ქართული კულტურის მრავალფეროვანი ისტორიის ერთ-ერთი ყველაზე ძვირფასი მემკვიდრება კულინარიაა, სადაც განსაკუთრებული სიცხადით ჩანს ისტორიული გავლენებისა და ადგილობრივი ფენომენის ურთიერთობა. მიუხედავად უნიკალური კულინარიული ტრადიციისა, თანამედროვე საქართველოში სულაც არაა ადვილი, მიაგნო იმ ადგილებს, რომლებიც ავთენტურ და სწორ გემოებს გაპოვნინებს.
ერთმანეთზე უფრო ხმამაღალი მარკენტინგული დაპირებების ზღვამ და სწრაფი კვების კულტურამ განსაკუთრებით გაართულა პროცესი, იპოვო შესაფერისი გასტრონომიული დაწესებულებები, რესტორნები, კაფეები; ჭამო ისე, რომ არ მოტყუვდე, რომ არ დაშორდე მშობლიური კულტურის მრავალფეროვანი ისტორიის საწყისებს და გემოებს. მარტივად რომ ვთქვათ, საკმაო ძალისხმება გჭირდება, რომ არ დაგავიწყდეს, რას ნიშნავს გემრიელი საჭმელი.
საქართველოს ბანკის პროექტ გასტროლებში კი თქვენთან ერთად ვეძებთ და ვპოულობთ ისეთ ადგილებს, სადაც ყველაზე გემრიელად შეჭამ და ზოგადად გემრიელად იგრძნობ თავს.
ამ კულინარიულ მოგზაურობაში ერთგვარ გიდობას გვიწევს ახალგაზრდა მზარეული, „მასტერშეფის“ მე-6 სეზონის ფინალისტი, დიმიტრი რჩეულიშვილი. ის თავად აგემოვნებს და აფასებს საქართველოს სხვადასხვა კუთხის რჩეული კაფე-რესტორნების საფირმო კერძებს. ცხადია, დიდი მნიშვნელობა ენიჭება არა მხოლოდ იქ მომზადებულ საკვებს, არამედ ინტერიერს, გარემოს, საერთო განწყობასა და მომსახურების ხარისხს.
ბევრისთვის შეუმჩნეველ წვრილმანში იმალება კაფე-რესტორნების ავკარგიანობა. გასტროლებში კი არა მხოლოდ პირში აფეთქებულ გემოებს იგრძნობ, არამედ დააკვირდები, როგორ მზადდება თითოეული კერძი და რამდენად მყუდროდ შეიძლება იგრძნო თავი მათი მირთმევისას.
დიმიტრი რჩეულიშვილი უკვე რამდენიმე განსაკუთრებულ ადგილს ეწვია და თუ აქამდე გამოსული მადისაღმძვრელი ეპიზოდები არ გინახავს, ახლავე შეგიძლია გახდე ამ გემოების დღესასწაულის მონაწილე:
ასეთია გასტრონომიული გასტროლების პირველი რამდენიმე ეპიზოდი. ცხადია, ეს მხოლოდ დასაწყისია, წინ ძალიან ბევრი ადგილი, გემო და განწყობაა აღმოსაჩენი საქართველოს სხვადასხვა წერტილში.
გააგრძელე გასტრო-მოგზაურობა დიმიტრი რჩეულიშვილთან ერთად და გამოიწერე საქართველოს ბანკის YouTube-ის ოფიციალური არხი.