არავისთვის არაა სიახლე, რომ მარკეტინგი წარმატებული ბიზნესის ერთ-ერთი მთავარი ქვაკუთხედია. ხოლო ციფრულ სამყაროში, რომელშიც ახლა ჩვენ ვიმყოფებით, ციფრული მარკეტინგის როლის გადაფასება შეუძლებელია. ცხადია, ქართული ბაზარიც ამ მხრივ არაა გამონაკლისი და არავის ეპარება ეჭვი ციფრული მარკეტინგის საჭიროებაში. მიუხედავად ამისა, ციფრული მარკეტინგი, ისევე როგორც ყველა სხვა მიმართულება ციფრულ სამყაროში, სწრაფ ცვლილებებს განიცდის – ჩნდება ახალი ხელსაწყოები, პლატფორმები, ზოგადად შესაძლებლობები, რომელთა ათვისებაც წარმატების მისაღწევად აუცილებელია. სწორედ ამ მიზნით ჩატარდა, 19 ნოემბერს, Ad Summit Tbilisi 2023.
Ad Summit Tbilisi 2023 საქართველოს ბანკის გენერალური სპონსორობით ჩატარდა და მას 350-ზე მეტი დამსწრე, 15-მდე სპიკერი, 20-მდე მასტერკლასი და 15-მდე პარტნიორი კომპანია შეუერთდა.
მიუხედავად იმისა, რომ ღონისძიების ძირითადი თემა ციფრული მარკეტინგი იყო, Ad Summit-ზე ამასთანავე ელექტრონულ კომერციაზე, ხელოვნურ ინტელექტსა და მარკეტინგულ ავტომატიზაციებზე, ბრენდ დიზაინზე, კონტენტ მარკეტინგსა და ინფლუენსერ მარკეტინგზეც ისაუბრეს.
„ციფრული მარკეტინგი მსოფლიოში ერთ-ერთი ყველაზე სწრაფად ზრდადი და ცვალებადი მიმართულებაა. მუდმივად იცვლება ალგორითმები, სარეკლამო პლატფორმების ფუნქციონალები და ტექნოლოგიები. ჩემი აზრით, ციფრული მარკეტინგი მნიშვნელოვნად განსხვავდება ტრადიციული მარკეტინგისგან, სწორედ ამიტომ სპეციალური ღონისძიება საშუალებას მისცემს დამსწრეებს ნახონ ვორქშოპები, მასტერკლასები, დასვან კითხვები და გაიგონ, თუ როგორ შეიძლება ამ ახალი ინსტრუმენტების ინტეგრირება მათ მარკეტინგულ სტრატეგიებში. სწორედ, ეს გახლავთ ჩვენი სამიტის მთავარი მიზანიც, რომ დამსწრეებს მივცეთ საშუალება მიიღონ შთაგონება წარმატებული Case Study-იდან, რომლებსაც ისინი ვერ ნახავდნენ ტრადიციულ მარკეტინგულ ღონისძიებებზე“, – ამბობს Ad Summit Tbilisi 2023-ის ერთ-ერთი დამფუძნებელი და ორგანიზატორი გიგი კურტანიძე.
ღონისძიებაზე შეეხნენ ისეთ თემებს, როგორებიცაა Media Buying და მისი ოპტიმიზაციის საკითხები, სპიკერმა განიხილა საკუთარი გამოცდილების მაგალითზე რა ტიპის User Generated კონტენტი მუშაობს ყველაზე უკეთ კონვერსიის მოსატანად – პირველ ადგილს იკავებდა ე.წ. „unboxing” ვიდეოები, შემდეგ იყო პროდუქტის დემო ვერსიები და რივიუები. სპიკერმა ასევე ურჩია ბიზნესებს, რომ არ მოერიდონ იმ პლატფორმისთვის დამახასიათებელი ფონტებისა და ფრაზების გამოყენებას, რადგან სწორედ ის მიგაღებინებს ხოლმე ყიდვის გადაწყვეტილებას, რაც ნაკლებად ჰგავს რეკლამას და ბუნებრივია იმ სოციალური მედიისთვის.
გიორგი კინწურაშვილმა, საქართველოს ბანკის ციფრული საბანკო მომსახურების ხელმძღვანელმა ყურადღება გაამახვილა იმაზე, თუ რამდენად მნიშვნელოვანია მონაცემები და მათზე დაფუძნებული მარკეტინგი – აუდიტორიას გააცნო, თუ ვინ იცნობს მომხმარებელს სოციალურ მედიაზე უკეთ, ვინ იცის მისი ზუსტი საჭიროებები და ქცევა, ეს საბანკო სისტემაა, მან ზუსტად იცის რას ყიდულობს მომხმარებელი და რომელი ბრენდებია ის, რომლის შეთავაზებებიც ყველაზე მეტად გაახარებს. შემდეგ კი ისაუბრა იმ შესაძლებლობებზე რაც ბიზნესებს მისცა ბანკმა ახალი პროდუქტის – Ads მენეჯერის საშუალებით, მიეღოთ ინფორმაცია მათი მომხმარებლების შესახებ, რა თქმა უნდა აგრეგირებულად, კონფიდენციალური ინფორმაციის დაცვით და გაეანალიზებინათ მათი საჭიროებები, შედეგად შეექმნათ მათზე მორგებული შეთავაზებები – მობილბანკში, sCoolApp-სა და Offers.bog.ge-ზე.
Ads მენეჯერზე ასევე ჩატარდა ვორქშოფი, რომელზეც 150-მდე ადამიანი დარეგისტრირდა და დიდი დაინტერესება გამოიწვია იმან, თუ რეალურად როგორ მუშაობდა რეკომენდერ სისტემა ახალი პროდუქტის უკან, რომელიც 1 300 000 მომხმარებლამდე რელევანტური შეთავაზებების მიტანას უზრუნველყოფს.
ირაკლი ქართველიშვილმა ისაუბრა ასევე სწორი ინფლუენსერ მარკეტინგის მნიშვნელობაზე, იმაზე თუ ვინ არის ინფლუენსერი და რატომ არის affiliate marketing ერთ-ერთი ყველაზე გამართლებული გზა.
„სამიტის მთავარი მიმართულებიდან გამომდინარე, რომელიც გახლავთ ციფრული მარკეტინგი, ყველაზე აქტუალურ თემად მიმაჩნია ციფრული სარეკლამო არხების ფუნქციონალებისა და სტრატეგიული ნაწილების დეტალურად განხილვა. მათ შორის საქართველოს ბანკის ახალი ციფრული პლატფორმის BOG Ads მენეჯერის გაცნობა, რომელიც ინოვაციურ ტარგეტირების ფუნქციონალებს სთავაზობს ქართულ ბიზნესებს, რაც დღემდე ქართულ ბაზარზე არცერთ სხვა მსხვილ საერთაშორისო სარეკლამო პლატფორმებს Meta-ს და Google-საც კი არ გააჩნიათ.
თუ გსურთ მეტი გაიგოთ და თავად გამოცადოთ Ads მენეჯერის შესაძლებლობები, ეწვიეთ manager.bog.ge-ს, Ad Summit კი კიდევ უფრო მეტ სიახლეს გვპირდება.