რატომ მიყვარს ფეხბურთი – ტატო ბაციკაძე

საქართველოს ბანკი - საქართველოს ეროვნული საფეხბურთო ნაკრების მთავარი სპონსორი.

ნებისმიერ პროფესიაში მნიშვნელოვანია, რომ შენი საქმე გამორჩეულად გიყვარდეს, თუმცა ფეხბურთში ეს უკვე განუყოფელი აუცილებლობაა. შეუძლებელია, კომენტატორობის 14-წლიანი გამოცდილება დაგიგროვდეს, თუ ფეხბურთი შენი ცხოვრების ერთ-ერთი მთავარი ინტერესი არ არის. ტატო ბაციკაძეს საქართველოში ფეხბურთის მოყვარულები კარგად იცნობენ, მისი სიყვარული ფეხბურთის მიმართ კი კომენტატორობამდე ბევრად ადრე, ჯერ კიდევ ბავშვობაში დაიწყო.

„8-9 წლის ვიყავი, როდესაც მამაჩემმა დოკუმენტური ფილმი მანახა დიეგო მარადონას შესახებ. მაქედან მოყოლებული შემიყვარდა ფეხბურთი და განსაკუთრებით – მარადონა. მალევე, 1994 წელს, პირველად ვუყურე მსოფლიო ჩემპიონატს. 90-იანების იმ შავ-ბნელ წლებში შევამჩნიე, რომ ფეხბურთის გარშემო გაერთიანებულ ხალხში იშვიათი ატმოსფერო და სიხალისე ტრიალებდა. ცალკე ამ განწყობამაც მიმიზიდა, ცალკე კი იმან, რომ ჩემპიონატში არგენტინაც მონაწილეობდა და უკვე ზუსტად ვიცოდი, თუ ვის ვუგულშემატკივრებდი იმ წელს.“

“არგენტინის შემდეგ, ბარსელონას გულშემატკივარი გავხდი სრულიად შემთხვევით. ისე მოხდა, რომ ბარსელონამ ჩემპიონთა ლიგის მეოთხედფინალი წააგო, რის გამოც ეს გუნდი ძალიან შემეცოდა. ამ შეცოდებისა და თანაგრძნობის გამო მსუბუქად დავუწყე გულშემატკივრობა, რომელიც ნელ-ნელა ძლიერ გულშემატკივრობაშიც გადაიზარდა.”

“ფეხბურთის მსოფლიო ისტორიაც რომ გავიხსენოთ, მოედანი ყოველთვის იყო  სოციალური კლასების დაპირისპირების ადგილი – თამაშის დროს დაბალი კლასის წარმომადგენლები თანასწორები იყვნენ პრივილეგირებულ ფენასთან და თანაბარი შანსი ჰქონდათ გამარჯვების, რასაც რეალურ ცხოვრებაში ნაკლებად თუ შეძლებდნენ. ამიტომ, ფეხბურთი და ფეხბურთში გამარჯვებაც საკმაოდ სიმბოლურია ხოლმე ბევრი ქვეყნისთვის.”

“90-იან წლებში ბევრი რამ შეუძლებელი ჩანდა, მათ შორის ისიც, რომ ქართული სპორტული არხები გვქონოდა. ამიტომ, როდესაც პირველად გამოჩნდა მსგავსი არხი, მაშინვე დავუკავშირდი და ვიკითხე, თუ რისი გაკეთება შემეძლო. მთხოვეს, რამდენიმე თამაშის ჩანაწერი გამეკეთებინა. შემდეგ კი, 2010 წლის დეკემბერში, პირველად მივედი შეხვედრაზე. ჩემთვის მოულოდნელად მითხრეს, რომ სამ დღეში პირველი თამაში უნდა წამეყვანა. მაშინ ძალიან კმაყოფილი ვიყავი ჩემი წაყვანილი თამაშით, თუმცა მოგვიანებით, 7-8 წლის შემდეგ, როცა თავიდან მოვუსმინე ძველ ჩანაწერს, მივხვდი, თუ რამდენად განვვითარდი ამ წლების განმავლობაში.”

,,კომენტატორობა ყოველთვის გაკლებს გულშემატკივრობის მუღამს, რადგან ბოლომდე ვერ გამოხატავ შენს ემოციებს და სათანადოდ ვეღარ ქომაგობ. ეს განსაკუთრებით მაშინ მაწუხებს, როდესაც საქართველოს ნაკრების მნიშვნელოვანი თამაშებია, ამის გამო ხშირად მითქვამს კიდეც უარი კონკრეტული თამაშების წაყვანაზე. გულშემატკივრობის პროცესისგან სიამოვნების მიღება, ნერვიულობა და ტანჯვა მინდა, ემოციების მოთოკვისა და კონტროლის გარეშე.“

აიღე საგულშემატკივრო ბარათი

ბარათის შეკვეთა

„მნიშვნელოვანია, რომ სისტემა ისე იყოს აწყობილი, მომდევნო თაობებსაც გამოადგეთ ჩვენი ახლანდელი გამარჯვებები და ასე ნელ-ნელა ძლიერ გუნდად ჩამოვყალიბდეთ. ახლანდელი თამასა უნდა შევინარჩუნოთ და კიდევ უფრო წინ წავიდეთ.  იმასაც უნდა ვაცნობიერებდეთ, რომ ერთბაშად რთულია დიდი გამარჯვებებისა და წარმატების მიღწევა. სიამოვნება უნდა მივიღოთ პროცესისგან და გრძელი გზის გავლა არ გვეზარებოდეს.”