საქართველოს ბანკის მობილბანკში სულ ახლახან სიურპრიზების ცვენა დაიწყო. შეთავაზებების განყოფილებაში, რომელიც მომხმარებლებს მუდმივად ამარაგებს სხვადასხვა მაღაზიის საინტერესო აქციებითა და ფასდაკლებებით, ამიერიდან სასაჩუქრე ბარათებიც განთავსდება. ეს ერთგვარი ვაუჩერია, რომლის შეძენასაც პირდაპირ მობილბანკიდან შეძლებ, თან ნაწილ-ნაწილ გადახდითაც კი. სასაჩუქრე ბარათი შეგიძლია აჩუქო ახლობელ ადამიანს ან საკუთარ თავს. საახალწლოდ კი, დაგვეთანხმები, ამაზე უკეთესს ვერაფერს ინატრებ.
თუმცა, საახალწლოდ ერთი რამ რთულდება ხოლმე: ადრესატის ინტერესებში გარკვევა და შესაფერისი საჩუქრის შერჩევა. ამიტომ, გადავწყვიტეთ, 10 საინტერესო და პრაქტიკული სასაჩუქრე ბარათის იდეა შემოგთავაზოთ.
1. ზარაფხანას სასაჩუქრე ბარათი
რა-რა და ძვირფასი სამკაული კი ყველას უყვარს. თუმცა, თუნდაც ძალიან ახლობელი ადამიანისთვის შესაფერისი სამკაულის შერჩევა ადვილი სულ არაა. ყველაფერი ხომ მაინც გემოვნებაზეა დამოკიდებული. სწორედ ამიტომ, შეგიძლია საახალწლოდ საყვარელ ადამიანს საიუველირო მაღაზია ზარაფხანას სასაჩუქრე ბარათი აჩუქო და ისიც თავად შეარჩევს სასურველ სამკაულს. როგორც ზარაფხანაში, ასევე სხვა მაღაზიების შემთხვევაში, ადრესატი სასაჩუქრე ბარათის გამოყენებას მიღებისთანავე შეძლებს, თანაც — ნებისმიერ ფილიალში.
2. ართთაიმის სასაჩუქრე ბარათი
უბრალო სამკაულად ვერაფრით ვერ მოვიხსენიებდით საათს, რომელიც ადამიანის სტილის განუყოფელი ნაწილი ხდება და რომლის შერჩევაც ხშირად იმაზე რთულია, ვიდრე, დავუშვათ, ყელსაბამის. სწორედ ამიტომ, კვლავაც ჯობს, ადრესატმა თავად აარჩიოს მისთვის სასურველი საათი, რომლითაც ახალ 2024 წელს დროს აითვლის; შენ კი ამისთვის, მხოლოდ ართთაიმის სასაჩუქრე ბარათი უნდა აჩუქო მას.
3. დრესაპის სასაჩუქრე ბარათი
ჰო, მართლა, სტილი და 2024 ვახსენეთ და მომავალი წლის ტენდენციებს თუ შეავლე უკვე თვალი? მაგალითად, წლის მთავარ ფერად ატმისფერი დასახელდა… თუმცა, მნიშვნელობა არ აქვს, მოდას მისდევ თუ არა, დრესაპში შენთვის სასურველ სამოსს მაინც მონახავ. ასე რომ, ამ მაღაზიის სასაჩუქრე ბარათი შეგიძლია საკუთარი თავისთვისაც გადაინახო.
4. ტრიკოს სასაჩუქრე ბარათი
თუ ახალი წლისთვის სტილის ქართული სამოსით შექმნას მოიწადინებ, ამისთვის ტრიკოს შეგიძლია მიაკითხო. ეს ახალი ბრენდი მაღალი ხარისხის ქსოვილისგან ფერად და ორიგინალურ სამოსს ქმნის, როგორც უფროსებისთვის, ასევე ბავშვებისთვის. 2024 წლის ზაფხულის ტენდენციებზე კი ჯერ ვერაფერს გეტყვით, მაგრამ ტრიკოს მრავალფეროვან პროდუქციაში ამ სეზონზე გამოსადეგ რამეს აუცილებლად იპოვი.
5. ჯაოკენის სასაჩუქრე ბარათი
მოდური სამოსიც კარგია, სამკაულებიც და ორიგინალური საათებიც, მაგრამ თუკი შენი ადრესატი ახალ წელს რემონტით ხვდება, მაშინ უფრო პრაქტიკული საჩუქარი დაგჭირდება. ამისთვის კი კომპანია ჯაოკენის სასაჩუქრე ბარათი მისწრებაა. პარკეტი იქნება ეს, შპალერი, სანტექნიკა თუ სახლისთვის საჭირო სხვა რამ — ჯობს, ადრესატმა თავად გადაწყვიტოს, რისი ყიდვა სურს.
6. ელიტ ელექტრონიქსის სასაჩუქრე ბარათი
თუ შენი ადრესატი უკვე გარემონტებულ სახლში ხვდება ახალ წელს, მაშინ კი დროა, მყუდრო ბინისთვის საჭირო ტექნიკაზე იზრუნოს. ასე რომ, ახალსახლობაზე თუკი დაგპატიჟებს, ან უკეთესი — მის სახლში პირველი მეკვლე იქნები, საუკეთესო საჩუქარი ელიტ ელექტრონიქსის სასაჩუქრე ბარათი იქნებოდა. თანაც, ხომ იცი, სასაჩუქრე ბარათის შეძენისას თავადვე ირჩევ დროს, როდის გსურს, ადრესატს ეს ამბავი SMS-ით ახარო. ასე რომ, ახალ სახლში შენი მარჯვენა ფეხის შედგმა და მის ტელეფონზე მესიჯის ანთება ერთი იქნებოდა!
7. ეფლ სითის სასაჩუქრე ბარათი
მათთვის, ვინც ტრენდებს მუდმივად ფეხს უწყობს, ძალზედ მნიშვნელოვანია, დროს არ ჩამორჩნენ და საყვარელი ბრენდის უახლესი პროდუქცია არ გამორჩეთ. თუ შენს სამეგობროში „ეფლის“ მოყვარული მოიძებნება, მისთვის უპრიანი იქნებოდა ეფლ სითის სასაჩუქრე ბარათი. აიფონ 15 პრო იქნება, მაკბუკ პრო 14 თუ ახალი ეარპოდსები: ეს მაღაზია ეფლის ყველა მოყვარულისთვის სამოთხეა, მისი სასაჩუქრე ბარათი კი — ყველაზე სანუკვარი საჩუქარი.
8. ვიშლისთის სასაჩუქრე ბარათი
თუ შენი ადრესატი ისეთი ადამიანია, რომელსაც ყველაზე მეტად საახალწლო შოპინგზე სიარული ეზარება, მისთვის ვიშლისთის სასაჩუქრე ბარათი იქნებოდა მისწრება. ეს ყველაზე დიდი ქართული ონლაინმაღაზიაა, სადაც 50 ათასზე მეტი დასახელების ნივთს შეხვდები. ამასთან, კომპანიას ცალკე აქვს ბავშვთა სამყაროს განყოფილება, სადაც როგორც ახალბედა, ასევე გამოცდილი მშობლები, ადვილად შეარჩევენ თავიანთი შვილისთვის სასურველ საჩუქარს.
9. მეამას სასაჩუქრე ბარათი
ახალი წელი ახალი არომატებით უნდა დაიწყო და ამ ამბავში შეუცვლელ მეგზურობას ცნობილი ქართული ბრენდი მეამა გაგიწევს. აქ შეიძენ როგორც ყავის და ჩაის კაფსულებს, ასევე მათ მოსამზადებლად საჭირო აპარატებს, აქსესუარებს, ნალექიან ყავასა და ყავის მარცვლებსაც კი. ცივ სეზონზე კი ცხელ სასმელებს ვერაფერი შეედრება, ასე რომ, მეამას ერთი სასაჩუქრე ბარათი შენთვისაც უნდა გადაინახო.
10. ოკტოპუსის სასაჩუქრე ბარათი
ახალი წლის რეზოლუციები თუ ჩამოწერე უკვე? ან თუ იცნობ ვინმეს, რომელიც თავის დადებით ამბობს, რომ 2024-დან ვარჯიშს იწყებს და ამას წყალი არ გაუვა? მოკლედ, ასეთი შემართების მქონე ნებისმიერი ადამიანისთვის საუკეთესო საჩუქარი ოკტოპუსის ფიტნეს კლუბის სასაჩუქრე ბარათი იქნებოდა. ჯანსაღი ცხოვრების წესის მსურველთათვის აქ ბევრგვარი შეთავაზება აქვთ: ჯგუფური და ინდივიდუალური ვარჯიშები, პილატესი, 24/7 წვდომა დარბაზებზე და სხვა.
რის ჩუქებასაც უნდა გეგმავდე ამ ახალ წელს, ალბათ უკვე დროა, სამზადისს შეუდგე. მობილბანკში კიდევ ათობით კომპანიის სასაჩუქრე ბარათები დაგხვდება, რომელთა შეძენაც ძალიან მარტივად და სწრაფად შეგიძლია. ხოლო თუ როგორ უნდა შეიძინო ბარათი, ამ ბლოგში შეიტყობ.