როგორ დავიწყე ინვესტირება — გაგა დარსალია

ხანდახან ინვესტირების დაწყება ტექნიკურად რთული პროცესი ან კიდევ კაპიტალის დაბანდების მეტისმეტად შორეული და ბუნდოვანი გზა ჰგონიათ. თუმცა პრაქტიკული გამოცდილებები სრულიად საპირისპიროს მოწმობს.

ციფრული ტრანსფორმაციის სააგენტო „რედბერის“ დამფუძნებელი და სხვადასხვა უნივერსიტეტში მიწვეული ლექტორი, გაგა დარსალია ქვემოთ გვიამბობს, როგორ დაიწყო ინვესტირება და რა ცოდნა დააგროვა დროთა განმავლობაში:

დასაწყისი

ინვესტირება გრძელვადიანი დანაზოგის შექმნის მიზნით დავიწყე. ვფიქრობ, აქციებში ინვესტირება ამისათვის საუკეთესო ინსტრუმენტია. განსაკუთრებით გრძელვადიან პერსპექტივაში, რადგან საკუთარი ფინანსური აქტივების ზრდა შეგიძლია დაუკავშირო მსოფლიოს ყველაზე დიდი, სტაბილური და წარმატებული კომპანიების ზრდას.

როდესაც ინვესტირება დავიწყე, უკვე საკმაოდ კარგად ვიყავი ინფორმირებული. კონკრეტული აქციების ფასებს თვალს ახლოს ნამდვილად არ ვადევნებდი, თუმცა ბაზრის და სხვადასხვა სექტორის ტენდენციებს კარგად ვიცნობდი. მესმოდა როგორც საფონდო ბირჟის პრინციპები, ასევე დივერსიფიკაციის მნიშვნელობა და რისკისა და უკუგების კონცეფციები.

პირველი ნაბიჯი

ინდივიდუალური კომპანიის აქციების შეძენის ნაცვლად ETF-ებში გავაკეთე ინვესტიცია. განსაკუთრებით Spyder-ის S&P 500 ფონდს და s&p 500 ფონდს და qqq-ს გამოვყოფდი. ETF-ები ბუნებრივად დივერსიფიცირებულია, რაც რისკს ამცირებს. ეს სტრატეგია კარგად ერგება გრძელვადიან პერიოდში დანაზოგის შექმნის ამოცანას.

სტრატეგია

ჩემი ინვესტირების სტრატეგია უფრო მეტად ETF-ებთანაა დაკავშირებული, თუმცა როცა კონკრეტული კომპანიის აქციებს ეხება საქმე, უფრო მეტად დიდ სურათზე ვორიენტირდები. ინვესტიციას ვაკეთებ მომავლის ხედვაში, რომლისაც მჯერა და არ ვუყურებ მარკეტის ყოველდღიურ რყევებს. ეს ყველაფერი კარგად თავსებადია ჩემს პასიურ, გრძელვადიან ინვესტიციის სტრატეგიასთან.

ჩემთვის სექტორებს შორის ტექი ყველაზე საინტერესოა. რამდენადაც მომავლის ხედვაზე ვარ ორიენტირებული, ვფიქრობ, ტექკომპანიები ყველაზე მეტად განსაზღვრავენ, როგორი იქნება ჩვენი მომავალი. შესაბამისად, ისეთი საინვესტიციო მექანიზმის გამოყენება, როგორიცაა NASDAQ 100, საშუალებას მაძლევს, ინოვაციის და ზრდის მომტან სექტორში ვიყო ინვესტირებული.

 საინვესტიციო მოდული მობილბანკში

მიუხედავად ჩემი პასიური ინვესტირების სტრატეგიისა, ინვესტიციების მოდულს თვეში ერთხელ მაინც ვსტუმრობ. ამას ვაკეთებ dollar-cost averaging სტრატეგიის განსახორციელებლად, რაც იმას გულისხმობს, რომ ფიქსირებულ ოდენობას ვაინვესტირებ ყოველთვიურად, მიუხედავად იმისა თუ რა ხდება ბაზარზე მოცემულ მომენტში. ინვესტიციების მოდული ასევე საშუალებას მაძლევს დეტალურად ვნახო ჩემი ინვესტიციები და მოგება.

საქართველოს ბანკის მობილბანკის საინვესტიციო მოდულში 6 000-მდე განსხვავებული კომპანიის აქციით და ETF-ით ვაჭრობა შეგიძლიათ  

ეს არ არის ფინანსური რჩევა

არ გაჩერდე, გააგრძელე კითხვა