გუნდურად თამაშის უპირატესობები – როგორ უნდა ითამაშო საქართველოს ბანკის თამაში სხვებთან ერთად

9 ოქტომბერს დაიწყო 12 კვირიანი მასშტაბური თამაში საქათველოს მობილბანკში — და არა მხოლოდ; გამარჯვებისა და პრიზების მოსაპოვებლად თამაშში ჩართვა ხომ საქართველოს ნებისმიერ სრულწლოვან მოქალაქეს, მათ შორის, ემიგრანტებსაც შეუძლიათ.

თამაშის წესები მარტივია. დასაწყისისთვის, უნდა გადაწყვიტო, დამოუკიდებლად გსურს თამაში თუ 2 ან 3-მოთამაშიან გუნდში. მერე კი ყოველკვირეულად მოგიწევს, სხვადასხვა დავალებას თავი გაართვა და მოიპოვო ადგილი ფინალურ ტურში, რომელიც მომდევნო წლის იანვარში გაიმართება.

ჯერ კიდევ ფიქრობ, დამოუკიდებლად გირჩევნია თამაში თუ გუნდთან ერთად? მოდი, ერთი-ორი სიტყვით მოგიყვებით, რა უპირატესობა შეიძლება ჰქონდეს გუნდურ თამაშს.

რატომ შეიძლება ჩაერთო თამაშში გუნდურად

ამ შეკითხვაზე მარტივი და ალბათ ცოტათი გაცვეთილი პასუხის გაცემაც შეიძლებოდა — „ძალა ერთობაშია“. თუმცა, ერთობლივი ძალისხმევის გარდა, გუნდურად თამაშს სხვა უპირატესობებიც აქვს.

მაგალითად, თამაშის მიმდინარეობისას თქვენ მონეტების ერთობლივად შეგროვებას შეძლებთ. გუნდის წევრებს ყოველკვირეულად მოუწევთ ერთად გაართვან თავი დავალებებს. თითოეული უშეცდომოდ შესრულებული დავალება მონეტებს მოგიტანს, ხოლო თუ კვირის ყველა დავალებას სრულყოფილად შეასრულებ, დამატებით მონეტასაც გამოჰკრავ ხელს. ყველა ეს მონეტა გუნდის სახელზე დაგროვდება. რაც მეტი მონეტა გექნებათ, მით უკეთესი — მათ ან თამაშის მიმდინარეობისას გადაცვლის კაპიტანი მარკეტში სხვადასხვა საჩუქარზე, ან დასკვნითი ტურისთვის გადაინახავთ და ფინალში სხვადასხვა სახის საჭირო დახმარებას მიიღებთ (დროის მოგება, მინიშნება ან პასუხის გახსნა).

გარდა ამისა, საპრიზო ფონდში გუნდური მოთამაშეებისთვის უფრო მსხვილი ჯილდოა გათვალისწინებული. მაგალითად, თუკი დამოუკიდებლად მოთამაშე გაიმარჯვებს, ის 25 ათას ლარს მიიღებს, მაგრამ გამარჯვებული ორმოთამაშიანი გუნდი 55 ათას ლარს გაიყოფს (შესაბამისად, თითოეული 27 500 ლარს მიიღებს). ეს პრიზი კიდევ უფრო იზრდება 3-მოთამაშიან გუნდებზე — თუ ის გაიმარჯვებს, ჯამში 90 ათას ლარს (თითოეული — 30 ათასს) მიიღებენ.

როგორ შეგიძლია გუნდი შექმნა

როგორც ვთქვით, თამაშში ჩასართავად ორი წინაპირობაა საჭირო ­ — იყო საქართველოს მოქალაქე და იყო სრულწლოვანი. ამასთან, აუცილებელია, ყველა მოთამაშეს საქართველოს ბანკის მობილბანკი ჰქონდეს, რადგან თამაში სწორედ ამ აპლიკაციაში წარიმართება. აღსანიშნავია, რომ მობილბანკის გადმოწერა და რეგისტრაციის გავლა მათაც შეუძლიათ, ვინც საქართველოს ბანკის მომხმარებელი არ არის. დახმარება თუ დაგჭირდება, შეგიძლია ბანკის ნებისმიერ საკომუნიკაციო არხს მიმართო.

კაპიტანმა გუნდის შესაქმნელად მოწვევა უნდა გაუგზავნოს სასურველ პირებს. თუკი რომელიმე მათგანი მოწვევაზე უარს იტყვის, გუნდი ავტომატურად გაუქმდება. თუმცა, როგორც კი ყველა მოწვეული მოთამაშე დათანხმდება, თამაში მაშინვე დაიწყება, შემადგენლობას კი ამის შემდეგ ვეღარ შეცვლი.

აღსანიშნავია ისიც, რომ საჩუქრების მარკეტში მონეტების გამოყენება მხოლოდ კაპიტანს შეუძლია, თუმცა, კაპიტანს ასევე შეუძლია, ეს უფლება სხვა მოთამაშეს მისცეს.

როგორც ალბათ უკვე იცი, ფინალში მხოლოდ მაშინ მოხვდებით, თუკი ყოველკვირეულ დავალებებს ორჯერ მაინც შეასრულებთ უშეცდომოდ — ანუ დამატებით მონეტას ორჯერ მაინც აიღებთ. ფინალში კი გუნდის სახელით მხოლოდ კაპიტანი ითამაშებს. აქ უკვე ყველაფერს სისწრაფე გადაწყვეტს — გაიმარჯვებს ის, ვინც ყველაზე მალე გაართმევს თავს ყველა დავალებას.

ასე რომ, მოემზადე დაუვიწყარი თავგადასავლისთვის და დაიწყე თამაში. ნებისმიერ სიახლესა და საჭირო ინფორმაციას საქართველოს ბანკის სოციალურ ქსელებსა და ბლოგზე შეიტყობ.