ალბათ, უკვე გაიგე, რომ საქართველოს ბანკის მობილბანკში მასშტაბური თამაში 9 ოქტომბერს დაიწყო. თამაში გაგრძელდება დეკემბრის ბოლომდე, მობილბანკის მომხმარებლებს ერთი მიზნისთვის – გამარჯვებისა და სოლიდური პრიზების მოსაპოვებლად გააერთიანებს.
სანამ თამაშს დაიწყებ წესებს გაეცანი, რომ მხედველობიდან რამე მნიშვნელოვანი დეტალი არ გამოგრჩეს.
ვის და როგორ შეუძლია თამაშში ჩართვა
თამაშში მონაწილეობის მიღება საქართველოს ნებისმიერ სრულწლოვან მოქალაქეს შეუძლია, მათ შორის, ემიგრანტებსაც.
თამაშში მონაწილეობა შესაძლებელია როგორც დამოუკიდებლად, ისე ორი ან სამი მოთამაშისგან შემდგარ გუნდთან ერთად. ცხადია, გუნდს ეყოლება კაპიტანიც, რომელსაც შეუძლია, წარმატებით შესრულებული დავალებებით მიღებული მონეტები შემდეგ მარკეტში გადაცვალოს, სადაც უამრვი საჩუქარი იქნება ასარჩევად. კაპიტანს ასევე შეუძლია ფინალში გუნდის სახელით ითამაშოს.
აუცილებელია, თამაშის ყველა მონაწილე იყოს მობილბანკის მომხმარებელი. საქართველოს ბანკის მომხმარებლების უმეტესობას მობილბანკის აპლიკაცია უკვე ისედაც აქვს, თუმცა, მისი გადმოწერა და მარტივი რეგისტრაციის გავლა სხვა ნებისმიერ პირსაც შეუძლია. ამასთან დაკავშირებით ნებისმიერი კითხვის შემთხვევაში საქართველოს ბანკის სოციალურ ქსელებსა და სხვა ნებისმიერ საკომუნიკაციო არხში დაგეხმარებიან.
შენ შეგიძლია ტელეფონის ნომრით მოიწვიო მეგობრები გუნდის შესაქმნელად. გაითვალისწინე მხოლოდ ორი რამ: თუკი რომელიმე მეგობარი არ დათანხმდება მოწვევას, ჯგუფი გაუქმდება. ამასთან, როცა ყველა მონაწილე თანახმა იქნება, გუნდი მაშინვე შეიკვრება და შემადგენლობას შემდეგ ვეღარ შეცვლი.
დავალებები, მონეტები და საჩუქრები
ახლა, როცა მონაწილეობის წინაპირობებს უკვე გავეცანით, უშუალოდ თამაშის წესებზე გადავიდეთ.
როგორც უკვე ვთქვით, თამაში მალე იწყება. ყოველკვირა, ორშაბათობით, მობილბანკში დაგხვდება შესასრულებელი დავალებები. ფინალამდე სისწრაფეს გადამწყვეტი მნიშვნელობა არ აქვს — დავალებები შეგიძლია შეასრულო მთელი კვირის განმავლობაში, ნებისმიერ დროს. თუ კვირის ყველა დავალებას სწორად შეასრულებს მოთამაშე, დამატებით მონეტას მიიღებს. გუნდის შემთხვევაში დავალებები საერთო გექნებათ, მხოლოდ რამოდენიმე დავალების დამოუკიდებლად შესრულება მოგიწევთ.
თამაშის მიმდინარეობისას, მონეტების გამოყენება შესაძლებელია საჩუქრების მარკეტში. მონეტის საჩუქარზე გადაცვლას მხოლოდ კაპიტანი, ანუ გუნდის შემქმნელი შეძლებს. მაგრამ კაპიტანს ასევე შეუძლია კაპიტნობა სხვა მოთამაშეს გადაულოცოს.
ყველაფერი მარტივია, არა? ასეც ნუ იტყვი. წინ ფინალია, სადაც მაშველი რგოლი შეიძლება სწორედ დაგროვებული მონეტები აღმოჩნდეს: შენახული მონეტები ფინალურ ეტაპზე შეგიძლია დახმარებისთვის გამოიყენო. ასე რომ, კარგად დაფიქრდი — იქნებ მათი გადანახვა გერჩივნოს.
გრანდიოზული ფინალი და პრიზები
საინტერესო თამაშის შემდეგ, ფინალი 2024 წლის იანვარში გაიმართება. ფინალურ ტურში კი მხოლოდ იმ შემთხვევაში მოხვდები, თუ 2 კვირის ყველა დავალებას მაინც შეასრულებ უშეცდომოდ, ანუ დამატებით მონეტებს ორჯერ მაინც მიიღებ. ეს წესი ვრცელდება როგორც დამოუკიდებლად, ისე გუნდურად მოთამაშეებზე.
აი, აქ კი უკვე ყველაფერს სისწრაფე გადაწყვეტს. გამარჯვების მოსაპოვებლად, დავალებები პირველმა უნდა შეასრულო. შეცდომის დაშვების შემთხვევაში, განმეორებით ცდამდე ორი წუთით მოგიწევს ლოდინი. ამ დროსაც შეიძლება გამოგადგეს გადანახული მონეტები — მათ გადაცვლას ფინალში სხვადასხვა სახის საჭირო დახმარებაზე შეძლებ: პასუხის სწორად ჩათვლა, არასწორი პასუხების გამორიცხვა, შეცდომის შემდეგ თამაშის გაგრძელება შეყოვნების გარეშე და სხვა.
რაც შეეხება პრიზებს; საპრიზო ფონდი ათიათასობით ლარს მოიცავს და მასში გათვალისწინებულია როგორც გამარჯვებულების, ასევე მეორე და მესამეადგილოსანი მოთამაშეების პრიზები.
დამოუკიდებლად მოთამაშეები გამარჯვების შემთხვევაში:
- პირველადგილოსანი 25 000 ლარს მიიღებს;
- მეორეადგილოსანი 15 000 ლარს;
- მესამეადგილოსანი10 000 ლარს.
გამარჯვებული ორმოთამაშიანი გუნდი
- პირველ ადგილზე 55 000 ლარს მიიღებს;
- მეორე ადგილზე 35 000 ლარს;
- მესამე ადგილზე 25 000 ლარს.
რაც შეეხება სამმოთამაშიან გუნდებს:
- პირველადგილოსანი გუნდი 90 000 ლარს მიიღებს;
- მეორეადგილოსანი 60 000 ლარს;
- მესამეადგილოსანი კი 45 000 ლარს.
ახლა კი, როცა ყველაფერი გასაგებია, ისღა დაგვრჩენია, წარმატება გისურვოთ. წინ დაუვიწყარი თავგადასავალი გელოდება, ჩაერთე თამაშში.