„საქართველო ფორმაშია“ — წერეთლის გამზირზე თუ ჩაგივლია ბოლო დღეებში, ამ სლოგანით და ჩვენი ეროვნული საფეხბურთო ნაკრების ფორმით მორთულ გაჩერებებს აუცილებლად შეხვდებოდი. ასე ემზადება დედაქალაქი ისტორიული მნიშვნელობის მატჩის, საქართველო-ლუქსემბურგის შეხვედრის წინ.
საქართველო-ლუქსემბურგის შეხვედრა 21 მარტს, 21 საათზე, ბორის პაიჭაძის სახელობის სტადიონზე გაიმართება. საკვალიფიკაციო ეტაპის პლეი-ოფის ნახევარფინალური ეტაპის მატჩი, როგორც ვთქვით, განსაკუთრებული მნიშვნელობისაა — ეს არის შანსი 2024 წლის ევროპის ჩემპიონატზე მოსახვედრად. ხოლო თუ ჯგუფურ ეტაპზე ჩვენი ნაკრების ჩატარებულ თამაშებს გავითვალისწინებთ, ეს შესაძლებლობა რეალურია.
ამ მნიშვნელოვანი დღის აღსანიშნავად, საქართველოს ბანკმა, როგორც ჩვენი ეროვნული საფეხბურთო ნაკრების მთავარმა სპონსორმა, გულშემატკივრებს განსაკუთრებული შეთავაზებები მოუმზადა. წერეთლის გაჩერებებთან ერთად, შეიძლება ისიც შენიშნე, რომ მობილბანკის დიზაინი შეიცვალა — როგორც აპლიკაციის ლოგო, ასევე შიდა ვიზუალი. თუმცა, 21 მარტს უფრო საინტერესო ამბებიც გელოდება.
მატჩის პირდაპირი ტრანსლაცია სამ ქალაქში
სულ არაა გასაკვირი, რომ საქართველო-ლუქსემბურგის მატჩზე დასასწრები ბილეთები თვალის დახამხამებაში გაიყიდა. მაგრამ თუ ბილეთის შეძენა რაიმე მიზეზით ვერ მოახერხე, არ იღელვო —პირდაპირი ტრანსლაცია შედგება როგორც თბილისში, ასევე ქუთაისსა და ბათუმში. სხვა გულშემატკივრებთან ერთად კი, ამაღლებულ საფეხბურთო განწყობასაც უკეთ შეიგრძნობ.
მატჩის ყურებას თბილისში პირველი რესპუბლიკის მოედანზე შეძლებ, ქუთაისში — თეთრ ხიდთან, ბათუმში კი — ევროპის მოედანზე.
ქეშბექები
განწყობას კიდევ უფრო აგიმაღლებს ქეშბექები, რომლებიც 21 მარტს ნამდვილად არ მოგაკლდება.
პირველი რესპუბლიკის მოედანზე თამაშის ჩვენების დროს, ფუდკორტებზე და სასმელებზე 50%-იანი ქეშბექი იმოქმედებს.
მატჩის მიმდინარეობისას ქეშბექით ისარგებლებ კვებაზეც. Wolt-ზე 200-მდე ობიექტიდან 20:00 საათიდან 23:00 საათამდე გამოძახებისას თანხის 30% უკან დაგიბრუნდება (მაქსიმუმ 50 ლარი).
ამ ყველაფერთან ერთად კი, გულშემატკივრების საყვარელ პლატფორმაზე, ეროვნული ნაკრების ოფიციალურ ფანშოპზე, 26 მარტამდე ასევე იმოქმედებს 50%-იანი ქეშბექი.
არც ის დაგავიწყდეს, რომ ფანშოპის პროდუქცია ყოველთვის ფასდაკლებითაა ხელმისაწვდომი, თუკი საგულშემატკივრო ბარათი გაქვს. ბარათზე სხვა ექსკლუზიური შეთავაზებებიც მოქმედებს, მისი შეკვეთა კი შენთვის სასურველი დიზაინით და თანაც უფასოდ შეგიძლია საქართველოს ბანკის ციფრული არხებით.