საქართველოს ბანკის მხარდაჭერით, დათო გორგილაძის საავტორო გადაცემა -“გორგილაძის აუტანელი სიმსუბუქე”, Youtube-ზე ახალ რესპონდენტებთან და ისტორიებთან ერთად დაბრუნდა, რომლებსაც მაყურებლები კვირიდან კვირამდე სულმოუთქმელად ელიან. თუმცა, ეს ყველაფერი როდია: “გორგილაძის აუტანელ სიმსუბუქეს” ახალი და განსაკუთრებული რუბრიკაც დაემატა, რომელიც გადაცემის გულშემატკივრებისთვის საინტერესოსთან ერთად, მოტივაციის მომცემიცაა.
“არ გაჩერდე” — ახალ რუბრიკას სახელი საქართველოს ბანკის სლოგანის მიხედვით შეურჩიეს, რადგან ის იმ სტუმრების ამბებს აერთიანებს, რომლებიც, უამრავი წინაღობისა თუ სირთულის მიუხედავად, არ ჩერდებიან და წინსვლას აგრძელებენ. რუბრიკაში რესპონდენტები ჰყვებიან, თუ რა გზა გაიარეს დაბრკოლებების გადასალახად და როგორ იქცა არ გაჩერება მათი წარმატების შეუცვლელ ფორმულად.
“არ გაჩერების, არ დანებების, საკუთარ თავში ძალების პოვნისა და გზის გაგრძელების მაგალითები ძალიან მნიშვნელოვანი სალაპარაკოა, რადგანაც ბევრი ადამიანისთვისაა ინსპირაციისა თუ მოტივაციის მიმცემი”, — ასე გვიხსნის თავად დათო გორგილაძე ახალი რუბრიკის განსაკუთრებულ მნიშვნელობას.
გადაცემის ერთგულმა გულშემატკივრებმა უკვე მოისმინეს დავით გოგიჩაიშვილის, ჯონ მალკოვიჩისა და სტეფანე მღებრიშვილის ისტორიები, ახლა კი ყველასათვის საყვარელი კომიკოსის, გიორგი ჯანელიძის, სტუმრობის დროა.
გიორგი ჯანელიძე სერიალ “შუა ქალაქშის” ერთ-ერთი სცენარისტი იყო და საზოგადოების დიდმა ნაწილმაც სწორედ აქედან გაიცნო. კომიკოსის სხვა გამორჩეულ პროექტებს შორის გადაცემა “კაცებია”, რომელმაც მაყურებლის სიყვარული მალევე დაიმსახურა. გიორგი ჯანელიძე დათო გორგილაძეს სხვა საინტერესო თემებთან ერთად, საკუთარ კარიერასა და წარმატების მიღწევის გზებზეც უყვება, რომლის განუყოფელი ნაწილიც არ გაჩერებაა.
“თუ თქვენ თქვენს საქმეს ხარისხიანად აკეთებთ, მოვა დრო და ეს რეპუტაცია დაიწყებს თქვენ მაგივრად მუშაობას. უნდა გწამდეს, რომ შენ თუ არ გაჩერდები, ენერგია დაგიბრუნდება უკან”, — გვიმხელს გიორგი ჯანელიძე.
თუ გიორგი ჯანელიძის არგაჩერების სრული ფორმულა გაინტერესებს, გადაცემის ნახვა ქვემოთ მოცემულ ვიდეოში შეგიძლია: