ბიზნესისთვის საჭირო სერვისები ერთ ნაკრებში – გაიგეთ მეტი ბიზნეს ნაკრების შესახებ

ბევრნაირი ბიზნესი არსებობს და ამ ინდივიდუალურობიდან გამომდინარე განსხვავებულია ის საჭიროებებიც, რაც ბიზნესის სამართავადაა საჭირო. აი, მაგალითად, როცა თანხის გადარიცხვა, კომუნალურების დაფარვა, მულტისავალუტო ანგარიშის გახსნა ან სხვა მსგავსი ტიპის სერვისით სარგებლობა გჭირდებათ, ის დრო და ადამიანური რესურსი იხარჯება, რომელიც შესაფერისი გადაწყვეტის შემთხვევაში თავისუფლად შეიძლება დაიზოგოს.

წარმოიდგინეთ, რომ ეს ყველაფერი ერთ სივრცეში, კონკრეტულად კი ბიზნეს მობილბანკში და ბიზნეს ინტერნეტბანკშია თავმოყრილი, რაც საშუალებას გაძლევთ, ნებისმიერ დროს შეამოწმოთ, რომელი სერვისებია თქვენთვის ხელმისაწვდომი და ყველაფრის საკომისიოს ერთიანად ადევნოთ თვალი.

სწორედ ამისთვის საქართველოს ბანკმა ბიზნესებისთვის ახალი პროდუქტი – ბიზნეს ნაკრები შექმნა, რომელიც ბიზნესისთვის საჭირო სერვისებს აერთიანებს და დამატებით უპირატესობებს გთავაზობთ. ნაკრებების გააქტიურება და მასში შემავალი დეტალური სერვისები შეგიძლიათ ამ ბმულზე ნახოთ.

თუ დამწყები ბიზნესი გაქვთ, შეგიძლიათ სასტარტო ბიზნეს ნაკრებით ისარგებლოთ, თანაც უფასოდ 6 თვის განმავლობაში. ამ ნაკრებში ერთიანდება ისეთი სერვისები, როგორებიცაა უფასო პროდუქტები და კომუნალურები, განაღდების მაღალი ლიმიტი, უფასო ტერმინალი 3 თვის განმავლობაში და თქვენთვის ვალუტის სპეციალური კურსიც იმოქმედებს. დამატებით, სასტარტო ნაკრები თქვენი ბიზნესის ფუნქციონირებისთვის აუცილებელ შეთავაზებებსაც გთავაზობთ:

თუკი თქვენი საქმიანობა უფრო მეტ საჭიროებებს მოითხოვს, შეგიძლიათ ისარგებლოთ ბიზნეს ნაკრები M-ით, რომელიც უფრო მეტ შეღავათიან ტარიფს, პროდუქტს და განაღდების მაღალ ლიმიტს მოიცავს. თქვენთვის და თქვენი თანამშრომლებისთვის შეგიძლიათ 2 ციფრული და 2 პლასტიკური ბარათი მოითხოვოთ, თანხის გადარიცხვებზე როგორც ეროვნულ ვალუტაში, ასევე საერთაშორისო გადარიცხვებზე საუკეთესო საკომისიოებს მიიღებთ, თვის განმავლობაში კი 10 კომუნალური გადარიცხვა გექნებათ საკომისიოს გარეშე.

რაც მთავარია, შეთავაზებები, რომლებიც საქართველოს ბანკმა თქვენთვის მოამზადა თქვენი ბიზნესისთვის განვითარებისთვის ყველა საჭიროებას მოიცავს. მაგალითად, 50 %-მდე ფასდაკლება ბუღალტრულ და საგადასახადო სერვისებზე. ნაკრებებში არსებული ყველა ბიზნეს შეთავაზება შეგიძლიათ იხილოთ ბმულზე.

თუკი თქვენი საქმიანობა უფრო მეტ ყოველდღიურ ტრანზაქციას, ყოველდღიური თანხის განაღდების ლიმიტს მოითხოვს, შეგიძლიათ ბიზნეს ნაკრები L-ით ისარგებლოთ. L ნაკრებში ბანკომატიდან განაღდების დღიური ლიმიტი 50 000₾-მდეა, ბანკომატიდან განაღდებას თვეში 30 000₾-მდე უფასოდ შეძლებთ, ისარგებლებთ ფასდაკლებებით ლარის გადარიცხვებზე და თქვენთვის იმოქმედებს ვალუტის სპეციალური კურსი.

ნებისმიერი ბიზნეს ნაკრების გააქტიურების შემთხვევაში, თქვენ მიიღებთ წვდომას ბიზნეს მენეჯერის პლატფორმაზე. თუ ჯერ კიდევ არ გაგიგიათ ბიზნეს მენეჯერის შესახებ, გეტყვით, რომ ის აერთიანებს გადახდების მენეჯერს, ADS მენეჯერსა და API მენეჯერს.

  • გადახდების მენეჯერით შეგიძლიათ მართოთ და აკონტროლოთ თქვენს ბიზნესში ონლაინ და ტერმინალით განხორციელებული გადახდები, ნახოთ მომხმარებელთა ანალიტიკა, შეაფასოთ ტენდენციები და ამის მიხედვით მიიღოთ ბიზნეს გადაწყვეტილებები.
  • Ads მენეჯერით შეგიძლიათ შექმნათ თქვენი პროდუქტისა და სერვისის შეთავაზება 1 300 000 -ზე მეტი მომხმარებლისთვის საქართველოს ბანკის ციფრულ არხებში – მობილბანკში,  sCoolApp-სა და Offers.bog.ge-ზე.
  • API მენეჯერი კი გაძლევთ საშუალებას, განავითაროთ თქვენი ციფრული პლატფორმები, მაგალითად ჩააინტეგრიროთ თქვენს B2B პროგრამაში ონლაინ გადახდები ან საბუღალტრო პროგრამაში ჩააშენოთ საქართველოს ბანკის ინტერნეტბანკის სერვები და ავტორიზაციისთვის გამოიყენოთ BOG ID.

ბიზნეს ნაკრებებში შემავალი სერვისების შესახებ დეტალური ინფორმაციისთვის ეწვიეთ ბმულს. რაც მთავარია, გახსოვდეთ, რომ ბიზნეს ნაკრების გააქტიურება ბიზნეს მობილბანკიდან და ბიზნეს ინტერნეტბანკიდან უმარტივესადაა შესაძლებელი: პირობებს დეტალურად გაეცნობით და იქვე უსწრაფესად გაიაქტიურებთ შესაფერის ნაკრებს. სურვილის შემთხვევაში კი ნებისმიერ დროს განაახლებთ და სხვა ტიპის ნაკრებს შეიძენთ.

არ გაჩერდე, გააგრძელე კითხვა