საქართველოს ბანკი აქტიურადაა ჩართული ქართულ საგანმანათლებლო სივრცის – საუნივერსიტეტო თუ სასკოლო ცხოვრების გაუმჯობესებაში. ამ ჩართულობის ერთ-ერთი ნათელი მაგალითია სპორტული ტურნირების ერთობლიობა – სასკოლო ლიგა, რომელიც მთელი საქართველოს მასშტაბით ასობით სკოლასა და ათასობით მოსწავლეს აერთიანებს.
უფრო ზუსტად რომ გამოვკვეთოთ სასკოლო ლიგის გეოგრაფია – თბილისი, ქვემო ქართლი, იმერეთი, კახეთი, აჭარა; ესაა იმ რეგიონების არასრული ჩამონათვალი, სადაც სკოლები ყველაზე მასშტაბურ სასკოლო ტურნირებში არიან ჩართულნი. 2024 წელს გამართული სასკოლო ლიგაში საერთო ჯამში 12 000-ზე მეტი მოსწავლე მონაწილეობს. მონაწილე მოსწავლეები გადანაწილებულნი არიან რამდენიმე სპორტის სახეობაში: ფეხბურთი, რაგბი, ფარიკაობა, ჭადრაკი, მაგიდის ჩოგბურთი; აღსანიშნავია, რომ სწორედ წელს დაემატა სასკოლო ლიგას კალათბურთი ორი დისციპლინით: 3X3 და 5X5.
აიღე საგულშემატკივრო ბარათი
გასაკვირი არ უნდა იყოს, რომ ქართველ სკოლის მოსწავლეებში განსაკუთრებული პოპულარობით სარგებლობს სასკოლო ლიგის ტურნირი მინი ფეხბურთში. როგორც ამ ტურნირების ერთ-ერთი ორგანიზატორი და სასკოლო ლიგის კოორდინატორი, ოთარ აბულაძე ამბობს, მინი ფეხბურთის სასკოლო ლიგა 2019 წლიდან იმართება და ყოველ ახალ სეზონზე მონაწილეთა ინტერესი უფრო და უფრო იმატებს:
„წელს მინი ფეხბურთის ლიგა საქართველოს ხუთ რეგიონში გაიმართება: თბილისი, აჭარა, ქვემო ქართლი, იმერეთი და კახეთი. რეგიონური ტურნირის დასრულების შემდეგ ჩატარდება სუპერფინალები და გამოვლინდება საქართველოს სასკოლო ლიგის ჩემპიონი.”
თბილისის მინი ფეხბურთის ლიგის ბაზაზე, ამავე პროექტის ფარგლებში შექმნილია ფუტსალის პროფესიონალური კლუბი – სასკოლო ლიგის აკადემია.
სასკოლო ლიგის აკადემია საქართველოს ფუტსალის ახალგაზრდულ ლიგაში წარმატებით ასპარეზობს და საქართველოს ჩემპიონობის მთავარი პრეტენდენტია.
5-წლიანი განვითარების სტრატეგიის მიხედვით იგეგმება ასეთივე აკადემიების შექმნა ყველა რეგიონში და მათი საქართველოს ფუტსალის ჩემპიონატში ჩართვაც.”
ბოლო რამდენიმე წელია, შესამჩნევი პროგრესი გვაქვს ფეხბურთში ეროვნული ნაკრებისა და ქართველი ფეხბურთელების შედეგების გათვალისწინებით. გიორგი მამარდაშვილი, ხვიჩა კვარაცხელია, ზურიკო დავითაშვილი, ჟორჟ მიქაუტაძე და ა.შ. – ქართველ ახალგაზრდა ადამიანებს საკუთარ ქვეყანაში გაუჩნდათ მისაბაძი სპორტსმენები და ადამიანები, რომლებმაც დიდი შრომითა და სპორტული დისციპლინით მიაღწიეს გარკვეულ წარმატებას და მათ კარიერაში ყველაფერი წინ არის. საერთო პროგრესი აისახება მოზარდი ბავშვების თვითრწმენაზეც – ეს ბმა აშკარაა.
აღსანიშნავია, რომ საქართველოს ბანკი მხარს უჭერს როგორც საქართველოს ეროვნულ ნაკრებს ფეხბურთში, ისე სასკოლო ლიგასაც. უნდა ითქვას ისიც, რომ სასკოლო ლიგის მინი ფეხბურთის თითოეული რეგიონის ტურნირზე საუკეთესო მოთამაშე დასახელდება და მათ შორის ჩატარებული გამოკითხვის გამარჯვებული ხვიჩა კვარაცხელიას მატჩს დაესწრება.