საქართველოს ბანკის CEO-მ არჩილ გაჩეჩილაძემ “საქმიანი დილის” ეთერში საქართველოს საფინანსო სექტორში მიმდინარე გარდაქმნის შესახებ ისაუბრა.
გაჩეჩილაძის თქმით, დღეისთვის “საქართველოს ბანკში” განხორციელებული ტრანზაქციების 93% ელექტრონულია. ამასთანავე, მცირდება მომხმარებელთა რაოდენობა ბანკის ფილიალებში, რის მიზეზსაც ფეი ბოქსების ქსელისა და ელექტრონული საბანკო სერვისების განვითარება წარმოადგენს.
“დიდი ცვლილებები ხდება საბანკო სექტორში. გაციფრულება ხდება ყოველდღიური ურთიერთობების ჩვენ კლიენტებთან. ადრე თუ ბანკში მიდიოდა, ახლა დიდი უმრავლესობა ან მობილური ტელეფონით ახორციელებს, ეს გადარიცხვები იქნება თუ ნებისმიერი ტიპის საბანკო ოპერაცია, ან ჩარიცხვის აპარატებით.
93% მთელი ტრანზაქციების რაც ჩვენთან ხდება, ხდება ციფრული არხების მეშვეობით. ყოველ ფილიალში სულ უფრო ნაკლები ხალხი მიდის. ამ კუთხით განვითარება მიმდინარეობს და საქართველო მართლაც, ერთ-ერთი მოწინავეა”, – განაცხადა “საქმიან დილაში” “საქართველოს ბანკის” CEO-მ.