BOG Fintech განაგრძობს თბილისის უნივესიტეტებში საჯარო ლექციების სერიებს.
ლექციები ელექტრონული საბანკო მომსახურების სფეროში არსებული მსოფლიო ტრენდებისა და ამ სფეროში ინოვაციების დანერგვის თემატიკას ეხება. შეხვედრების სერიის დაწყების მიზანს წარმოადგენს ფინტექ სფეროს შესახებ ცნობადობის გაზრდა.
4 მარტს გაიმართა შეხვედრა კავკასიის უნივერსიტეტის ბიზნესის ფაკულტეტის სტუდენტებთან. BOG Fintech და კავკასიის უნივერსიტეტი სრული სემესტრის ფარგლებში ითანამშრომლებენ, რაც გულისხმობს ბიზნესის ადმინისტრირების სტუდენტებისთვის სადიპლომო პროექტების შემუშავების განმავლობაში მენტორშიპით მხარდაჭერას.
სემესტრის განმავლობაში, სტუდენტები იმუშავებენ საკუთარ იდეებზე ფინტექ მიმართულებით. იდეების დახვეწაში მათ საქართველოს ბანკის მიერ გამოყოფილი მენტორები მიეხმარებიან. სემესტრის დასასრულს კი გუნდები საკუთარ იდეებს ბანკის შესაბამისი მიმართულებების წინაშე წარადგენენ.