საქართველოს ბანკის მობილბანკს თუ უკვე იყენებ, გეცოდინება, რამდენად ამარტივებს ეს აპლიკაცია საბანკო (და არა მხოლოდ) ტრანზაქციების განხორციელებას. ჩატი, გადახდები, სესხის აღება, ანაბრის გახსნა, ფინანსური მენეჯერი, ინვესტიციები და კიდევ რა აღარ — ამ ყველაფერს მობილბანკი ერთ სივრცეში უყრის თავს. თუმცა, აპლიკაცია მუდმივად იხვეწება და მომხმარებლის საჭიროებებს მეტად ერგება.
ასეა ამჯერადაც — სულ ახალ მობილბანკში საინტერესო ამბები გელოდება.
გადახდების პროცესი კიდევ უფრო გამარტივდა
თანამედროვე ცხოვრების ჩქარი ტემპი ხშირად არ გვაძლევს საშუალებას, რუტინულ საქმეებს დიდი დრო დავუთმოთ. გადახდები კი — იქნება ეს კომუნალური თუ სხვა — სწორედ ისეთი ამბავია, რომლის მოთავებაც ყოველთვის გვეჩქარება ხოლმე. სწორედ ამიტომ, განახლებულ მობილბანკში ეს პროცესი კიდევ უფრო გამარტივდა. რედიზაინის შედეგად, აპლიკაციის კატეგორიებად დახარისხებულ განყოფილებაში სასურველ გადახდას მარტივად მიაგნებ, მერე კი ტრანზაქციის განხორციელებას სულ რამდენიმე კლიკით შეძლებ.
აპლიკაციაში დაგხვდება „სთორები“
თუკი სოციალური ქსელების აქტიური მომხმარებელი ხარ, ეს სიახლე განსაკუთრებით გაგახარებს. როგორც Facebook-ზე ან Instagram-ზე, ამიერიდან მობილბანკშიც დაგხვდება ეგრეთ წოდებული სთორები. ამ სივრცეში თავმოყრილი იქნება სიახლეები, რჩევები, ინფორმაცია მომავალი კულტურული და სპორტული ღონისძიებების შესახებ და სხვა. ამასთან, აქვე შეიტყობ შენზე მორგებულ შეთავაზებებზეც. მოკლედ, მობილბანკის სთორების სივრცე გააერთიანებს შენთვის საინტერესო საბანკო და არასაბანკო სიახლეებს.
ოღონდ სოციალური ქსელებისგან განსხვავებით მობილბანკში შენ კი არ ტვირთავ სთორებს, არამედ საქართველოს ბანკი ქმნის შენთვის სთორებს. ახალი დღე ხომ ახალი თავგადასავალია — მობილბანკის სთორებიც იმაში დაგეხმარება, ყოველი დღე განსაკუთრებულად და დასამახსოვრებლად აქციო; შეიტყო საინტერესო ფაქტები, მიიღო რეკომენდაციები, დაგეგმო თავშესაქცევი აქტივობები და ისარგებლო გამორჩეული შეთავაზებებით.
მობილბანკი, როგორც შენი მეგზური
სიახლეების გარდა, მობილბანკში შენთვის ნაცნობი და საყვარელი სივრცეები ისევ გელოდება. ასე რომ, თუ ინვესტიციებით ხარ დაინტერესებული, მობილბანკი მსოფლიოს წამყვან საფონდო ბირჟებზე გასვლისა და მინიმალური თანხით აქციებით ვაჭრობის საშუალებას მოგცემს.
ან კიდევ თანხა თუ მოულოდნელად დაგჭირდა — იცი, „ვისაც“ უნდა მიმართო. მობილბანკით ხომ სამომხმარებლო სესხის აღება მარტივად, სულ რამდენიმე ნაბიჯის გავლითაა შესაძლებელი.
„შეთავაზებების“ განყოფილებაში შეიტყობ იმ განსაკუთრებულ ფასდაკლებებსა და აქციებზე, რომლებსაც საქართველოს ბანკის პარტნიორი კომპანიები გთავაზობენ.
და, რა თქმა უნდა, ისევ აქ დაგხვდება ისეთი საჭირო სერვისები, როგორებიცაა ფინანსური მენეჯერი, ვალუტის კურსი, დაზღვევა და სხვა.
ასე რომ, თუ ჯერ ისევ არ გაქვს მობილბანკი შენს სმარტფონში, გადმოწერე აპლიკაცია Android ან iOS მოწყობილობებისთვის.