ბიზნეს-სამყაროში, რომლის ტემპი ყოველდღე ჩქარდება, გამორჩეული ადგილის დამკვიდრება და სხვებისთვის კონკურენციის გაწევა უფრო და უფრო რთულდება. ბიზნესის წარმომადგენლებმა მუდმივად უნდა ადევნონ თვალი ინდუსტრიის ახალ ტრენდებს, გრძნობდნენ მომხმარებლის სურვილებს, აკონტროლონ კომპანიის ფინანსური მდგომარეობა და რაც მთავარია, აითვისონ ციფრული ტექნოლოგიების უსაზღვრო შესაძლებლობები.
ყველა ამ გამოწვევის საპასუხოდ, საქართველოს ბანკმა ახალი პლატფორმა – ბიზნეს მენეჯერი შექმნა, რომელიც ბიზნესებს გადახდების მართვაში, მომგებიან ზრდაზე ორიენტირებული შეთავაზებების შექმნასა და სამომხმარებლო ტენდენციებზე დაკვირვებაში ეხმარება.
არ აქვს მნიშვნელობა, რა ზომისაა თქვენი კომპანია, რომელ ინდუსტრიაში საქმიანობთ, პროდუქტებს ქმნით თუ სერვისებს აწვდით მომხმარებელს — თუ თქვენი მიზანი ფინანსების ეფექტიანი მართვა დამატებითი შესაძლებლობების ძიება და წარმატების ახალ საფეხურზე ასვლაა, ბიზნეს მენეჯერზე მეტი უნდა გაიგოთ.
რა არის ბიზნეს მენეჯერი?
ბიზნეს მენეჯერი ონლაინ პლატფორმაა, რომლის დანიშნულება გადახდების მართვა, სამომხმარებლო შეთავაზებების დაგეგმვა და ანალიტიკაზე დაფუძნებული გადაწყვეტილებების მიღებაა. პლატფორმა მულტიფუნქციურია და ერთ სივრცეში უყრის თავს ყველა საჭირო სერვისსა თუ პროდუქტს, რომელიც ბიზნეს პროცესების შესასრულებლადაა საჭირო. იგი აერთიანებს გადახდების მენეჯერს, API მენეჯერსა და Ads მენეჯერს, რომლებიც, თავის მხრივ, რამდენიმე განსხვავებულ პროდუქტს მოიცავენ.
ესაა ერთი პლატფორმა მრავალი ხელსაწყოთი, რომლის მეშვეობით შეგიძლიათ მოითხოვოთ გადახდები, იპოვოთ ტრანზაქციების ისტორია და ანალიტიკა, მართოთ ფინანსური პროცესები, ჩააშენოთ საკუთარ ციფრულ პროდუქტებში საქართველოს ბანკის API სერვისები, შექმნათ და მართოთ შეთავაზებები თქვენი და საქართველოს ბანკის მომხმარებლებისთვის და სხვა. თითოეულ ამ პროდუქტზე ჩვენ დეტალურად გიამბობთ.
ბიზნეს მენეჯერის დახმარებით, საქართველოს ბანკი ფინანსური ტრანზაქციების მართვის ახლებურ მიდგომებს ამკვიდრებს. იგი ამარტივებს გადახდის მეთოდების მიღებასა და არსებული მეთოდების მართვას იმისდა მიუხედავად, სად შესრულდა ტრანზაქციები — ფიზიკურ თუ ონლაინ მაღაზიაში. პლატფორმაზე ძალიან მარტივია განაცხადის ფორმის შევსება და სულ რამდენიმე დაწკაპუნებაა საჭირო იმისათვის, რომ საქართველოს ბანკის გადახდის მეთოდები მოითხოვოთ — შეუკვეთოთ პირველი ტერმინალი, დაამატოთ ვებგვერდზე გადახდის ღილაკი ან ონლაინ განვადების ფუნქციონალი. ამ ყველაფრის დახმარებით, თქვენ დიდ ნაბიჯს გადადგამთ ბიზნესის გაციფრულებისა და პროცესების ავტომატიზაციისკენ.
გადახდების მენეჯერი მოსახერხებელია იმ მხრივაც, რომ სრულ კონტროლს ახერხებთ მთლიან პროცესზე:
აკვირდებით გადახდების ისტორიას — დეტალურად ნახულობთ, როდის, რა მეთოდით და რა ტიპის ბარათით შეასრულეს გადახდა თქვენმა მომხმარებლებმა, როგორია გადახდის სტატუსი — დადასტურდა, დაბრუნდა თუ გაუქმდა. ამით უკეთესი წარმოდგენა გექმნებათ თქვენი მომხმარებლების სეგმენტზე და მიმდინარე გადახდებზე.
მარტივად მართავთ გადახდებს — მაგალითად, აუქმებთ განვადებას, მომხმარებელს უბრუნებთ თანხას და სხვა, რაც მეტად მოქნილს ხდის პროცესებს.
თვალს ადევნებთ რეპორტებს — მათ შორის აგენერირებთ ახალ, თქვენთვის საინტერესო რეპორტებს, რაც საკუთარი საქმიანობის შესახებ სრული სურათის დანახვაში გეხმარებათ.
გადახდების კიდევ ერთი საინტერესო ფუნქციონალი ანალიტიკაა, რომელიც ერთ-ერთი მთავარი ხელსაწყოა ბიზნესის გაძლიერებისთვის. მისი მეშვეობით აკვირდებით: რა არხებითა და მეთოდებით იხდიან მომხმარებლები და რა თანხას ხარჯავენ გარკვეულ პერიოდში და როგორია საშუალო გადახდების მაჩვენებელი. ანალიტიკის მეშვეობით ზუსტად იცით, ვინ არიან ისინი, გადახდის რომელ მეთოდს ანიჭებენ უპირატესობას და რა მიმართულებით გჭირდებათ ცნობადობის ამაღლება. ერთი სიტყვით, ანალიტიკა საშუალებას გაძლევთ, გაცნობიერებული, სტრატეგიული გადაწყვეტილებები მიიღოთ და სამომხმარებლო გამოცდილებაც გააუმჯობესოთ.
გადახდების მენეჯერში ასევე თავმოყრილია გადახდის მეთოდები, რომლებსაც საქართველოს ბანკი თქვენი პლატფორმებისა თუ სავაჭრო ობიექტებისთვის გთავაზობთ. ესენია: ონლაინ გადახდა, რომლის მეშვეობით ელექტრონულ მაღაზიაში გადახდის ღილაკის ჩაშენება ფილიალში მისვლის გარეშე, სწრაფად შეგიძლიათ; ონლაინ განვადება, რომელიც გაყიდვების ზრდისა და შეკვეთების ციფრულად მართვისთვის საუკეთესო გზაა და ნაწილ-ნაწილ გადახდა, რომლის ონლაინ პლატფორმაზე ინტეგრირებით, მომხმარებლებს საშუალება ეძლევათ, პროდუქტის ღირებულება 4 ტოლ ნაწილად, გაძვირების გარეშე, გადაიხადონ.
ბიზნესებმა, რომლებიც ონლაინ ოპერირებენ, ზუსტად იციან, რამდენად მნიშვნელოვანია API სერვისების დანერგვა. მარტივად რომ ვთქვათ, ეს ის “უხილავი” ხელსაწყოებია, რომლებიც მომხმარებელსა და ბანკს შორის ინფორმაციის უსაფრთხო მიმოცვლას უზრუნველყოფენ. იმ კომპანიების რიცხვი კი, რომლებმაც საკუთარ ციფრულ პროდუქტებში საქართველოს ბანკის API სერვისები დააინტეგრირეს, 1000-ზე მეტია. მათ რიგებს თქვენი ბიზნესი ძალიან მარტივად, ბიზნეს მენეჯერით შეიძლება შეუერთდეს. ბიზნეს მენეჯერის API მენეჯერი რამდენიმე სასარგებლო ფუნქციონალს აერთიანებს: ბიზნეს ინტერნეტბანკს, ღია ბანკინგს და BOG ID-ს.
ღია ბანკინგით მომხმარებლებს საშუალება ექნებათ, ერთი სივრციდან მართონ ფინანსები მაშინაც კი, როცა რამდენიმე ბანკში აქვთ ანგარიში გახსნილი; BOG ID-ის დახმარებით საქართველოს ბანკის მომხმარებლებს თქვენი ბიზნესის პლატფორმაზე ვერიფიკაციასა და ავტორიზაციას მობილბანკით ან ინტერნეტბანკის საშუალებით გაუმარტივებთ; საქართველოს ბანკის API სერვისების დახმარებით კი ისინი სხვადასხვა ფუნქციონალს საკუთარ ონლაინ პლატფორმებზე ჩააშენებენ. მაგალითად, შეძლებენ თავად დააინტეგრირონ და მარტივად გამოიყენონ შემდეგი ფუნქციონალები და ხელსაწყოები: ინდივიდუალური და პაკეტური დოკუმენტების შექმნა, ამონაწერების მართვა, ნაშთების შემოწმება და ვალუტის კურსის კონტროლი და სხვა. ეს ყველაფერი მათ შეუფერხებელი, მოქნილი და მოსახერხებელი საბანკო სერვისების მიღებაში დაეხმარებათ, კომპანიას კი მეტად გააძლიერებს.
და ბოლოს — ერთ-ერთი ყველაზე ინოვაციური პროდუქტი, რომელსაც ბიზნეს მენეჯერში შეხვდებით, Ads მენეჯერია. ეს საუკეთესო გზაა, მარტივად ამოიცნოთ თქვენი მომხმარებლები და მათი მისწრაფებები, შექმნათ მათ ინტერესებზე მორგებული შეთავაზებები, გაზარდოთ ბრენდის ცნობადობა და მომხმარებლების რაოდენობა. აქაც, ისევე, როგორც სხვა ფუნქციონალებში, ყველაფერი მარტივია — გადახდების ანალიტიკის მიხედვით, ციფრულ არხებში ქმნით და მართავთ შეთავაზებებს როგორც თქვენი ბიზნესის, ისე საქართველოს ბანკის მილიონზე მეტი ციფრული მომხმარებლისთვის. Ads მენეჯერი შესაძლებლობას გაძლევთ, იმ ტენდენციასაც დააკვირდეთ, თუ რამდენი მომხმარებელი შეიძინეთ, დაკარგეთ და რამდენია მათ შორის აქტიური ბოლო 2 თვის განმავლობაში.
თანაც, საშუალება გაქვთ, იპოვოთ თქვენი ბიზნესის მომხმარებლების აქტივობა, დემოგრაფიული მონაცემები, მათი ქცევა და სეგმენტაცია სხვადასხვა მახასიათებლის მიხედვით, აირჩიო სამიზნე აუდიტორია, შეთავაზების მიზანი, ტიპი, პირობები, სულაც — შეზღუდვები და მთლიანი პროცესი ციფრულად მართოთ. რაც მთავარია, Ads მენეჯერით გაშვებული შეთავაზებების პროგრესზე დაკვირვებაც შეგიძლიათ და საბოლოო შედეგებს რეპორტის სახითაც ნახავთ.
ბიზნეს მენეჯერი საქართველოს ბანკის სიახლეა. ესაა პლატფორმა, რომელიც ბიზნესების ფინანსურ თუ საოპერაციო პროცესებში თამაშის წესებს ცვლის და ნებისმიერი ტიპისა თუ ზომის კომპანიას მონაცემებზე დაფუძნებული გადაწყვეტილებების მიღებაში ეხმარება. სხვადასხვა ტიპის ფუნქციონალით, იგი ამარტივებს გადახდების პროცესებს, სრულ კონტროლს გაძლევთ შეთავაზებების მთლიან ციკლზე და გაწვდით დეტალურ მონაცემებს თქვენი ბიზნესის მომხმარებლების შესახებ.
ასე რომ, არ გაჩერდეთ, აღმოაჩინეთ ბიზნეს მენეჯერი და აითვისეთ თქვენი ბიზნესის სრული პოტენციალი.