მობილბანკის თამაში გრძელდება და დავალებებიც უფრო და უფრო საინტერესო ხდება. ამასთანავე, თამაშის მარკეტი უკვე გაიხსნა და მოთამაშეების ნაწილმა დაგროვებული მონეტები სასურველ შეთავაზებებში გადაცვალა. მარკეტში ყოველ კვირა ახალ-ახალი საჩუქრები დაემატება და ვისაც მონეტები ჯერ კიდევ არ გადაუცვლია, წინ საინტერესო სიურპრიზები ელის.
რადგან მობილბანკის თამაში ერთ თვეზე მეტია, რაც დაიწყო, მოთამაშეებს სხვადასხვა საკითხის შესახებ შეკითხვებიც დაუგროვდათ. ამ ბლოგში კი თამაშის შესახებ თითოეულ საკითხზე ყველაზე ხშირად დასმულ კითხვებსა და მათ პასუხებს გთავაზობთ.
კითხვები თამაშზე:
რა თამაშია?
– საქართველოს ბანკის მობილბანკის თამაში, ინტელექტუალური და სახალისო.
უფასოა?
– კი, უფასოა.
თანხა ხომ არ ჩამომეჭრება, რომ ვერ მოვიგო?
– არა, თანხა არ ჩამოგეჭრება.
როგორ დავიწყო თამაში?
– თამაშის დასაწყებად აუცილებელია გქონდეს საქართველოს ბანკის მობილბანკი
ახლა რომ დავიწყო თამაში, შეიძლება? დაგვიანებული ხომ არ არის?
– თამაშში ჩართვა ჯერ კიდევ არ არის გვიანი, დაწყება მე-10 კვირამდე შეგიძლია, რადგან ფინალში მოსახვედრად მხოლოდ 2 კვირის ყველა დავალება უნდა გქონდეს სწორად შესრულებული
კითხვები დავალებებზე:
ახალი კითხვები როდის დაიდება?
– ახალი კითხვები ყოველ ორშაბათს დაიდება
დავალებები თითო დღეს თითო უნდა შევასრულო?
– არა, ეს მთლიანად შენზეა დამოკიდებული. თუ გინდა, ყველას ერთად შეასრულებ ან დღეში ერთს შეასრულებ. მთავარია, კვირის ბოლომდე ყველა დავალება გქონდეს შესრულებული. რაც მთავარია დროში შეზღუდული არ ხარ.
მესამე კვირიდან რომ შემოვუერთდე თამაშს, წინა კვირის დავალებებს შევასრულებ?
– დავალებების შესრულებას იწყებ იმ კვირიდან, რომლიდანაც თამაშში ჩაერთვები. გასული დავალებების შესრულებას ვერ მოახერხებ.
პასუხი შეცდომით რომ ჩავწერო, ჩასწორების უფლება არ მექნება?
– ჩასწორების უფლება იქამდე გაქვს, სანამ დადასტურებას დააჭერ.
ერთი ასო შემეშალა და ხომ ნათელია, რომ პასუხი ვიცოდი? არ შეიძლება ჩასწორება? არ ჩაითვლება?
– ერთი ასოც რომ არასწორად ჩაწერო, შეცდომაში ჩაგეთვლება. ამიტომ სანამ დასტურს დააჭერ კიდევ ერთხელ გადახედე. ხომ გახსოვს დროში შეზღუდული არ ხარ.
ზუსტად რომელ საათზე დაიდება კითხვები?
– ზუსტი საათი განსაზღვრული არ არის. ახალი კითხვები ორშაბათობით იდება.
კითხვები გუნდის დავალებების რაოდენობაზე:
რატომ მიჩანს მე ცოტა დავალება, სხვას კი – მეტი?
– გუნდებს მეტი დავალება აქვთ, ვიდრე დამოუკიდებლად მოთამაშეებს. დამოუკიდებელ მოთამაშეს კვირაში 7 დავალებას აქვს, ორ მოთამაშიან გუნდს 14 დავალება, ხოლო სამ მოთამაშიან გუნდს — 21 დავალება.
დავალებები ჯერ არ შემისრულებია და მიჩანს 3/14, რატომ?
– იმიტომ, რომ შენმა გუნდის წევრმა 14-დან 3 კითხვას უკვე უპასუხა.
ჩემი ყველა დავალება შევასრულე და რატომ არ ჩამეთვალა? 10/14 მიჩანს მაინც.
– შენს გუნდელს 4 დავალება აქვს დარჩენილი და სანამ ყველას სწორად არ შეასრულებს, დამატებითი მონეტები არ დაგერიცხებათ.
12/14 წერია და მინდა, დარჩენილი ორი დავალებაც შევასრულო. რატომ არ მიჩანს?
– იმიტომ არ გიჩანს, რომ შენი გუნდელის დავალებაა. როცა ის ორივეს სწორად შეასრულებს, დამატებითი მონეტები შემდეგ დაგერიცხებათ.
გუნდის წევრებს საერთო კითხვები აქვთ თუ განსხვავებული?
– გუნდში მოთამაშეებს აქვთ საერთოებიც და ინდივიდუალურად შესასრულებელი დავალებებიც.
კითხვები ბოლო დავალებაზე:
6 კითხვას ვუპასუხე და მეშვიდე რა არის? “შეცვალე” აწერია
– მე-7 დავალება ისე გამოიყურება როგორც დანარჩენი 6, უბრალოდ გაქვს საშუალება მე-7 დავალება ამოცვალო თუ შენ არ მოგეწონება. თუ მე-7 დავალება შენთვის მისაღებია და შეცვლა არ გსურს, შეგიძლია პირდაპირ შეასრულო.
ეს მე-7 როგორ გავაკეთო? თამაშიდან გავიდე და ისე შევასრულო დავალება, თუ როგორ მოვიქცე?
– გააჩნია დავალებას. შეგიძლია მე-7 კითხვის შესრულებას დააჭირო და თვითონ გადაგიყვანს იმ გვერდზე სადაც ამ დავალებას შეასრულებ, თუ არ დააჭერ კი მაშინ მოგიწევს დატოვო თამაში გვერდი და მოძებნო ის რასაც ეძებდი.
ბოლო დავალება რომ არ შევასრულო, რა მოხდება?
– ბოლო დავალებას თუ არ შეასრულებ არ დაგერიცხება მონეტები, შესაბამისად ვერ შეასრულებ ყველა დავალებას და ვერ მიიღებ დამატებით მონეტებს ამ კვირაში
კითხვები მონეტებზე:
რატომ არ დამერიცხა დამატებით მონეტები, როცა ყველა დავალება შესრულებულია?
– თუ გუნდში თამაშობ, ესე იგი, სხვა წევრს არ აქვს ყველა დავალება შესრულებული და შეგიძლია, შეახსენო. სანამ გუნდის წევრები ყველა დავალებას სწორად არ შეასრულებენ, დამატებითი მონეტები არ დაგერიცხება.
რამდენი ქულა გროვდება კვირაში მაქსიმუმ?
– თითო დავალება 5-მონეტიანია. ყველა დავალებას თუ სწორად შეასრულებ, დამატებით 10 მონეტასაც მიიღებ.
თამაშის ბოლომდე ყველა დავალება 5-მონეტიანი იქნება?
– კი, ყველა დავალება 5 მონეტა ეღირება.
კითხვები მარკეტზე:
მარკეტში საჩუქრები შეზღუდულია?
– კი, საჩუქრები ლიმიტირებულია, მაგრამ ყოველ კვირაში განახლდება. თუ ახლა ვერ მოასწარი გადაცვლა, ამის შესაძლებლობა სხვა კვირაშიც გექნება.
დამოუკიდებლად მოთამაშეებს ვაუჩერებზე მონეტების გადაცვლას გუნდები დაგვასწრებენ, მაგათ ხომ მეტი მონეტა აქვთ?
– გუნდებს და დამოუკიდებლად მოთამაშეებს სხვადასხვა მარკეტი აქვთ, ამიტომ ვერ დაგასწრებენ.
ერთ საჩუქარს ორჯერ ვიყიდი?
– თუ მონეტები გეყოფა, რატომაც არა.
საჩუქრები გაქრება, თუ ბოლომდე გამოჩნდება?
– მარკეტი თამაშის ბოლომდე იქნება, საჩუქრები კი მუდმივად განახლდება.
მარკეტში საჩუქრები შეიცვლება ხოლმე, თუ სულ ერთი და იგივე იქნება?
– მარკეტი ყოველ კვირას შეივსება და ახალი ვაუჩერებიც დაემატება
მარკეტში კონკრეტული საჩუქარი რომ ამოიწუროს, შესაძლებელია, ისევ იგივე დაემატოს?
– მარკეტში საჩუქრები ყოველკვირა განახლდება, ამიტომ შესაძლებელია, რომ ამოწურული საჩუქრები სხვა კვირებში დაემატოს.
ცუდია, მხოლოდ კაპიტანს რომ შეუძლია მონეტების გადაცვლა
– კაპიტანი მონეტებს გუნდის სახელით ცვლის. კაპიტანს შეუძლია, რომ სხვადასხვა დროს კაპიტნობა გუნდის სხვა წევრებს დაუთმოს და საჩუქრებიც სწორედ მათ გადაცვალონ.
მილიონი პლუს ქულა როდის გაიხსნება და რა ეღირება?
– კონკრეტული საჩუქრებისა და შეთავაზებების ღირებულებაზე ჯერ ინფორმაცია არ არის. თვალი ადევნე თამაშს და რაც მთავარია, მონეტები დააგროვე რომ სასურველ საჩუქრებში გადაცვალო.
კითხვები ფინალზე:
ფინალში გადასასვლელად აუცილებელია, რომ ორი კვირა ზედიზედ სწორად ვუპასუხო?
– ზედიზედ არაა აუცილებელი. მთავარია, ჯამში 2 კვირის დავალებები სწორად გქონდეს შესრულებული და შესაბამისად, დამატებითი მონეტებიც მიღებული.
ფინალში დახმარებებისთვის მონეტები რომ არ დამჭირდეს, მერე გამიუქმდება?
– თუ მონეტებს ფინალში არ გამოიყენებ და არც მარკეტში გახარჯავ, თამაშის დასრულების შემდეგ მონეტებს ფასი დაეკარგება.
მონეტების რაოდენობაზეა დამოკიდებული ფინალში მოვხვდები თუ არა?
– არა, ფინალში მოხვედრა დამოკიდებულია მხოლოდ იმაზე, რომ დამატებითი მონეტები 2-ჯერ გქონდეს მიღებული. ამიტომ, რომელიმე 2 კვირის ყველა დავალება სწორად უნდა გქონდეს შესრულებული.
ფინალი როდის იქნება, რა რიცხვში?
– ფინალის თარიღი ჯერ უცნობია, იანვრის პირველ ნახევარში იგეგმება.
რამდენი კითხვა იქნება ფინალში?
– ამაზე ინფორმაცია მოგვიანებით გახდება ცნობილი.
როგორ გავიგო ფინალში ვინ უფრო სწრაფად უპასუხა? როგორ დავიჯერო, რომ პირველი არ ვარ?
– ფინალში გამოჩნდება ლიდერბორდი, სადაც გამარჯვებულებისა და შენი ადგილის ნახვას შეძლებ.
არასწორად ვუპასუხე კითხვებს, ანუ ფინალში ვეღარ გადავალ, გამოვეთიშე თამაშს?
– ფინალში შეგიძლია გადახვიდე იმ შემთხვევაშიც, თუ არასწორად უპასუხებ. მთავარი ისაა, რომ რომელიმე 2 კვირის ყველა დავალება წარმატებით შეასრულო და შესაბამისად, 2 კვირის დამატებითი მონეტები გქონდეს მიღებული.
ფინალში რამდენი დახმარება შეიძლება გამოვიყენო?
– ფინალში სულ 4 დახმარება იქნება. მონეტები თუ შემონახული გექნება, ყველას გამოყენებას შეძლებ.
ფინალში რა დრო იქნება განსაზღვრული?
– განსაზღვრული დრო არ გვაქვს. ვინც პირველი უპასუხებს დავალებებს, გამარჯვებულიც ის იქნება.