გემრიელი კერძებისა და სხვადასხვა ქვეყნის სამზარეულოს მოყვარულ ქართველ გურმანებს გასტრონომიული დაწესებულებების დიდი მრავალფეროვნება აქვთ. თუმცა რაც უფრო დიდია რესტორნებისა და კვების ობიექტების რაოდენობა, მით უფრო რთულია არჩევანის გაკეთება. სწორედ გასტრონომიული დაწესებულებების მრავალფეროვნების გამო დიდი ხანია, საქართველოს ბანკმა პროექტი გასტროლები წამოიწყო. გასტროლების მაყურებელი მასტერშეფის ფინალისტ დიმიტრი რჩეულიშვილთან ერთად ეძებს და პოულობს იმ ადგილებს, სადაც ყველაზე გემრიელი კერძების დაგემოვნება შეიძლება.
აზიური სამზარეულოს მრავალფეროვან გემოებს საქართველოში ბევრი მოყვარული ჰყავს. სწორედ ამიტომ, გასტროლების ერთ-ერთ ეპიზოდში დიმიტრი რჩეულიშვილი Pepperboy-ს ესტუმრა, რომელიც აზიური სამზარეულოს მოყვარულებს მადისაღმძვრელ კერძებს სთავაზობს. Pepperboy ორწლიანი პაუზის შემდეგ განახლებული სამზარეულოთი ახლახან დაბრუნდა. იმის შესახებ, თუ როგორ გაჩნდა Pepperboy-ის შექმნის იდეა, როგორ გაიზარდა მისი ცნობადობა გასტროლებში გამოჩენის შემდეგ და რა ცვლილებები გამოიწვია ზოგადად პროექტში მონაწილეობამ თინათინ ხაფავა გვესაუბრა.
“Pepperboy-ს დებიუტი თბილისში 2018 წელს შედგა და ქალაქს სრულიად განსხვავებული პან-აზიური სამზარეულოსა და იზაკაიას კულტურა გააცნო. Pepperboy-მ თავი დაიმკვიდრა როგორც ამ მიმართულების გზამკვლევმა. ბრენდმა მონეტიზაცია გაუკეთა ისეთ კერძებს, როგორებიცაა ტრადიციულად ფერმენტირებული კორეული კიმჩი, ტკბილ-ცხარე ქათმის ფრთები, ვიეტნამური ფო, იაპონური ჩიზქეიქი და სხვა, ასევე, Pepperboy-მ ქალაქში აზიური სამზარეულოს ახალი სტანდარტი შემოიტანა. ჩვენი მიზანია, სტუმრებს შევთავაზოთ განსაცვიფრებელი გასტრონომიული გამოცდილება, რაც მაღალ ხარისხს, რეგიონისთვის დამახასიათებელ არომატებსა და ახალ გემოებს გულისხმობს. თითოეული კერძი დიდი ძალისხმევის შედეგად ხვდება მენიუში და გვჯერა, რომ აზიის კულინარიულ მრავალფეროვნებას სტუმრებამდე სათანადო პატივისცემით მივიტანთ”, — ამბობს თინათინ ხაფავა.
გასტროლების ეპიზოდი, რომელშიც დიმიტრი რჩეულიშვილი Pepperboy-ს ესტუმრა, 90 ათასამდე მაყურებელმა ნახა. როგორც თინა ამბობს, პროექტში მონაწილეობამ ბრენდის ცნობადობა კიდევ უფრო გაზარდა, აუდიტორია კი ვიდეოში ნანახი კერძებითა და კოქტეილებით დაინტერესდა.
“გასტროლებში მონაწილეობის შემდგომ თვალსაჩინოა ის შედეგი, რომ ვიდეოს ნახვები კონვერტირდებოდა შეტყობინებებში და ძალიან დიდი ახალი აუდიტორიისთვის ჩვენი რესტორანი ცნობილი გახდა. გასტროლების შემდგომ ადამიანები მოდიოდნენ და კითხულობდნენ იმ კერძებს, რომლებიც ამ ვიდეოებში იყო ნაჩვენები. რაც შეეხება კონკრეტული კერძების პოპულარობის ზრდას, რადგანაც სამზარეულოს მეტ-ნაკლებად უკვე ჰქონდა ცნობადობა, ამის თქმა კოქტეილებზე უფრო თამამად შეგვიძლია. სკრაპი კოკო, რომელიც ვიდეოშია ნაჩვენები, ამ თვის ბესტსელერი გახდა”, — დასძინა თინათინმა.
გარდა ცნობადობის გაზრდისა, გასტროლებში მონაწილე გასტრონომიულ ობიექტებს გურმანებისა და პროფესიონალებისგან შეფასებების მიღებაც შეუძლიათ. თინათინის თქმით, გასტროლებში მონაწილეობა ბრენდისთვის ამ მხრივაც საინტერესოა და პროექტში ჩართვას სხვა კვების ობიექტებსაც ურჩევს.
“ჩვენთვის ყველაზე მნიშვნელოვანი და საინტერესო ჩვენი მომხმარებლების შეფასებაა ჩვენი საკვების და სერვისის შესახებ. გასტროლებმა მოგვცა შესაძლებლობა, რომ პროფესიონალების შეფასებაც მოგვესმინა. სხვა ბიზნესებს კი პროექტში მონაწილეობას იმიტომ ვურჩევდი, რომ ეს არის შესაძლებლობა გაზარდოთ თქვენი ბიზნესის ცნობადობა და თქვენი ბიზნესის განსავითარებლად რეალური შედეგები მიიღოთ”, — დასძინა თინათინმა.
გასტროლები სხვადასხვა რესტორნებსა და სამზარეულოებში მოგზაურობას კვლავ განაგრძობს. ახალი საყვარელი რესტორნის ძიების პარალელურად კი, აზიური სამზარეულოსა და გამორჩეული კოქტეილების დაგემოვნება Pepperboy-ში, თამარ ჭოველიძის #14-ში, შეგიძლიათ.