იცით, რა არის კარგი თამაშის მთავარი მსაზღვრელი? — დრო და არჩევანის საშუალება. როცა თამაშისას დროში არ იზღუდები და შეგიძლია, გადაწყვეტილებები თავად მიიღო, ნიშნავს იმას, რომ საუკეთესო თამაშს მიაგენი.
ქვემოთ სწორედ ასეთი თამაშის რამდენიმე მარტივ წესზე მოგიყვებით და მოგცემთ რჩევებს, რომლებიც მთელი პროცესის განმავლობაში გამოგადგება. რადგანაც ამ ბლოგს კითხულობ, ესე იგი უკვე ჩაერთე საქართველოს ბანკის მობილბანკის თამაშში, რომელიც 9 ოქტომბერს დაიწყო და იანვარში ფინალური ნაწილით დასრულდება. თუმცა თუ შენ გარშემო ვინმეს ჯერ არ დაუწყია თამაში, უთხარი, რომ ისევ არაა გვიან, რომ თავგადასავალში მთავარი პრიზების მოსაპოვებლად ჩაერთოს!
ფინალამდე
იფიქრე, იმსჯელე, დრო ბევრი გაქვს
ხომ ვთქვით, რომ ამ თამაშში დრო არაფერს წყვეტს (ყოველ შემთხვევაში, ფინალამდე), ჰოდა, იფიქრე, სანამ სწორ პასუხს არ მიაგნებ. გარდა ფიქრისა, შეგიძლია, მეგობარი, ხელოვნური ინტელექტი ან სწორი პასუხების საძიებო სხვა ნებისმიერი ფორმა გამოიყენო.
თამაშს ვარჯიში უხდება, ამისთვის შეგიძლია, სამაგიდო ან სხვა ინტელექტუალური ტიპის თამაშებიც დაიხმარო ხოლმე. კვირის განმავლობაში გონების გავარჯიშება და უნარების გაწაფვა ძალიან დაგეხმარება დავალებების შესრულებაში.
დღევანდელი კვერცხი თუ ხვალინდელი ქათამი?
თვითონ აირჩიე, რა გსურს. გახსოვდეს, რომ ორივე სასარგებლოა. თამაშის განმავლობაში მონეტებს აგროვებ. ამ მონეტებს კი სამნაირად გამოიყენებ — ან საჩუქრებში გადაცვლი, ან შეინახავ და ფინალურ კითხვებზე დახმარებისთვის გამოიყენებ, ან ნაწილს შეინახავ და ნაწილს კი საჩუქრად აქცევ. გაითვალისწინე, რომ საჩუქრების მარკეტში დიდი არჩევანი დაგხვდება, მაგრამ რაოდენობა შეზღუდული გექნება, ამიტომ თუკი რამეს შეიგულებ, მონეტები დროულად გადაცვალე.
ფინალში
შეარჩიე სხარტი მოთამაშე
თუ გუნდურად თამაშობთ, ფინალისთვის გუნდის ყველაზე სხარტი მოთამაშე შეარჩიეთ და კაპიტნობაც მიანდეთ. რადგან ფინალში კაპიტანმა უნდა ითამაშოს და კითხვები უკვე სისწრაფეზე იქნება დამოკიდებული, მნიშვნელოვანია, რომ ეს როლი სწრაფმა მოთამაშემ აიღოს. ამისთვის კი შეარჩიეთ გუნდის ფალავანი, კაპიტანმა მობილბანკიდან გადაულოცოს თავისი სტატუსი და მიენდეთ გუნდურ აზროვნებასა და კაპიტნის დროულ მოქმედებას.
დააბანდე დაგროვილი კაპიტალი
თუკი ხვალინდელი ქათამი აირჩიე და მონეტები გადანახული გაქვს, ფინალურ კითხვებზე დახმარებისთვის შემდეგნაირად გამოიყენებ: გადაცვლი სწორ პასუხში, გამორიცხავ არასწორ პასუხებს, ან შეცდომის შემდეგ შეუყოვნებლად გააგრძელებ თამაშს. ფინალში არასწორი პასუხის შემთხვევაში, განმეორებითი ცდის საშუალება 2 წუთის შემდეგ გექნება, მონეტები კი ამ შეყოვნებას მოხსნის და შენც დროულად გააგრძელებ თამაშს.
ვინც ახლა იწყებს
თამაშში ჩართვა ნებისმიერ დროს შეგიძლია. მთავარია, გქონდეს ან ახლა გადმოწერო მობილბანკი. თუკი გუნდურად თამაში გირჩევნია, შეარჩიეთ კაპიტანი, რომელიც შექმნის ჯგუფს და ტელეფონის ნომრით მოგიწვევთ სხვებს. თუკი მოწვევას არ დაეთანხმებით, გუნდი არ შედგება. ხოლო მოწვევის დადასტურების შემდეგ გუნდის წევრებს ვეღარ შეცვლით. რაც შეეხება ფინალში მოხვედრას, ამისთვის მხოლოდ ორი კვირის დავალებების უშეცდომოდ შესრულება გჭირდება.
კითხვები ყოველ ორშაბათს დაიდება და პასუხის გასაცემად მთელი კვირა გაქვს. უკვე მონეტების მარკეტიც გაიხსნა და მონეტებს საჩუქრებში გადაცვლაც შესაძლებელია.
კითხვებს, რომელიც საბანკო პროდუქტს უკავშირდება, შეგიძლია, მობილბანკის გვერდზე არსებული ტუტორიალების საშუალებით გასცე პასუხი.
აქვე იცოდე, რომ ისე ითამაშებ, როგორც შენთვის მოსახერხებელი იქნება — მარტო, ორი მოთამაშე ან სამკაციან გუნდში.
რაც შეეხება პრიზებს. ჯილდოს ფონდი ათი ათასობით ლარის ოდენობისაა და სამი საპრიზო ადგილი არსებობს.
თუკი მარტო ითამაშებ:
- პირველი ადგილი 25 000 ლარი;
- მეორე ადგილი 15 000 ლარი;
- მესამე ადგილი 10 000 ლარი.
თუკი ორი თამაშობთ:
- პირველი ადგილი 55 000 ლარი;
- მეორე ადგილი 35 000 ლარი;
- მესამე ადგილი 25 000 ლარი.
თუკი სამი თამაშობთ:
- პირველი ადგილი 90 000 ლარი;
- მეორე ადგილი 60 000 ლარი;
- მესამე ადგილი 45 000 ლარი.
იცი, რა არის კარგი თამაშის მთავარი ხიბლი? — თავგადასავალი. ჩაერთე ამ მასშტაბურ თავგადასავალში და გახსოვდეს, გამარჯვება შენს ხელთაა.