ჩეხეთი განადგურებულია! ერთა ლიგის შესანიშნავი სტარტი

ისტორიული ევროს შემდეგ საქართველოს ეროვნული ნაკრები ახალ სეზონს იწყებს და თანაც ძალიან დამაჯერებლად – ვილი სანიოლის გაწვრთნილმა გუნდმა ერთა ლიგის B დივიზიონის პირველი ჯგუფის პირველ შეხვედრაში ჩეხეთის ნაკრებს უმასპინძლა და 3-ბურთიანი სხვაობით ანგარიშით 4-1 გაანადგურა. 

საქართველო VS ჩეხეთი 4-1

კვარაცხელია [1-0, 33’]; ჩაკვეტაძე [2-0, 53’]; მიქაუტაძე[3-0, 63’]; ქოჩორაშვილი [4-0, 66’]; კალვახი [4-1, 80’].

ჩვენი ნაკრების თავკაცმა, ვილი სანიოლმატრადიციას არ უღალატა და კარგად დაცდილიტაქტიკა (5-3-2) და თერთმეტეული შეარჩია ჩეხეთთანმატჩის წინაც:

მეკარე: მამარდაშვილი;

დაცვა: კაკაბაძე, გველესიანი, კაშია [C], დვალი, ლოჩოშვილი;

ნახევარდაცვა: ჩაკვეტაძე, ქოჩორაშვილი, კიტეიშვილი;

თავდასხმა: მიქაუტაძე, კვარაცხელია.

მატჩი შედარებით მძიმედ დაიწყო ჩვენთვის, ჩეხებმა თავიდანვე აქტიურად დაიწყეს მათისაუკეთესო იარაღის გამოყენება და ხშირადაწვდიდნენ ჩვენს საჯარიმოში, რასაც მოჰყვა კიდეცრამდენიმე სახიფათო მომენტი. საწყისი ეიფორიისადა ღელვის გადალახვის შემდეგ ბურთის კონტროლიჩვენს მხარეს გადმოვიდა და რამდენიმე სახიფათოკონტრიერიშის შემდეგ საპასუხოდაც დავემუქრეთჩეხების კარს. 

ჩვენი პირველი გოლი სწორედ ჩვენს კონტრიერიშსმოყვა, როცა კიტეიშვილისა და ჩაკვეტაძისკომბინაციით კვარაცხელია საჯარიმოში აღმოჩნდადა თერთმეტმეტრიანიც მოიპოვა, მერე თავადვეიდეალურად შეასრულა: 1-0! შეხვედრა ტაიმისბოლომდე გარდამავალი უპირატესობით მივიდა, მეორე ტაიმში კი უფრო დიდი ენერგიითა დაენთუზიაზმით დავიწყეთ ჩვენი ფეხბურთის თამაში – 53-ე წუთზე საქართველოს ნაკრების მორიგკონტრშეტევას ჩაკვეტაძის გოლი მოყვა, ამ გოლშიციმავე ტრიოს (კიტე-კვარა-ჩაკვე) კონტრიბუცია იყო: 2-0! ამ გოლიდან ათ წუთში ჩვენი ნაკრების კიდევერთი კარგი და გამართული შეტევა დასრულდაგოლით: მარცხენა ფლანგიდან ლოჩოშვილისჩაწოდებას მიქაუტაძე დახვდა და ბურთისდაუშვებლად უძლიერესი დარტყმით 3 ბურთითდაგვაწინაურა! ამ გოლიდან სამ წუთში კი ჩაკვესმორიგი ჯადოქრობა და ულამაზესი საგოლე გადაცემავიხილეთ – ჩაკვემ საჯარიმოს მისადგომებთანრამდენიმე სწორი პაუზის შემდეგ აარჩია საუკეთესოგაგრძელება და ქოჩორაშვილს ნაკრებში სადებიუტოგოლიც გაატანინა. ფაქტობრივად, არასრულ 13 წუთშიძალიან ძლიერ ჩეხეთის ნაკრებს 3 გოლი გავუტანეთდა ნაადრევად გადავწყვიტეთ მატჩის ბედიც. 

მართალია, მე-80 წუთზე ჩეხებმა ერთი ბურთისგაქვითვა მოახერხეს, თუმცა საერთო ჯამში მათბევრი საგოლე შანსი არ ჰქონიათ და უშეცდომო იყოროგორც ჩვენი საყრდენი ზონა, ისე დაცვის ხაზი დამეკარე. კიდევ ერთხელ დავრწმუნდით, თუ რა დიდიმნიშვნელობა აქვს ჩვენი ნაკრებისთვის კიტეიშვილი-ქოჩორაშვილის დუო მოედნის ცენტრალურ ზონაში – ბურთის ზურგით მიღება, ტრიალი, გამჭოლი პასები, პოზიციური თამაში და ყველა იმ მნიშვნელოვანკომპონენტს, რაც ცენტრალურ ნახევარმცველებსმოეთხოვებათ, ეს წყვილი ევროპის ჩემპიონატიდანდღემდე უფრო და უფრო ხვეწს და იდეალურისკენმიდის. 

ცალკე უნდა ვთქვათ გიორგი ჩაკვეტაძეზე, რომელსაცნაკრებში ერთ-ერთი საუკეთესო მატჩი ჰქონდა დამონაწილეობდა ყველა საგოლე კომბინაციაშიმნიშვნელოვნად. ჩაკვე ინგლისში გადასვლის შემდეგსაგრძნობლად გაზრდილია ფიზიკურად და, ფაქტობრივად, შეუძლებელია მისი შეჩერებადრიბლინგის დროს. საყრდენ და შეტევით ზონებსშორის იგი საუკეთესო გასაღებია, შექმნას სივრცეებიდა აკონტროლოს ტემპი. ჩაკვე დამსახურებულადგახდა მატჩის MVP და კიდევ ერთხელ დაგვანახა, თუ რა შეუძლია მას დღეს და რამდენად შეუძლია კიდევ გაიზარდოს და გაგვაოცოს მომავალში. 

კარგი მატჩი ჰქონდა ევროპის ჩემპიონატის თანაბომბარდირ მიქაუტაძესაც – გოლი და ბევრი სათამაშო ეპიზოდი, როცა ჟორჟმა სწორ დროს სწორი პოზიცია შეარჩია და შეაწუხა ჩეხი მცველები, მას ეს საუკეთესოდ გამოსდის: ჩასაფრება, პრესინგი, გადაგდებულ ბურთებზე ბრძოლა და, რაც მთავარია, გოლი, თანაც რა გოლი! 

რა უნდა ითქვას ხვიჩა კვარაცხელიაზე? მხოლოდ ერთი სტატისტიკური ფაქტის დასახელებაც კმარა – ხვიჩამ სულ რაღაც 35 სანაკრებო შეხვედრაში 17 გოლი გაიტანა და ყველა დროის ბომბარდირების სიაში გაუთანაბრდა თემურ ქეცბაიას, წინ მხოლოდ შოთი არველაძეა. კვარა უდიდეს სამუშაოს ასრულებს მოედნის ნებისმიერ მონაკვეთში, მისი მხოლოდ ყოფნაც მოედანზე ქმნის განსხვავებას.

74-ე წუთზე ვილიმ ოთხმაგი ცვლილება განახორციელა, რაც უკვე იმას ნიშნავდა, რომ ფიქრი მომდევნო თამაშზე დაიწყო და რამდენიმე საკვანძო ფეხბურთელს დასვენების უფლება მისცა – ბუდუ ზივზივაძე, ზურიკო დავითაშვილი, გიორგი გოჩოლეიშვილი და დებიუტანტი შოთა ნონიკაშვილი ჩაერთნენ თამაშში. მატჩის დასრულებამდე რამდენიმე წუთით ადრე კი კიდევ ერთი დებიუტანტი, საბა გოგლიჩიძეც ვიხილეთ მოედანზე. 20 წლის ცენტრალურ მცველს კარგი საკლუბო სეზონი აქვს იტალიის სერია ა-ს ემპოლიში და საქართველოს ნაკრების დაცვის მომავალ ლიდერადაც მოიაზრება.

დიდი საქმე არ ჰქონია ჩვენს დაცვასა და მეკარეს, თუმცა გუნდის საერთო სტაბილურობის და გამართული სისტემის მნიშვნელოვანი ელემენტები იყვნენ ისინი. გამოსარჩევია დაცვის ფლანგები – ოთარ კაკაბაძე და ლუკა ლოჩოშვილი, რომლებიც აქტიურად ეხმარებოდნენ შეტევას; ასევე აღსანიშნავია ის რამდენიმე ეპიზოდი, როცა გიორგი გველესიანმა გააკეთა უზუსტესი პირველი პასი და წამოიწყო შეტევა. გუნდის კაპიტანი, გურამ კაშია და ლაშა დვალი კი ევროპის ჩემპიონატიდან მოყოლებული სტაბილურად კარგები არიან. 

ერთა ლიგის B დივიზიონის პირველ ჯუფში ჩეხეთის გარდა ჩვენი მეტოქეები უკრაინისა და ალბანეთის ნაკრებები არიან. მათ ჩვენი შეხვედრის შემდეგ ითამაშეს და დაძაბულ ბრძოლაში 3 ქულა ალბანელებს დარჩათ (1-2), შესაბამისად, ამჟამად ჯგუფს საქართველო და ალბანეთი ლიდერობს, უკეთესი ბურთების შეფარდებით ვართ ჩვენ პირველზე. სწორედ ჯგუფის ლიდერები გამართავენ მომდევნო შეხვედრას ქალაქ ტირანაში – 10 სექტემბერს, თბილისის 22 საათსა და 45 წუთზე. 

ისღა დაგვრჩენია, დაველოდოთ შემდეგ მატჩს და ვუქომაგოთ საქართველოს ნაკრებს და გვჯეროდეს, რომ ვითამაშებთ მსოფლიო ჩემპიონატის ფინალურ ეტაპზე! საუკეთესო წინ არის!