საქართველოს ბანკის მობილბანკში თამაშის დაწყებიდან უკვე შვიდ კვირაზე მეტი გავიდა, ამ დროში კი შეჯიბრის მონაწილეებმა უამრავი დავალება შეასრულეს, დააგროვეს მონეტები, გაინაღდეს ფინალის საგზურები და კარგ საჩუქრებსაც გამოჰკრეს ხელი.
თამაშში ჩართვისთვის გვიან ჯერ კიდევ არაა — რადგან ფინალში მოსახვედრად მხოლოდ ორი კვირის დავალებების სრულყოფილად შესრულება გჭირდება, შეჯიბრს მე-10 კვირამდე შეგიძლია შემოუერთდე.
აი, შემოერთების შემდეგ კი დანებებაზე არც იფიქრო. თამაშში ჩართული ბევრი მოთამაშე სულაც არ მოელოდა, რომ მისიებს ასეთი წარმატებით გაართმევდა თავს. ხოლო თუ იმაზე გეფიქრება, რამდენად მოიცლი ხოლმე სათამაშოდ, შეგვიძლია დაგამშვიდოთ და გითხრათ, რომ თამაშს სულ ადვილად მოახერხებ — თანაც არაერთ ადგილას და სიტუაციაში. მაინც როგორ?
1. საზოგადოებრივ ტრანსპორტში
საზოგადოებრივი ტრანსპორტით მგზავრობა ბევრი ჩვენგანის ყოველდღიურობის რუტინული, განუყოფელი ნაწილია. ასე რომ, გასაკვირი არაა, რომ ავტობუსში ან მეტროში გატარებული დრო ხშირად იმაზე გაწელილად გვეჩვენება, ვიდრე რეალურადაა.
ამ დროს უფრო სახალისოდ და ნაყოფიერად გამოიყენებ, თუკი თამაშის დავალებების შესრულებას შეუდგები. ბევრ შეკითხვაზე კარგად დაფიქრებაც გმართებს, ასე რომ, ფიქრის პროცესის პარალელურად ქალაქის ხედებს შეგიძლია თვალი შეავლო; და რა იცი — იქნებ ასე მოულოდნელად აინთოს ნათურა შენს ტვინში. ამას გარდა, დარწმუნებული იყავი, რომ თამაშს შენი ბევრი თანამგზავრიც თამაშობს, ამდენად, საქმე საქმეზე თუ მიდგა, „აუდიტორიის“ დახმარებაც შეგიძლია ითხოვო.
2. საცობში (რა თქმა უნდა, თუ შენ არ ხარ საჭესთან)
საზოგადოებრივ ტრანსპორტზე თუ უარი თქვი და მეგობარს, ოჯახის წევრს ან სულაც ტაქსის დაემგზავრე, მაგრამ საცობში აღმოჩნდით, დროის გაყვანის ყველაზე კარგი საშუალება სწორედაც რომ თამაშია. საინტერესო და რთული შეკითხვები ისეთ აზარტში შეგიყვანს, სულაც დაგავიწყდება, საცობში რომ ხარ და ალბათ სადღაც გაგვიანდება კიდეც…
ამასთან, „აუდიტორიის“ დახმარებისა არ იყოს, სიტუაცია თუ გართულდა, დახმარებისთვის შენს მძღოლს შეგიძლია მიმართო.
3. მაღაზიის რიგში
რუტინულ და მომაბეზრებელ საქმეებს შორის ერთ-ერთ მოწინავე ადგილს ყოველდღიური საყიდლები იკავებს — განსაკუთრებით კი მაშინ, როცა სალაროსთან უშველებელი რიგია ხოლმე გადაჭიმული.
რას ვიზამთ: ისღა დაგრჩენია, კალათა კარგად გადაათვალიერო (რამე არ გავიწყდებოდეს) და ჯიბიდან მობილური ამოიღო. აქვე იმასაც შეგახსენებთ, რომ ყოველკვირეულად მოთამაშეებს 7-7 დავალების შესრულება უწევთ. ხოლო თუ წინასადღესასწაულო რუზრუზს გავითვალისწინებთ, შეიძლება დაასრულო კიდეც კვირის ყველა მისია, სანამ რიგი მოგიწევს.
4. შესვენებაზე სამსახურში
შესვენება სამსახურში სამუშაო დღის ერთ-ერთი საუკეთესო ნაწილია: ამ დროს შეგიძლია წაიხემსო და თანამშრომლებთან საუბრით თავი შეიქციო. თუმცა, თავის შესაქცევადაც და ტვინის გასანიავებლადაც თამაშს მაინც ვერაფერი შეედრება.
სხვა ყველა ადგილის და სიტუაციისა არ იყოს, თამაშში ჩართული მონაწილეები თანამშრომლებს შორისაც შეიძლება აღმოაჩინო. ან თუ შეჯიბრში ჯერ არ ჩართულხარ და ფიქრობ, რომ რომელიმე თანამშრომლის გამჭრიახობა გამოგადგებოდა, ჯობს წყვილში ან სულაც სამ-წევრიან გუნდში თამაში დაიწყოთ. თანაც, გუნდურად თამაშს ხომ ბევრი უპირატესობა აქვს, მათ შორის — უფრო დიდი საპრიზო ფონდი.
5. სანამ კაფეში შეკვეთილ ყავას და შენს მეგობარს ერთდროულად ელოდები
ამ პუნქტში შეგიძლია იგულისხმო სხვა ყველა ის სიტუაციაც, როცა დალოდება გიწევს. ალბათ იმაზე ვთანხმდებით, რომ ლოდინზე უსიამოვნო და მომაბეზრებელი ცოტა რამ არსებობს ქვეყანაზე. თუმცა, როცა სმარტფონში მობილბანკის აპლიკაცია, აპლიკაციაში კი თამაში გეგულება, შეკვეთილ ყავასაც მოთმინებით დაუცდი და მეგობარს, რომელსაც, რატომღაც, ყოველთვის და ყველგან აგვიანდება…
ისე, შეიძლება პუნქტუალობით არ გამოირჩეოდეს, მაგრამ იქნებ მასთან ერთად თამაში გეცადა?
_______________
სადაც უნდა თამაშობდე, დრო არ იცდის — უკვე თამაშის მე-8 კვირაა, ფინალს კი მხოლოდ ერთი თვეღა გვაშორებს. ასე რომ, აღარ გადადო ეს ამბავი: გადმოწერე მობილბანკის აპლიკაცია, გაიარე მარტივი რეგისტრაცია და ჩაერთე თამაშში.
თუ თამაშის წესებსა და პრიზებზე მეტის გაგება გინდა, ამ ბმულს ეწვიე, ხოლო თუ ყველაზე ხშირად დასმულ შეკითხვებზე პასუხი გაინტერესებს, ეს ბლოგი წაიკითხე აუცილებლად.