს და ბევრ საზრუნავს თავიდან გვაცილებს. მაგალითად, გადახდების ყოველთვიური, რუტინული პროცესის გასაადვილებლად შეიქმნა ავტომატური გადახდის ფუნქცია. აპლიკაციაში კიდევ უამრავი მოსახერხებელი სერვისია თავმოყრილი — როგორც საბანკო, ასევე არასაბანკო. სულ ახლახან ამ ფუნქციებს სხვა საინტერესო შესაძლებლობებიც შეემატა, რამდენიმე სერვისი კი კიდევ უფრო გამარტივდა.
მაშ ასე, რა დაგხვდება განახლებულ მობილბანკში?
სასაჩუქრე ბარათები მოულოდნელი სიურპრიზებისთვის
განახლებული მობილბანკის ერთ-ერთი მთავარი სიახლეა სასაჩუქრე ბარათები, რომელთა შეძენასაც პირდაპირ აპლიკაციიდან შეძლებ. სასაჩუქრე ბარათი ერთგვარი ვაუჩერია, რომელზეც წინასწარ არის დარიცხული გარკვეული რაოდენობის თანხა. მისი ჩუქება შეგიძლია როგორც საყვარელი ადამიანისთვის, ასევე საკუთარი თავისთვის. წინასაახალწლოდ კი ამაზე უკეთეს საჩუქარს ალბათ ვერც ნახავ.
აპლიკაციაში სასაჩუქრე ბარათების პოვნას „შეთავაზებების“ განყოფილებაში შეძლებ. აქ დაგხვდება ათობით კომპანიის ჩამონათვალი, რომლებიც მოულოდნელი სიურპრიზების შექმნაში დაგეხმარებიან. სასაჩუქრე ბარათის შერჩევის შემდეგ კი, მის დიზაინსაც გადაწყვეტ, დაურთავ პატარა მინაწერს ადრესატისთვის და აირჩევ, ზუსტად როდის გსურს მისი ჩუქება. აღსანიშნავია ისიც, რომ სასაჩუქრე ბარათის შეძენას ნაწილ-ნაწილ გადახდითაც შეძლებ.
სასაჩუქრე ბარათებზე მეტს ამ ბლოგიდან შეიტყობ.
ავტომატურ გადახდებამდე გზა კიდევ უფრო შემოკლდა
როგორც გითხარით, მუდმივად მიმდინარეობს მუშაობა მობილბანკის სერვისების დახვეწაზე და კიდევ უფრო გამარტივებაზე, რათა მომხმარებლისთვის ის მაქსიმალურად კომფორტული გახდეს. ავტომატური გადახდები აქამდეც ბევრ საფიქრალს გვაშორებდა, მაგრამ ეს სერვისი ამიერიდან კიდევ უფრო მოსახერხებელი იქნება.
აპლიკაციაში „ჰაბის“ განყოფილებაში დაგხვდება ავტომატური დავალებების ფუნქცია. ასე შეგიძლია დაამატო გადახდა (კომუნალური, ტრანსპორტის, განათლების, სადაზღვევო და სხვა) ან გადარიცხვა, რომელიც ან ერთჯერადი იქნება, ან გარკვეული პერიოდულობით (ყოველდღიურად, ყოველთვიურად) განმეორდება შენგან დამოუკიდებლად. ამ პროდუქტის სრული რედიზაინის შედეგად, გამარტივდა როგორც ავტომატური გადახდის შექმნა, ასევე მისი რედაქტირება. უფრო ზუსტად კი, შემცირდა ველების რაოდენობა, ხოლო პროცესი უფრო მეტად ინტუიციური გახდა.
შენი სივრცე მობილბანკში
მობილბანკში ამიერიდან განყოფილება „ჩემი სივრცე“ დაგხვდება. ეს აპლიკაციაში ალბათ ყველაზე მყუდრო ადგილია, სადაც თვალსაჩინოდაა თავმოყრილი შენთვის მნიშვნელოვანი ინფორმაცია: ანგარიშები, ლოიალურობის, ანუ პლუს ქულები, საპენსიო დანაზოგი, აქტიური ავტომატური დავალებები და პროდუქტები (პაკეტი, დაზღვევები, სამგზავრო ბარათები). აქვეა განთავსებული ინფორმაცია ბავშვების sCool ქარდზე და ღია ბანკინგის ფარგლებში არსებულ ბარათებზე. გარდა ამისა, შენთვის შემოთავაზებულ საბანკო პროდუქტებზეც (სამომხმარებლო სესხის თანხა, ნაწილ-ნაწილ) „ჩემი სივრციდან“ შეიტყობ.
ასე რომ, როგორც ხედავ, ჯამში მობილბანკიც კიდევ უფრო მყუდრო და კომფორტული გახდა. როგორც სიახლეების, ასევე შენთვის უკვე საყვარელი სერვისების გამოსაცდელად კი, რა თქმა უნდა, სმარტფონში აპლიკაცია უნდა გეგულებოდეს. მობილბანკის გადმოწერას შეძლებ Android ან iOS მოწყობილობებისთვის.