პატარა იმერეთი თბილისში – გასტროლები სორმონში

გასტროლები თბილისის ხმაურიან უბანში „დამალულ“ მშვიდ და მყუდრო ოაზისს ესტუმრა – დიმიტრი რჩეულიშვილმა ამჯერად რესტორან „სორმონის“ მენიუდან ქართული კულინარიის თვალსაჩინო და გამორჩეული კერძები დააგემოვნა.

„სორმონის“ კონცეფცია თავიდან ბოლომდეა გამოხატული მის სახელდებაში – სორმონი ულამაზესი სოფელია იმერეთში, სიმწვანე და ბუნებასთან სიახლოვე რესტორნის ექსტერიერსა და ინტერიერში თანაბრადაა გამოხატული. წმინდა იმერული გემოები „სორმონის“ სამზარეულოში პირდაპირ იმერული სოფლებიდან ხვდება, შესაბამისად, ავთენტურია გემოც – სიმინდის ფქვილი, ეკალა, სანელებლები, თითოეული ინგრედიენტი ძალიან კოლორიტულ კულინარიულ ატმოსფეროს ქმნის.

ქართული კულინარიული ხაზის გარდა, რესტორანში მუდმივი მცდელობაა მსოფლიო კულინარიული გამოცდილებების, ტექნიკებისა თუ ინგრედიენტების ორგანული შერწყმის. საერთაშორისო და ადგილობრივი კულტურული ნაზავი ერთიანად კრავს ქართული სტუმარმასპინძლობის ტრადიციასა და საერთაშორისო სტანდარტებს – ესაა ეკომეგობრული გარემო, რომელშიც არსებობს საკუთარი სუბიექტური გემოს პოვნის ძალიან კარგი შესაძლებლობა.

გასტროლების ამ ეპიზოდში დიმიტრიმ ერთდროულად რამდენიმე კერძი დააგემოვნა: ღორის ნეკნი სპეციალური ტექნიკით მომზადებული (ვიდეოში თავად რესტორნის შეფი ხსნის დეტალურად ამ მომზადების ტექნიკასა და სპეციფიკას), ნაკვერჩხალზე შებოლილი ყაბაყი ბროწეულის ბაჟით და ქათმის გულსართით, ეკალა ჭვიშტარის ბურთებითა და დამბალ ხაჭოს სოუსით, გოგრის დესერტი, მოკლედ, სრულიად უნიკალური და სახასიათო ასორტიმენტიდან რამდენიმე თვალსაჩინო კულინარიული ნიმუში. დანარჩენს უკვე ვიდეოდან შეიტყობთ:

გადაიხადე სორმონში 14 ნოემბრის ჩათვლით SOLO ბარათით და მიიღე 20% ქეშბექი.