საქართველოს ბანკი განაგრძობს ტექნოლოგიური სიახლეებისა და ინოვაციების დანერგვას. ამიერიდან, sCoolApp-ის მომხმარებლები, რომელთა ასაკი 13 წელი ან მეტია, აპლიკაციის 2.1.0 ვერსიიდან ChatGPT-ის გამოყენებას შეძლებენ. ChatGPT ხელოვნური ინტელექტის მქონე ჩეთბოტია, რომელიც სხვადასხვა თემაზე დასმულ შეკითხვებს რეალურ დროში პასუხობს და საჭირო ინფორმაციას გაწვდის. sCoolApp-ში მისი ინტეგრირებით კი მოსწავლეები ინგლისურ ენაზე იდეების გენერირებას და ხელოვნური ინტელექტის შესაძლებლობების გამოყენებას შეძლებენ.
სწავლა ChatGPT-სთან ერთად
ChatGPT ერთგვარი ვირტუალური კომპანიონია, რომელიც სწავლის პროცესს სხვადასხვა კუთხით ამარტივებს — მოსწავლეებს აძლევს წვდომას სასარგებლო რესურსებზე და ეხმარება ახალი იდეების ჩამოყალიბებაში.
ხელოვნურ ინტელექტზე დაფუძნებულ ჩატბოტს შეუძლია გახდეს საუკეთესო პარტნიორი ბრეინშტორმინგისას და დახმარება გაუწიოს მოსწავლეებს პროექტების იდეების ჩამოყალიბებასა და კრეატიული გადაწყვეტების მოფიქრებაში.
ChatGPT ავითარებს კრიტიკულ აზროვნებასა და კრეატიულობას, რადგან მისი დახმარებით, მოსწავლეებს შეხება აქვთ განსხვავებულ პერსპექტივებსა და იდეებზე.
იგი სწრაფი და მოქნილია მრავალფეროვან თემებზე ინფორმაციის მოძიებისას, ამასთან, აღვივებს ინტერესს და მოსწავლეებს დამოუკიდებლად სწავლის პროცესში საინტერესო ხელსაწყოებს სთავაზობს. ამასთან, შეუძლია მარტივად, მოსწავლისთვის გასაგებ ენაზე, ახსნას კომპლექსური საკითხები.
კიდევ ერთი უპირატესობა, რომელიც ჩატბოტს აქვს, უცხო ენის უნარების განვითარებაა. მათ შორის, მას შეუძლია სასარგებლო რჩევებისა და მაგალითების გაზიარება წერითი უნარების გაძლიერების, ლექსიკონის გამდიდრებისა და, ზოგადად, კომუნიკაციის დახვეწისთვის.
რაც მთავარია, ChatGPT-ის დახმარებით, სწავლის პროცესი სახალისო და ინტერაქციული ხდება.
მშობლის თანხმობა და ასაკის შეზღუდვა
აღსანიშნავია, რომ ფუნქციონალი ხელმისაწვდომია sCoolApp-ის იმ მომხმარებლისთვის, რომელიც 13 ან მეტი წლისაა. ფუნქციონალის გამოსაყენებლად კი მობილბანკში მშობლის დასტურია საჭირო. აპლიკაციის 13 წლამდე მომხმარებლებისთვის, ასევე მათთვის, ვისაც არ აქვს მშობლის დასტური, ChatGPT-ის ფუნქციონალი აპლიკაციაში არ გამოჩნდება.
____
sCoolApp პირველი აპლიკაციაა მოსწავლეებისათვის. მას განათლების, გართობის, გეიმინგისა და სოციალიზაციისთვის მრავალფეროვანი ფუნქციები აქვს. აქ შესაძლებელია sCool Card-ის ანგარიშის შემოწმება, თანხის გადარიცხვა და მიღება, მობილური ბალანსის შევსება, თანხის მოთხოვნა, გაყოფა და სხვა.
თუ ჯერ არ სარგებლობ sCool card-ით და sCoolApp-ით, ჩამოწერე აპლიკაცია, რომელიც ხელმისაწვდომია როგორც Android-ის, ისე iOS-ის, მოწყობილობებზე.