ზრდაზე ორიენტირებულმა ბიზნესებმა ზუსტად იციან, რომ მონაცემები საუკეთესო “ვალუტაა”, ანალიზი კი მას ნამდვილ ღირებულებას სძენს. მონაცემთა ანალიტიკა შეუცვლელი საშუალებაა ბიზნესებისთვის, რომლებსაც მუდმივად აღმავალი გზით უნდათ სვლა — ესაა საუკეთესო რამ ახალი ტენდენციების აღმოსაჩენად და სტრატეგიული გადაწყვეტილებების მისაღებად. რაც დრო გადის, ბიზნესებს სულ უფრო მზარდი კონკურენციის გადალახვა უწევთ, მონაცემების დამუშავება და მათი ანალიზი კი ამ გზაზე “დამალული” შესაძლებლობების აღმოსაჩენად, ბიზნესოპერაციების გამართვისა და კონკურენტული უპირატესობის მოსაპოვებლად აუცილებელია.

მართალია, მონაცემთა ანალიზის მნიშვნელობა ბევრ ბიზნესს ესმის, თუმცა, ბევრსაც აშინებს. თითქოს, ადვილია, ჩაიკარგო რიცხვებში, გრაფიკებსა თუ ფორმულებში, როცა, პარალელურად, ბიზნესის ყოველდღიური საქმეები გიხმობს. თუმცა, ამიერიდან საქმის გამარტივება ერთი საინტერესო ხელსაწყოთი — ანალიტიკით — შეგიძლიათ, რომელსაც საქართველოს ბანკის ბიზნეს მენეჯერში აღმოაჩენთ. ანალიტიკა მოსახერხებელი ფუნქციონალია, რომელიც გადახდების სრულ ეკოსისტემაზე თვალყურის დევნებისა და კონტროლის დამყარების საშუალებას გაძლევთ და გაცნობთ საკუთარ მომხმარებელს

რა როლი აქვს ანალიტიკას ბიზნეს მენეჯერში?

ბიზნეს მენეჯერი – საქართველოს ბანკის პლატფორმა ბიზნესებისთვის – ანალიტიკური მონაცემების დასაკვირვებლად ყველაზე ოპტიმალური სივრცეა. მისი ერთ-ერთი მთავარი ფუნქციონალი — ანალიტიკა — შესაძლებლობას გაძლევთ, დააკვირდეთ როგორც გადახდების ზუსტ მონაცემებს არხების მიხედვით, ისე მიღებული გადახდების მიხედვით თქვენი მომხმარებლების ინტერესებსა და დემოგრაფიულ მონაცემებს.

როგორ გამოვიყენოთ ანალიტიკა ბიზნეს მენეჯერში?

როგორც უკვე ვახსენეთ, ბიზნეს მენეჯერის ანალიტიკა კომპანიის რესურსების უკეთ სამართავად შეიქმნა, შესაბამისად, მის გამოყენებას განსაკუთრებული ცოდნა არ სჭირდება. ეს მარტივი ფუნქციონალია, რომელშიც სასურველ მონაცემებამდე სულ რამდენიმე დაწკაპუნება გაშორებთ.

• პირველ რიგში, ანალიტიკის სანახავად საჭიროა ბიზნეს მენეჯერის — Manager.bog.ge-ის გახსნა. აქ შესასვლელად მომხმარებლის სახელისა და პაროლის ჩაწერა დაგჭირდებათ, რომელიც ზუსტად იგივეა, რასაც ბიზნეს ინტერნეტბანკსა და საქართველოს ბანკის სხვა ციფრულ არხებში იყენებთ;
• შემდეგი ნაბიჯი — ანალიტიკაში შესვლაა, რომელსაც მთავარ მენიუში იპოვით;
• აქ, სურვილისამებრ, შეგიძლიათ დააკვირდეთ გადახდებს ან მომხმარებელთა ქცევას — ამისთვის ორი სხვადასხვა ღილაკია შექმნილი;

 თავის მხრივ, გადახდების ანალიტიკა რამდენიმე სექციას მოიცავს.

• გადახდების რაოდენობას (მიმდინარე თვეში შესრულებულ გადახდებს);
• ჯამურ თანხას (მიმდინარე თვეში გადახდებით მიღებულ ჯამურ თანხას);
• საშუალო გადახდას (ანუ იმ თანხას, რასაც მომხმარებელი საშუალოდ იხდიდა თითოუელ გადახდაზე).

აქვე შეგიძლიათ ფილტრების გამოყენება, რომლებიც კიდევ უფრო მეტ გზას ხსნის მონაცემთა ღრმა ანალიზისთვის.

მაგალითად, შესაძლებლობა გეძლევათ, დააკვირდეთ გადახდების დინამიკას დროის გარკვეულ მონაკვეთში, ნახოთ, იზრდება თუ მცირდება ის, შეამოწმოთ საშუალო გადახდების მოცულობა თვეების მიხედვით ან ის, თუ რა გზებით ან მეთოდებით იხდიან მომხმარებლები: ბარათით, ავტორიზაციით, ტერმინალით, ონალინ თუ სხვა; ანალიტიკის დახმარებით იმაზე დაკვირვებაც შეიძლება, თუ რა ტიპის ბარათს იყენებენ უმეტესად თქვენი მომხმარებლები, როგორია ტენდენცია და ამის მიხედვით შეგიძლიათ, შეთავაზება დაგეგმოთ კონკრეტული ბარათის მფლობელებისთვის.

გადახდების ანალიტიკის უპირატესობა იმაშიც მდგომარეობს, რომ აქ სასურველ პერიოდში გადახდის არხების შედარება და თვეების მიხედვით შემოსავლის ჯამური რაოდენობის შეფასებაც მარტივია. გარდა ამისა, შეგიძლიათ დააკვირდეთ შეთავაზების პერიოდში როგორ გაიზარდა კონკრეტული სეგმენტის აქტიურობა და იმ ბარათით გადახდა, რომელზეც შექმენით შეთავაზება.

რაც შეეხება მომხმარებელთა ანალიტიკას, სასურველი ფილტრების მითითების შემდეგ, მათი ქცევებისა და სურვილების შესასწავლად გზა გეხსნებათ.

ამ მოდულში გაეცნობით:

• მომხმარებელთა დინამიკას — ახალი, აქტიური და პასიური მომხმარებლების რაოდენობას თქვენთვის სასურველი პერიოდის მიხედვით და სურვილის შემთხვევაში ედს მენეჯერით შეძლებთ მათთვის შეთავაზებების შექმნას;

• უნიკალური მომხმარებლების რაოდენობას;

• ასაკისა და სქესის მიხედვით გადანაწილებას;

• ინტერესებს — იმის მიხედვით, თუ რას იძენენ ყველაზე ხშირად და განსაზღვროთ, თუ რა ტიპის შეთავაზება იქნება მათთვის ყველაზე რელევანტური;

• მათ დემოგრაფიულ მახასიათებლებს.

ეს ყველაფერი კი ერთ დიდ მიზანს ემსახურება — იცოდეთ, ვინ არიან თქვენი პროდუქტის ან სერვისის მომხმარებლები, როგორ იქცევიან ისინი და როგორ შეგიძლიათ შექმნათ მათზე მორგებული შეთავაზებები. ამ ყველაფრის ცოდნა კი შესაძლებლობას გაძლევთ, გადადგათ გაცნობიერებული ნაბიჯები და მონაცემებზე დაფუძნებით მიიღოთ ზრდაზე ორიენტირებული გადაწყვეტილებები.

ასე რომ, ყველაფერი თქვენს ხელშია, არ გაჩერდეთ, თვალი ადევნეთ ანალიტიკას ბიზნეს მენეჯერში და ისიამოვნეთ თქვენი ბიზნესის ტრანსფორმაციული თავგადასავლით.