სოციალური ქსელების გარეშე ჩვენი ყოველდღიურობა თითქმის წარმოუდგენელია – ვეკონტაქტებით მეგობრებს, თანამშრომლებს, ვიგებთ ან ვაზიარებთ სიახლეებს და რაც მთავარია, ვეცნობით ჩვენთვის საინტერესო გვერდების, კომპანიების თუ ადამიანების „სთორებს“ (Stories). სთორების საშუალებით სწრაფად ვიღებთ ან ვაზიარებთ ისეთ ინფორმაციას, რომელიც სწორედ იმ მომენტშია ჩვენთვის აქტუალური. სწორედ ამიტომ სთორები დიდი პოპულარობით სარგებლობს როგორც ფეისბუქზე, ისე ინსტაგრამზე.
სთორები უკვე საქართველოს ბანკის მობილბანკშიც გამოჩნდება. ძალიან მალე მობილბანკის მთავარ გვერდზე დაგხვდება ახალი სივრცე, სადაც საქართველოს ბანკის მიერ შექმნილი სთორებით გაეცნობი სიახლეებს, შემოთავაზებებს, რჩევებს თუ სხვა საინტერესო ინფორმაციას. ქვემოთ კიდევ უფრო კონკრეტულად მოგიყვებით, რა სახის ინფორმაციის მიღებას შეძლებ მობილბანკის სთორების საშუალებით:
შენზე მორგებული საბანკო შეთავაზებები
ბანკისგან სერვისს ჩვენი გარკვეული საჭიროებიდან გამომდინარე ვიღებთ – კონკრეტული ნივთის შესაძენად ან სახლის გასარემონტებლად გვჭირდება თანხა; სახელფასო ბარათის აღება ან ანაბრის გახსნა გვინდა და ა.შ. საქართველოს ბანკს ყოველთვის აქვს შეთავაზებები, რომლებიც ზუსტად ერგება შენს საჭიროებებს, თუმცა მათ შესახებ ინფორმაცია შეიძლება შენამდე ყოველთვის დროულად ვერ მოდიოდეს. სწორედ ამიტომ, მობილბანკის სთორების საშუალებით უსწრაფესად გაიგებ შენს საჭიროებებზე მორგებული შემოთავაზებების შესახებ, იქნება ეს სამოგზაურო დაზღვევის გააქტიურება, ყულაბის გახსნა თუ სხვა საბანკო სერვისი.
ქეშბექები და ფასდაკლებები
საბანკო სერვისების გარდა, მობილბანკის სთორები ასევე შენზე მორგებულ არასაბანკო პროდუქტებსა თუ აქციების შესახებ მოგაწვდის ინფორმაციას. ამიერიდან აღარ გამოგეპარება ისეთი შემოთავაზებები, როგორიცაა: ქეშბექები, ფასდაკლებები, Plus აქციები საქართველოს ბანკის ბარათების მფლობელებისთვის და ა.შ.
ათასობით კომპანია თანამშრომლობს საქართველოს ბანკთან, შესაბამისად მის მომხმარებლებს სხვადასხვა მომსახურებასა თუ პროდუქტზე სპეციალური პირობებით მიუწვდება ხელი. ყველა ასეთი შემოთავაზებისთვის თვალის დევნება რთულია, ამიტომ ამ მხრივ განსაკუთრებულად საინტერესო იქნება მობილბანკის სთორები, რომლებიც კონკრეტულად შენზე მორგებულ შემოთავაზებებს გაგიზიარებს.
სიახლეები
სიახლეების გაზიარება სოციალური ქსელის სთორების ერთ-ერთი მთავარი ფუნქციაა. მსგავსად, მობილბანკის სთორების ერთ-ერთი მთავარი დანიშნულება შენთვის საინტერესო სიახლეების გაზიარება იქნება – ინფორმაცია ღონისძიებებზე, საქართველოს ბანკის საინტერესო პროექტებზე და ა.შ. ასევე, აპლიკაციასთან თუ თავად ბანკთან დაკავშირებულ ზოგად სიახლეებზეც მუდმივად იქნები დროულად ინფორმირებული.
იცოდი, რომ?
ეს ალბათ მობილბანკის სთორების ერთ-ერთი ყველაზე საინტერესო და ინფორმაციული მიმართულება იქნება. გარკვეული პერიოდულობით, საქართველოს ბანკი სთორებით გაგაცნობთ ისეთ ინფორმაციას, რომელიც შეიძლება არ იცით, მაგრამ აუცილებლად უნდა იცოდეთ. მაგალითად: იცოდით, რომ პინკოდის შეცვლა პირდაპირ მობილბანკიდან შეგიძლია? ამ და სხვა მსგავს მნიშვნელოვან ინფორმაციას ამიერიდან სთორებით გაიგებ.
ასევე, სთორების საშუალებით მობილბანკი შეეცდება მოგაწოდოს ისეთი რჩევები და ინფორმაცია, რომელიც დაგეხმარება კონკრეტულად შენი გამოწვევების გადაჭრაში – როგორ დააგროვო ფული, როგორ განახორციელო წარმატებული ინვესტიცია, როგორ შეამცირო ყოველდღიური ხარჯები და ა.შ.
საქართველოს ბანკი მუდმივად ცდილობს, მაქსიმალურად გაამარტივოს მომხმარებლისა და ბანკის ურთიერთობა და გადაიტანოს ის ციფრულ გარემოში. ამ მხრივ, მობილბანკის განვითარება ერთ-ერთი პრიორიტეტია, რათა მომხმარებელს მაქსიმალურად მეტ სერვისზე ჰქონდეს წვდომა უფრო სწრაფად და კომფორტულად. სთორები ამ ტენდენციის მხოლოდ ერთ-ერთი უახლესი ნაწილია, თუმცა არა უკანასკნელი.