26 აგვისტოდან საქართველოს საკალათბურთო ნაკრები თავის ისტორიულ, პირველ მსოფლიო ჩემპიონატზე იწყებს ასპარეზობას.
ასწლოვანი ისტორიის მქონე ქართულ კალათბურთს რა არ უნახავს მსოფლიო ჩემპიონების ჩათვლით, მაგრამ ქართული დროშა მსოფლიოს საუკეთესოთა რიგებში საუკუნოვანი ლოდინის შემდეგ პირველად აღიმართება. ეროვნული ნაკრების გავლილი ეს გრძელი გზა, B დივიზიონიდან მსოფლიო ჩემპიონატამდე, ოფლის, შრომის, ტკივილის, წარმატებისა და იმედგაცრუების დეკადებით იყო სავსე. თუმცა, 2023 წლის 26 თებერვალს ლოგიკურად – მსოფლიო ჩემპიონატის ფინალური ეტაპის საგზურით დაგვირგვინდა.
და ამ ისტორიულ მსოფლიოზე რომ ისტორიული იდენტობით გაამაყებულები და ზურგმომაგრებულები წავსულიყავით, კალათბურთის ფედერაციასთან და ნაკრების თითოეულ წევრთან ერთად ტურნირისთვის მოსამზადებელ პერიოდში საკუთარ ფესვებსაც ჩავეძიეთ. ყველა ეროვნული პროექტი ხომ ეროვნულ იდენტობას ეფუძნება და ცხადია, საქართველოს კალათბურთის ეროვნული ნაკრებიც ჩვენი ქვეყნის ხასიათის არაერთ ნიშანს ატარებს. თუმცა, თავისი მიდგომითა და დამოკიდებულებით ყველაზე მეტად ჩვენი ქვეყნის იმ ისტორიულად გამომუშავებულ თვისებას განასახიერებს, რომელსაც, ალბათ, ყველაზე მეტჯერ გავუოცებივართ – უჩვეულო ბრძოლისუნარიანობას.
ნაკრების ეს ნიშან-თვისება ერთგვარ მუდმივმოქმედ მისიად ვაქციეთ და ყველამ ერთმანეთს შევფიცეთ, რომ:
საქართველო პატარა ქვეყანაა დიდი გულითა და შემართებით. Ჩვენ ყოველთვის ასმაგი შრომა გვიწევდა, რათა ჩვენზე ძლიერებში გაგვეტანა თავი. Შედეგად, გადარჩენისთვის ბრძოლის ათასობით წელმა საოცარ ბრძოლისუნარიანობას მიგვაჩვია. Საქართველოს კალათბურთის ნაკრები თავისი მებრძოლი ხასიათით სწორედ ქვეყნის ამ
სულისკვეთების გამოხატულებაა.
Მე ვიცი, რომ როცა თითოეული ჩვენგანი აკეთებს ყველაფერს,
რისი გაკეთებაც შეუძლია, და ხანდახან ცოტა უფრო მეტსაც
– იმედი უკვდავი ხდება
და რადგან არავის ისე არ სჭირდება გამარჯვება,
როგორც ჩემს ხალხს და ქვეყანას
შინ თუ გარეთ, დღისით თუ ღამით, მოედანზე თუ მის მიღმა
მე თავს ვუძღვნი საქართველოს – ოფლის ბოლო წვეთამდე!
სადებიუტო მსოფლიო ჩემპიონატის კამპანიაში საერთო იდეის ირგვლივ არამხოლოდ გუნდი და ფანები, არამედ თაობები და მთელი ქვეყანა ერთიანდება ოფლის ბოლო წვეთამდე! რადგან ყველაფერი, რასაც ჩვენ პირველი მსოფლიო ჩემპიონატის დროს ჩავდივართ, ავტომატურად ხდება ისტორიის ნაწილი. და დაე, დიდი ასოებით ჩაიწეროს მის ფურცლებზე, რაც ქართველებმა თავის პირველ მსოფლიოზე აკეთეს! როგორ დაიჯერეს ბოლო წვეთამდე! უქომაგეს ბოლო წვეთამდე! და იომეს ბოლო წვეთამდე!
ყველაფერი ჩვენს ხელშია, აბა, ჩვენ ვიცით!
საქართველოს ბანკი,
ქართული კალათბურთის მთავარი მხარდამჭერი.