სტარტაპის დაფინანსება დამფუძნებლებისთვის ერთ-ერთი ყველაზე რთული გამოწვევაა. დაფინანსების მოსაპოვებლად სტარტაპები იბრძვიან, რომ გახდნენ ინვესტორებისთვის მიმზიდველები, განავითარონ შემდეგი თაობის პროდუქტები ან სერვისები, დაიქირაონ უმაღლესი დონის პროფესიონალები და სხვა.
სტარტაპების დაფინანსების წყაროები სხვადასხვა ტიპისაა. ის, თუ რომელ წყაროს აირჩევს სტარტაპი, დამოკიდებულია იმაზე, თუ როგორი გეგმები აქვს მას სამომავლოდ.
ამ ბლოგში ჩვენ გამოვყავით ტექნოლოგიური სტარტაპების დაფინანსების მთავარი წყაროები, ესენია:
ქრაუდფანდინგი
ეს არის კაპიტალის მოზიდვის მეთოდი საზოგადოებაში. როგორც წესი, ქრაუდფანდინგ კამპანიები ინიცირებულია პოპულარული crowdfunding საიტების მეშვეობით, მათ შორის: Kickstarter, GoFundMe, Indiegogo და სხვა. ექსპერტების ვარაუდით, 2025 წლისთვის crowdfunding ინდუსტრია 300 მილიარდ დოლარამდე გაიზრდება.
ბიზნეს აქსელერატორი
ბიზნეს აქსელერატორი მხარს უჭერს ზრდაზე ორიენტირებულ სტარტაპებს განათლების, მენტორობისა და დაფინანსების გზით. როგორც წესი, აქსელერატორის პროგრამები მოიცავს საინვესტიციო შესაძლებლობებს, მაღალი ღირებულების მენტორებთან კავშირებს, საგანმანათლებლო პროგრამებს და მთავრდება საჯარო გამოშვებით ან დემო დღით. აღსანიშნავია, რომ დღევანდლამდე უამრავმა სტარტაპმა შეძლო, აქსელერაციის პროგრამების მეშვეობით გამხდარიყო ცნობილი კომპანია, მაგალითად: Airbnb, Stripe, Reddit, Uber და ა.შ
ანგელოზი ინვესტორი
ანგელოზი ინვესტორი აფინანსებს ადრეული ეტაპის სტარტაპ კომპანიებს კაპიტალის მფლობელობის სანაცვლოდ. ანგელოზი ინვესტორის მეშვეობით თანხების მოზიდვას ყოველთვის უფრო მეტი დრო სჭირდება, ვიდრე სტარტაპები მოელიან ხოლმე – თქვენ უნდა იპოვოთ სწორი ინვესტორი, მაქსიმალურად მოემზადოთ იმისთვის, რომ ეფექტურად გააცნოთ ინვესტორს თქვენი სტარტაპი და მოლაპარაკება დაიწყოთ საინვესტიციო პირობებზე.
კერძო კაპიტალის ფირმა
კერძო საინვესტიციო ფირმა არის ინვესტიციების მართვის კომპანია. როგორც წესი, კერძო კაპიტალის ფირმა მოაგროვებს კაპიტალის ან კერძო ინვესტიციების ფონდებს, რომლებიც ამარაგებენ ამ ინვესტიციებს. ზოგიერთი სტარტაპის დამფუძნებლისთვის, კერძო ინვესტიციების ფირმის დაფინანსება იდეალურია იმით, რომ ფირმებს ხშირად მოჰყავთ ოპერაციული პარტნიორები, რომლებსაც აქვთ გამოცდილება სტარტაპის ინდუსტრიაში. ამ სცენარში კერძო ინვესტიციების ფირმა გაზრდის სტარტაპის შესაძლებლობას, შექმნას შემდეგი თაობის პროდუქტები/მომსახურებები და ამავდროულად დაიცავს მათ ინვესტიციებს ექსპერტის ზედამხედველობით.
გრანტები
გრანტი არის ფინანსური ჯილდო ბიზნესისთვის მთავრობის, კორპორატიული ან არაკომერციული ერთეულისგან. ეს მისიაზე ორიენტირებული ინვესტიციები ხშირად საკმაოდ კონკურენტუნარიანია. იმისათვის, რომ დაფინანსდეს თქვენი სტარტაპის მიზნები და ღირებულებები, ისინი უნდა შეესაბამებოდეს იმ ორგანიზაციის მიზნებს, რომელმაც უნდა დაგაფინანსოთ.
როგორც ხედავთ, დაფინანსების მოზიდვის მრავალი წყარო არსებობს, მთავარია, სტარტაპებმა ზუსტად იცოდნენ, როგორია მათი მიზნები. სწორედ მიზნების შესაბამისად ხდება ინვესტიციის წყაროს შერჩევა.