მოზარდობისას მიღებული ცოდნა და უნარ-ჩვევები უდიდეს გავლენას ახდენს ჩვენს მომავალ ცხოვრებაზე და ამას არაერთი კვლევა ადასტურებს. მართალია, ამ ასაკში უამრავი სხვადასხვა გზით იღებენ ბავშვები მრავალფეროვან ინფორმაციას, მაგრამ, სამწუხაროდ, ხშირად ეს არ საკმარისი იმ პრაქტიკული ცოდნის დაუფლებისთვის, რომელიც მათ გარანტირებულ კეთილდღეობასა და წარმატებულ კარიერას უზრუნველყოფს.
ბიუჯეტის გადანაწილება, გრძელვადიანი გეგმების დასახვა და მოლაპარაკება ის უნარებია, რომლებიც 21-ე საუკუნეში თითქმის ყველა პროფესიასა და საქმიანობაში საჭიროა. ამის მიღწევა უამრავი სახალისო და საინტერესო გზით შეიძლება და დღეს სწორედ ერთ-ერთ მათგანზე – სამაგიდო თამაშებზე გავამახვილებთ ყურადღებას. როგორც Forbes წერს, სამაგიდო თამაშები ბავშვების საშუალოდ 52%-ში ანალიტიკურ უნარებს მნიშვნელოვნად აუმჯობესებს.
Monopoly
ეს საყოველთაოდ ცნობილი სამაგიდო თამაში ზემოთ ხსენებულ თითქმის ყველა უნარს ავარჯიშებს. დასაწყისში ყველა მონაწილე იღებს თანაბარი რაოდენობის ბიუჯეტს, რომლითაც შესაძლებელია სხვადასხვა აქტივის შეძენა. აქტივი შეიძლება იყოს კონკრეტული გამზირი/ქუჩა ან ქარხანა/საწარმო, სადაც მოხვედრის შემთხვევაში, მოთამაშეებმა თანხა უნდა გადაიხადონ. ყველაფერი ისეა, როგორც რეალურ ცხოვრებაში: სწორად უნდა გადაანაწილო რესურსები, გააფართოო შენი ბიზნესი და საჭიროების შემთხვევაში კონკურენტებთან მოლაპარაკებაც გამართო ან გამართო აუქციონი.
თამაშის რეკომენდებული ასაკი 8+ ია და შესაძლებელია 2-დან 6 ადამიანის მონაწილეობა, საშუალო ხანგრძლივობა კი 1-დან 1.5 საათამდე მერყეობს.
Splendor
დაახლოებით იდენტური შინაარსის მქონე თამაშია Splendor, სადაც მოქმედება რენესანსის პერიოდში მიმდინარეობს, რა დროსაც გამდიდრების ერთ-ერთ წყაროდ ძვირფასი ქვების მოპოვება მიიჩნეოდა. მოთამაშეების მიზანი იმ ძვირფასი ქვების შეძენაა, რომლებიც მათ დამატებით ქულებს მოუტანს და არსებულ ბარათებს სხვა ქვების მოსაპოვებლად გამოიყენებს. ამ შემთხვევაში მოლაპარაკებების გამართვა შესაძლებელი არაა და უმეტესი აქცენტი გრძელვადიან ბიუჯეტირებასა და რესურსების სწორ გამოყენებაზეა გაკეთებული.
თამაშის რეკომენდებული ასაკია 10+ და 2-4 ადამიანს შეუძლია მონაწილეობა. საშუალო ხანგრძლივობა კი 30 წუთია.
Ticket to Ride
კიდევ ერთი სამაგიდო თამაში, რომელიც უფრო მეტად ლოჯისტიკური უნარ-ჩვევების გაუმჯობესებაში დაეხმარება მოზარდებს. მოთამაშეებმა სხვადასხვა ფერის ბარათები უნდა შეაგროვონ, რომელთაც სარკინიგზო მარშრუტების გასაყვანად გამოიყენებენ. თამაშის რუკაზე ამერიკის ყველა შტატია წარმოდგენილი და მოთამაშეების მიზანია, რაც შეიძლება მეტი ადგილი მოინახულონ, შეასრულონ მისიები და ყველაზე გრძელი სარკინიგზო მონაკვეთის გაყვანის შემთხვევაში დამატებითი ქულებიც დაიმსახურონ.
თამაშის რეკომენდებული ასაკია 8+ და მასში 2-5 მოთამაშეს შეუძლია მონაწილეობა. საშუალო ხანგრძლივობა 30-60 წუთია.
თამაში შემეცნების ერთ-ერთი ყველაზე ეფექტიანი და გამოსადეგი გზაა, ადრეული ასაკიდან ბიუჯეტირების ჩვევის გამომუშავება, ფინანსების განკარგვაზე რელევანტური წარმოდგენის შექმნა და სამომავლო პერსპექტივაზე ფიქრი კი მათ ზრდასრულობაში გაუმარტივებს ყოველდღიურ ცხოვრებას. სწორედ ამ ყოველივეს შესრულებაში ეხმარება sCoolApp მოსწავლეებს – მარტივად და სწრაფად შეასრულონ აუცილებელი ოპერაციები, ამავდროულად კი ფინანსური განათლება მიიღონ. რაც ყველაზე მთავარია, ეს ყველაფერი მშობლის ზედამხედველობით.
გაუაქტიურეთ თქვენს შვილს აპლიკაცია, რომელიც ახალი თაობისთვის შეიძლება სამაგიდო თამაშზე უფრო საინტერესო და მიმზიდველიც აღმოჩნდეს, რადგან მასში სულ სხვა სამყაროს აღმოაჩენენ.