საქართველოს ბანკი - საქართველოს ეროვნული საფეხბურთო ნაკრების მთავარი სპონსორი.
14 ივლისს გერმანიაში სტარტი აიღო ევროპის ჩემპიონატმა – დამოუკიდებელი საქართველოს ისტორიაში პირველად ჩვენი ეროვნული ნაკრები კონტინენტის პირველობის ფინალურ ეტაპზე გავიდა. ვილი სანიოლის გუნდი F ჯგუფში მოხვდა, სადაც მეტოქეებად პორტუგალია, თურქეთი და ჩეხეთი გვეყოლება. ჯგუფურ ეტაპზე ჩვენი განრიგი კი ასეთია:
საქართველო VS თურქეთი – 18 ივნისი, 20:00 საათი, ქალაქი დორტმუნდი;
საქართველო VS ჩეხეთი – 22 ივნისი, 17:00 საათი, ქალაქი ჰამბურგი;
საქართველო VS პორტუგალია – 26 ივნისი, 23:00 საათი, ქალაქი გელზენკირხენი.
თითოეული ქართველი გულშემატკივარი დადგა იმ ფაქტის წინ, როცა ევროპის ჩემპიონატზე არა რომელიმე უცხოურ, არამედ საქართველოს ეროვნულ ნაკრებს უქომაგებს. ეს აქამდე გამოუცდელი და ახალბედა ემოციაა, რომელიც თითოეული მატჩის მოახლოებასთან ერთად სულ უფრო და უფრო განსხვავებული და ხელშესახები ხდება
ჰიპ-ჰოპ არტისტი TAHA სწორედ ამ უპრეცედენტო ემოციებზე, განწყობებსა და, ზოგადად, ფეხბურთის სიყვარულზე გვესაუბრება:
პირველი სიყვარული
„ფეხბურთი ბავშვობიდან შემაყვარა ბრაზილიელმა შემტევმა ნახევარმცველმა, რონალდინიომ. როცა ყურება დავიწყე, ის ბარსელონას შემადგენლობაში თამაშობდა, რამაც ჩამიტოვა ბარსას და ბრაზილიის ეროვნული ნაკრების სიყვარული.
რაც შეეხება ეროვნულ ნაკრებს, პირველი მოგონება და თამაში იყო ყაზახეთთან – დიდ ფეხბურთს პირველად მანდ ვუყურე ცოცხლად დინამო არენაზე. გამიმართლა, რომ პირველი გამოცდილება მოგებითა და კარგი თამაშით დამამახსოვრდა“.
აიღე საგულშემატკივრო ბარათი
მოლოდინი EURO 2024-ის წინ
„საქართველოს ნაკრების გულშემატკივრობა ჩემთვის და ყველა ქართველი ადამიანისთვის ძალიან დიდი პასუხისმგებლობაა, რადგან ფეხბურთი მსოფლიოს პირველი სპორტია და ჩვენნაირი მცირერიცხოვანი და სპორტული ერისთვის უდიდესი პლატფორმაა, რომ ჩვენი სახელი მსოფლიო ისტორიას მრავალჯერ დავუტოვოთ.
ევროპის ჩემპიონატზე ველოდები ჩვენი ბიჭების წარმატებას, რაც ამ ეტაპზე ჯგუფური ეტაპიდან გასვლაში მდგომარეობს. მე მჯერა, რომ ასე იქნება“.
ჩვენ აქ ვართ
TAHA-მ და PINO-მ ისტორიული ევროპის ჩემპიონატის წინ საქართველოს ფეხბურთის ფედერაციასთან თანამშრომლობით ახალი ტრეკი – „ჩვენ აქ ვართ“ გამოუშვა. გავრცელდა კადრები, თუ როგორ უსმენდნენ ჩვენი ნაკრების ბიჭები ამ ტრეკს და კიდევ ერთხელ დავრწმუნდით, რამდენად მნიშვნელოვანია ასეთ დროს ნებისმიერი სფეროს წარმომადგენლის ჩართულობა და მხარდაჭერა.
„ჩემთვის დიდი პატივია ჩემი პატარა წვლილის შეტანა საქართველოსთვის ამ დიდ ტურნირზე. არავისთვის მარტივი მეტოქე არ ვიქნებით“.
ჩვენ აქ ვართ, ყველას უნდა ვანახოთ ჩვენი ძალა და ერთად დგომა!