საქართველოს ბანკმა პირველი ფინტექ ჰაკათონი ჩაატარა

14-16 სექტემბერს, საქარათველოს ბანკის ორგანიზებით ფინტექ ჰაკათონი ჩატარდა. ჰაკათონში სულ 19 გუნდი მონაწილეობდა, რომლებმაც 48 საათის განმავლობაში შექმნეს საკუთარი იდეების მუშა პროტოტიპები და წარადგინეს პრეზენტაციები
ჟიურის წინაშე.

ჰაკათონის თემატიკა იყო შეზღუდული, გუნდების ამოცანა იყო შეექმნათ პროექტები გადახდების მიმართულებით როგორც ვებ ისე მობაილ პლატფორმებზე. მათი მთავარი ამოცანა კი დემო ვერსიების წარდგენა იყო.

ჟიურიმ შეარჩია სამი საუკეთესო გუნდი:

I ადგილი -გუნდი „QR Tool”, აპლიკაცია QR ტექნოლოგიის გამოყენებით მობილური გადახდებისათვის;

II ადგილი – გუნდი “Copay”, მობილური აპლიკაცია ჯგუფური გადახდებისათვის (ე.წ. bill splitting);

III ადგილი – გუნდი „აჩუქე“, ელექტრონული სასაჩუქრე ვაუჩერების პლატფორმა.

გამარჯვებულ გუნდებს დაკავებული ადგილის შესაბამისად გადაეცათ ფულადი ჯილდო. მათ ასევე ეძლევათ შესაძლებლობა, განაგრძონ საკუთარ პროექტებზე მუშაობა საქართველოს ბანკის შესაბამისი მიმართულების სპეციალისტების კონსულტაციებით.