სარჩევი

ვინ იასპარეზებს საქართველოს სახელით პარიზის ოლიმპიურ თამაშებზე

საქართველოს ბანკი საქართველოს ოლიმპიური ნაკრების მთავარი სპონსორია და არა მარტო – ყოველთვის და ყველგან მხარს უჭერს ადამიანებს, რომლებიც არ ჩერდებიან და საკუთარი წარმატებით უკეთეს საქართველოს ქმნიან.

2024 წლის 26 ივლისს საფრანგეთის დედაქალაქ პარიზში ზაფხულის ოლიმპიური თამაშები აიღებს სტარტს და ეს ყველაზე მნიშვნელოვანი სპორტული ღონისძიება 11 აგვისტომდე გაგრძელდება.

სხვადასხვა ქვეყნისა და სპორტული სახეობის 10 000-ზე მეტი წარმომადგენელი მიიღებს მონაწილეობას ოლიმპიური მედლებისთვის ბრძოლაში – სპორტის 32 სახეობა და 48 დისციპლინა და 2-კვირიან სპორტული მარათონი გველის წინ.

ქართველი გულშემატკივარიც მოუთმენლად ელოდება Paris 24-ს, რადგან ბევრი გამოცდილი და ახალბედა ქართველი ოლიმპიელის სპორტული ფორმა და ტალანტი გვეიმედება და გვჯერა, რომ ჩვენი ოლიმპიური ნაკრები ბევრი მედლის მოპოვებას შეძლებს. თუ ლიცენზიანტების სრულ შემადგენლობას (28 სპორტსმენი) გადავხედავთ, ესაა სრულიად ობიექტური მოლოდინი:

ნინო სალუქვაძე – ტყვიის სროლა

ლეგენდარული ნინო სალუქვაძე, რომელსაც სამივე სინჯის ოლიმპიური მედალი აქვს მოპოვებული, 54 წლის ასაკში ზედიზედ მე-10 ოლიმპიურ თამაშებზე იასპარეზებს – ის ამ მიღწევით მსოფლიოში პირველი ქალი სპორტსმენი გახდა და ჯერ ყველაფერი წინ არის.

ლაშა გურული – კრივი (67 კგ.)

ლაშა გურულმა 2023 წლის ევროპულ თამაშებზე მოპოვებული ვერცხლის მედლით მოიპოვა ოლიმპიური ლიცენზია და მისთვის წლევანდელი ზაფხულის ოლიმპიური თამაშები სადებიუტო იქნება.

გენო პეტრიაშვილი – თავისუფალი სტილით ჭიდაობა (125 კგ.)

გენო პეტრიაშვილმა პირველი ოლიმპიური მედალი 2016 წელს რიოში მოიპოვა (ბრინჯაო); ტოკიოში გამართულ ოლიმპიურ თამაშებზე კი ვერცხლის მედალიც შემატა თავის მონაგარს; დიდი იმედი გვაქვს, გეომეტრიული პროგრესია მათემატიკური სიზუსტით გაგრძელდება პარიზშიც.

გივი მაჭარაშვილი – თავისუფალი სტილით ჭიდაობა (97 კგ.)

გასული წლის სექტემბერში მოპოვებული ლიცენზიით 26 წლის გივი მაჭარაშვილისთვისაც სადებიუტო იქნება წლევანდელი ოლიმპიური თამაშები – იგი 97 კილოგრამ წონით კატეგორიაში გაიბრძოლებს მთავარი მიზნისკენ.

გოდერძი ძებისაშვილი – თავისუფალი სტილით ჭიდაობა (65 კგ.)

ბაქოში გამართულ ევროპის საკვალიფიკაციო ტურნირზე ფინალში გასვლით მოახერხა გოდერძი ძებისაშვილმა ოლიმპიური ლიცენზიის მოპოვება და პარიზში ის 65 კილოგრამ წონით კატეგორიაში შეეცდება მედლის მოპოვებას.

ვლადიმერ გამყრელიძე – თავისუფალი სტილით ჭიდაობა (86 კგ.)

ვლადიმერ გამყრელიძემ კი სტამბოლში გამართულ საერთაშორისო ტურნირზე ე.წ. „ბრინჯაოს ფინალში“ უკრაინელი მიხაილოვი დაამარცხა და ასე მოხვდა პლანეტის უდიდეს სპორტულ ღონისძიებაზე

რობერტ კობლიაშვილი – ბერძნულ-რომაული სტილით ჭიდაობა (87 კგ.)

რობერტ კობლიაშვილმაც, გოდერძის მსგავსად, ბაქოში მოახერხა მთავარი სპორტული მიზნის მიღწევა – ოლიმპიადაზე ასპარეზობის უფლება. 30 წლის მოჭიდავემ გადამწყვეტ და ძალიან დაძაბულ ორთაბრძოლაში გერმანიის სახელით მოასპარეზე ლუკას ალეხანდრო ლაზოგიანისი დაამარცხა ანგარიშით 2-1.

რამაზ ზოიძე – ბერძნულ-რომაული სტილით ჭიდაობა (67 კგ.)

67 კილოგრამ წონით კატეგორიაში მოასპარეზე რამაზ ზოიძემ ასევე სტამბოლში გამართულ საერთაშორისო ტურნირზე მოიპოვა ლიცენზია. ტურნირის ფორმატის მიხედვით, ფინალში გასვლა საკმარისი იყო ოლიმპიადის საგზურის მოსაპოვებლად, მან ნახევარფინალში ჩინელი სპორტსმენი დაამარცხა და ასე გაინაღდა ივლისში უმაღლესი სპორტული მიზნებისთვის პარიზში გამგზავრება.

ლაშა გობაძე – ბერძნულ-რომაული სტილით ჭიდაობა (87 კგ.)

გაგვიმართლა და ჭიდაობის მსოფლიო გაერთიანების გადაწყვეტილებით, ბერძნულ-რომაული სტილით ჭიდაობაში, 87 კილოგრამ წონით კატეგორიაში ოლიმპიადას ჩამოშორებული ბელარუსი სპორტსმენის, მასკევიჩის ადგილს ლაშა გობაძე დაიკავებს. ლაშა მესამე ქართველი იქნება ამ კონკრეტულ სახეობაში Paris 24-ზე.

ლუბა გოლოვინა – ბატუტზე ხტომა

გასული ოლიმპიური თამაშების სამგზის მონაწილე, ბატუტზე მხტომი ლუბა გოლოვინა პარიზშიც დაიცავს საქართველოს სპორტულ ინტერესებს. ლუბამ ლიცენზიის მოპოვება მსოფლიო თასის სერიებში დაგროვილი სარეიტინგო ქულებით შეძლო.

სანდრო ბაზაძე – ფარიკაობა

სანდრო ბაზაძემ, რომელიც მსოფლიო რეიტინგის ლიდერებს შორისაა, არაა გასაკვირი, რომ პარიზის ოლიმპიური თამაშების ლიცენზია ადრევე მოიპოვა – იგი ხმლით ფარიკაობის ოლიმპიურ ტურნირზე ზედიზედ მესამედ წარდგება. სანდრო გასული ორი ოლიმპიადის მონაწილეა, მან ევროპისა და მსოფლიოს ჩემპიონატის ოქროს მედლები უკვე მოიპოვა და გვაქვს იმედი, ეს სტატისტიკა ოლიმპიურ მედლადაც დაიმარცვლება.

ირაკლი ჩხეიძე – ძალოსნობა (102 კგ.)

საქართველოს მძლეოსნობის ნაკრებმა 5 სალიცენზიო ტურნირში მიიღეს მონაწილეობა – პარიზის ოლიმპიადაზე მოსახვედრად საჭირო იყო ამ ტურნირების მიხედვით შედგენილ სარეიტინგო სიის ათეულში მოხვედრა. ირაკლი ჩხეიძემ ეს მოახერხა, მე-9 ადგილი დაიკავა და გაინაღდა ლიცენზიაც.

შოთა მიშველიძე – ძალოსნობა (61 კგ.)

იმავე რეიტინგში გიორგი ასანიძის გაწვრთნილი ნაკრების კიდევ ერთი ქართველი სპორტსმენი, შოთა მიშველიძეც მოხვდა, რომელმაც მე-7 ადგილზე გასვლით მოიპოვა პარიზში გამგზავრების უფლება.

ლაშა ტალახაძე – ძალოსნობა (+109 კგ.)

დაბოლოს, ლაშა ტალახაძე, რომელზეც ბევრი არაფრის თქმა შეგვიძლია – რეიტინგის უკონკურენტო პირველადგილოსანი; შვიდგზის ევროპისა და შვიდგზის მსოფლიო ჩემპიონი; ორგზის ოლიმპიური ოქროს მედალოსანი; ადამიანი, რომელიც მხოლოდ და მხოლოდ საკუთარ თავს ეჯიბრება და წლიდან წლამდე აუმჯობესებს საკუთარივე რეკორდებს.

გიორგი ყუშიტაშვილი – კრივი (92 კგ.)

ლაშა გურულთან ერთად საქართველოს სახელით კრივში კიდევ ერთი სპორტსმენი, გიორგი ყუშიტაშვილი გამოვა. გიორგიმ მოკრივეთა შორის ოლიმპიური თამაშების ბოლო საკვალიფიკაციო ტურნირზე მოახერხა საგზურის მოპოვება. ბანგკოკში გამართულ ტურნირზე მან 3 შეხვედრა აშკარა უპირატესობით მოიგო, გადამწყვეტ და ყველაზე დაძაბულ ბრძოლაში კი ამერიკელ ჯამალ ტელის 3-2 სძლია.

ლიკა ხარჩილავა – მძლეოსნობა

23 წლის ქართველმა მძლეოსანმა პარიზის ოლიმპიურ თამაშებზე ასპარეზობის უფლება ე.წ. „ვაილდ ქარდით” მოიპოვა. ლიკა ერთადერთი მძლეოსანი იქნება საქართველოს სახელით მოასპარეზე სპორტსმენებიდან. მას 100-მეტრიან ბილიკზე ვიხილავთ, სადაც პირადი რეკორდი 12.16 წამია.

ანა ნიჟარაძე, ნოე ფანცხავა – ცურვა

პარიზში საქართველოს ცურვაში ორი წარმომადგენელი ეყოლება – ანა ნიჟარაძე (ბატერფლაი, 100 მ.) და ნოე ფანცხავა (გულაღმა ცურვა, 100 მ.), რომლებიც ასევე „ვაილდ ქარდის” წყალობით აღმოჩნდნენ მთავარ სპორტულ ღონისძიებაზე.

ჯუდო

საერთო ჯამში საქართველოს სახელით Paris 24-ზე 28 სპორტსმენი მიიღებს ინდივიდუალურად მონაწილეობას, მხოლოდ ჯუდოს ნაკრები იქნება გამონაკლისი, რომლებიც გუნდურ სახებაშიც ჩაერთვებიან და ისტორიაში პირველად ზაფხულის ოლიმპიურ თამაშებზე ქალთა და მამაკაცთა შერეული ნაკრებიც გვეყოლება:

ვაჟები

გიორგი სარდალაშვილი – 60 კგ. 
ვაჟა მარგველაშვილი – 66 კგ. 
ლაშა შავდათუაშვილი – 73 კგ.
ტატო გრიგალაშვილი – 81 კგ.
ლაშა ბექაური – 90 კგ.
ილია სულამანიძე – 100 კგ.
გურამ თუშიშვილი – +100 კგ.

ქალები

ეთერ ლიპარტელიანი – 57 კგ.
ეთერ ასკილაშვილი – 63 კგ.
სოფიო სომხიშვილი – +78 კგ.

ჩვენი ჯუდოკების უმრავლესობა ინდივიდუალურადაც საკუთარ წონებში მედლების მთავარ ფავორიტებადაც მიიჩნევიან – მსოფლიოს, ევროპისა თუ ოლიმპიური ჩემპიონები სახეობის ყველაზე კაშკაშა და ცნობილი ვარსკვლავები არიან.

გამორჩეულია საქართველოს სახელით მოასპარეზე ოცდარვავე სპორტსმენის ფორმა და შემართება და ვიცით ისიც, რომ მთავარია ხარისხი და არა – რაოდენობა, სპორტში ეს განსაკუთრებით მძაფრად თვალსაჩინოა. ისღა დაგვრჩენია, დაველოდოთ პარიზის ოლიმპიური თამაშების დაწყებას და ვუქომაგოთ საქართველოს.

ოლიმპიადის დაწყებამდე დარჩა

დღე

საათი

წუთი

წამი

არ გაჩერდე, გააგრძელე კითხვა