ციფრული საგულშემატკივრო ბარათი – ეროვნული საფეხბურთო ნაკრების ქომაგებისთვის

საფეხბურთო სამყაროსთვის ემოციები უცხო არაა. არ აქვს მნიშვნელობა, ბოლო წუთზე გატანილ გოლს აღნიშნავთ თუ დამარცხება გასევდიანებთ, თუ ფეხბურთის გულშემატკივარი ხართ, შეუძლებელია, თამაშებისას დიდი ვნებათაღელვის ნაწილი არ გახდეთ.

მატჩების დაწყებამდე ქომაგები ხომ გამორჩეულად ემზადებიან — იცვამენ საყვარელი გუნდის ფორმას, იხატავენ სახეს და დროშებით, სიმღერებითა თუ შეძახილებით სპორტსმენების გასამხნევებლად ემზადებიან. თამაშისთვის უკეთ მოსამზადებლად საქართველოს ბანკისგან უკვე რამდენიმე თვეა ხელმისაწვდომია ციფრული საგულშემატკივრო ბარათი, რომელიც ქომაგებს ექსკლუზიურ ბენეფიტებს სთავაზობს.

დიზაინი და ბენეფიტები

საგულშემატკივრო ბარათის დიზაინი საქართველოს ეროვნული ნაკრების ფორმის ინსპირაციითაა შექმნილი. მომხმარებლებს კი შესაძლებლობა აქვთ, საყვარელი ფეხბურთელის მიხედვით, სასურველი ნომრით შეუკვეთონ ის.

გარდა ამისა, საქართველოს ფეხბურთის ფედერაციის ოფიციალურ მაღაზიაში, www.fanshop.ge-ზე, საგულშემატკივრო ბარათით გადახდისას 15%-იანი ფასდაკლება მუდმივად მოქმედებს. რაც იმას ნიშნავს, რომ ეროვნული ნაკრების ფორმების, ჩანთების, კეპების თუ სხვა აქსესუარების შეძენა კიდევ უფრო ხელმისაწვდომ ფასად, თანაც ლიმიტის გარეშეა შესაძლებელი.

ქეშბექი

ოქტომბერში საქართველოს ეროვნული ნაკრები ორი მნიშვნელოვანი მატჩისთვის ემზადება. 12 ოქტომბერს საქართველო ტაილანდთან ამხანაგურ მატჩს გამართავს, 15 ოქტომბერს კი, ევრო 2024-ის საკვალიფიკაციო ეტაპის ფარგლებში, კვიპროსის წინააღმდეგ ითამაშებს. ორივე მატჩი თბილისში, მიხეილ მესხის სტადიონზე გაიმართება. ამ დღეებში სტადიონზე არსებულ საკვებ ობიექტებში საგულშემატკივრო ბარათით გადახდისას მომხმარებლები 50%-იან ქეშბექს, მაქსიმუმ 50 ლარს მიიღებენ.

ბარათის შეკვეთა

ციფრული საგულშემატკივრო ბარათის შეკვეთა სასურველი ნომრითა და დიზაინით  მობილბანკში, საიტზე ან ინტერნეტბანკშია შესაძლებელი.

ბარათის შეკვეთა უფასოა და მისი ვადა ოთხი წელია, ამასთან, გადახდა ნებისმიერ სავაჭრო ობიექტში შეიძლება ისე, როგორც საქართველოს ბანკის სხვა ციფრული ბარათების შემთხვევაშია.

ასე რომ, არ გამოტოვოთ ეს შესაძლებლობა, შეუკვეთეთ საგულშემატკივრო ბარათი და მიიღეთ ექსკლუზიური ფასდაკლებები თუ ბენეფიტები საქართველოს ბანკისგან. მეტი ინფორმაციის მისაღებად კი ეწვიეთ ამ ბმულს.