დღესდღეობით თითქმის ყველა ტიპის სურვილის ასრულება ციფრულ სამყაროში ხდება. ონლაინ სივრცეში პროდუქციისა თუ შეთავაზების შესაძენად კი, ხშირად პირველი ეტაპი ავტორიზაციის გავლაა. ავტორიზაციის პროცესი თუ გაწელილია და რეგისტრაციისთვის დიდი რაოდენობით ინფორმაციის შევსებას ითხოვს, მომხმარებელს შეიძლება მოჰბეზრდეს და სასურველი სერვისის ყიდვაც გადაიფიქროს. ეს კი პოტენციური მომხმარებლის დაკარგვას ნიშნავს, რაც, რა თქმა უნდა, არცერთი ბიზნესის ინტერესებში არ არის.
სწორედ მომხმარებელთა და კომპანიების გამოცდილების გასაუმჯობესებლად საქართველოს ბანკი ბიზნესებს BOG ID სერვისს სთავაზობს, რომელიც მარტივი, კომფორტული და რაც მთავარია, უსაფრთხოა.
რა არის BOG ID?
BOG-ID საქართველოს ბანკის ინოვაციური სერვისია, რომელიც მომხმარებლებისთვის რეგისტრაციისა და ავტორიზაციის გამარტივებულ გზას უზრუნველყოფს. კომპანიებს კი, რომლებსაც თავიანთი ბიზნესების ონლაინ პლატფორმებზე მომხმარებელთა ავტორიზაცია ესაჭიროებათ, საშუალება ეძლევათ უსაფრთხოების ზომების დაცვით საქართველოს ბანკის მომხმარებლები მარტივად დაარეგისტრირონ. BOG-ID-სთან ინტეგრაციისთვის აუცილებელია, რომ კომპანია საქართველოს ბანკის მომხმარებელი იყოს. ამის შემდეგ კი, საქართველოს ბანკის 1 200 000-ზე მეტ მომხმარებელს BOG-ID-ისთან ინტეგრირებული კომპანიით სარგებლობა გაუმარტივდება. ასე რომ, BOG-ID კომფორტულია როგორც ბიზნესისთვის, ასევე მომხმარებლისთვის, რადგან ავტორიზაციისთვის მხოლოდ საქართველოს ბანკის მომხმარებლის პარამეტრები საკმარისია.
როგორ შეუძლია მომხმარებელს Bog ID-ის გამოყენება?
მას შემდეგ, რაც მომხმარებელს ავტორიზაციის ერთ-ერთ ვარიანტად BOG ID გამოუჩნდება და ამ მეთოდს აირჩევს, ავტორიზაციას უმარტივესად შეძლებს: ამისთვის უბრალოდ საქართველოს ბანკის ინტერნეტ ბანკის მონაცემებს შეიყვანს და ყველა პლატფორმაზე ცალ-ცალკე რეგისტრაცია აღარ დასჭირდება.
თუმცა, კიდევ რამდენიმე გზითაა შესაძლებელი BOG ID-ით ავტორიზაცია:
- თუ მომხმარებელი ავტორიზაციას მობილბანკის გამოყენებით გადაწყვეტს, როგორც ფიზიკურ პირს, QR კოდი შეუძლია დაასკანეროს და პლატფორმაზე შესვლა ასე დაადასტუროს;
- თუ მომხმარებელი მობილურით სარგებლობს, მას ისიც შეუძლია, მობილბანკის გამარტივებული ავტორიზაციის მეთოდები — Face ID გამოიყენოს.
მაინც რატომ BOG ID?
ავტორიზაციის პროცესში უკმაყოფილებას ის იწვევს, რომ პლატფორმები საკმაოდ დეტალურ ინფორმაციას ითხოვენ, რის შევსებასაც დიდი დრო მიაქვს. შედეგად კი მომხმარებელი ვებგვერდს ტოვებს და თავიდან იგივე პროცესის გავლა აღარ სურს. BOG ID-ის დახმარებით კი, ავტორიზაციას მცირე დრო სჭირდება და მომხმარებელს არც დამატებითი ინფორმაციის შევსება უწევს. რაც მთავარია, BOG ID-ით ავტორიზაციის პროცესი ყოველ შესვლაზე ასეთი მარტივი და კომფორტული იქნება და მომხმარებლებს პრობლემებს არც სამომავლოდ შეუქმნის.
ავტორიზაციის პროცესი უსაფრთხო და დაცულია
კიბერთაღლითობა დღეს ერთ-ერთი გავრცელებული დანაშაულია, ამიტომ პირადი მონაცემების ნებისმიერ პლატფორმაზე შეყვანისას უსაფრთხოების გარანტია აუცილებელია. BOG ID-ით ავტორიზაცია კი მომხმარებლებს სწორედ დაცულ და უსაფრთხო პროცესს სთავაზობს: საქართველოს ბანკის ინტერნეტ და მობილბანკის დაცული ავტორიზაციის ფანჯრით მომხმარებელი უსაფრთხო სერვისით სარგებლობს.
ყიდვის პროცესი მარტივდება
ამა თუ იმ ნივთის/მომსახურების შეძენის შესახებ გადაწყვეტილებას სხვადასხვა ფაქტორიდან გამომდინარე ვიღებთ. თუ მომხმარებელმა პროდუქციის შეძენა გადაწყვიტა, მაგრამ რეგისტრაციის პროცესი გაჭიანურდა და გადახდა მარტივად ვერ შეძლო, არ არის გამორიცხული, რომ ყიდვა საერთოდ გადაიფიქროს. როცა პლატფორმა და მასთან ერთად BOG ID სერვისი შეუფერხებლად მუშაობს, მომხმარებელი ნივთსაც მალე იყიდის და კიდევ სხვა რამის შეძენის სურვილიც შეიძლება გაუჩნდეს. მარტივი ავტორიზაციით გადაწყვეტილებების მიღების პროცესი უფრო დაჩქარდება და მომხმარებელიც კმაყოფილი იქნება.
BOG ID-ით უკვე შეგიძლიათ გაიაროთ ავტორიზაცია ისეთ ვებსაიტებზე, როგორებიცაა
- wishlist.ge
- mistore.ge
- beko.ge
- hamo.ge
- istore.ge
- alcoshop.ge
- primestore.ge
- hummel.ge
- iconic.ge
- travelbox.ge
და სხვა.