რატომ უნდა განახორციელო ინვესტიცია სარესტორნო ინდუსტრიაში

რესტორნის ფლობაზე მსოფლიოს მასშტაბით ბევრი ადამიანი ოცნებობს, თუმცა ეს განსაკუთრებით რთული და ძვირად შესანახი ბიზნესია, რაც მის ოპერირებას ართულებს და ამ ოცნებას არარეალისტურად აქცევს. საბედნიეროდ, აწ უკვე არსებულ და წარმატებულ სარესტორნო ბიზნესში ინვესტირება იმაზე გაცილებით უფრო მარტივია, ვიდრე საკუთარი რესტორნის გახსნა და უდიდეს რისკზე წასვლა.

საქმე ისაა, რომ მსხვილი სარესტორნო ბიზნესები უკვე გასცდნენ კერძო კომპანიის სტატუსს და მათი აქციების შეძენა მობილბანკის დახმარებით საფონდო ბირჟაზე მარტივადაა შესაძლებელი.

გლობალური სარესტორნო ინდუსტრიის უმსხვილესი მოთამაშე McDonald’s-ია, რომელიც ბირჟაზე 218 მილიარდ დოლარადაა შეფასებული და ის მსოფლიოს მასშტაბით 40,000-მდე რესტორნითაა წარმოდგენილი. დაუვიწყარ გემოსთან და ხარისხთან ერთად, McDonald’s-ს ფინანსური შედეგებიც გამოარჩევს, ის ამერიკული კაპიტალიზმის სიმბოლოდ ითვლება, რაც იმას ნიშნავს, რომ კომპანიას სარგებელი მოაქვს როგორც მომხმარებლისთვის, ასევე ინვესტორისთვის.

დაფუძნებიდან დღემდე, McDonald’s-ის აქციების ღირებულება 12,000%-ითაა გაზრდილი, ბოლო ხუთი წლის ზრდის მაჩვენებელი კი 64%-ს აღწევს, რაც განსაკუთრებით კარგი შედეგია იმ ფაქტის გათვალისწინებით, რომ კომპანია დივიდენდებს გასცემს და ინვესტორებს მოგებას პირდაპირ უნაწილებს.       

სამეწარმეო პროფილიდან გამომდინარე, McDonald’s-თან საკმაოდ ახლოსაა Wendy’s Company, თუმცა ამ რესტორნების ფინანსურად შედარება შეუძლებელია, რადგან Wendy’s-ის კაპიტალიზაცია 4 მილიარდ დოლარს შეადგენს, ეს კი 55-ჯერ ნაკლებია ბიგ მაკის შემოქმედთან შედარებით. მიუხედავად ამისა, ინვესტორები Wendy’s-ში მაინც დიდ პოტენციალს ხედავენ.

ცხადია, სარესტორნო ინდუსტრია მხოლოდ ამერიკული სამზარეულოთი არ შემოიფარგლება. უმსხვილესი კომპანიების ჩამონათვალში მეორე ადგილზე Chipotle-ია, რომელიც მექსიკური სამზარეულოს პოპულარიზაციას მსოფლიოს მასშტაბით ახდენს. კომპანია 64 მილიარდ დოლარადაა შეფასებული, ბოლო ხუთ წელიწადში მისი აქციების ღირებულება კი 330%-ითაა გაზრდილი, რაც რესტორნისთვის ფენომენალური შედეგია.

შესაძლოა, თქვენი ოცნება პიცერიის ფლობა იყოს, მაშინ შეგიძლიათ მობილბანკში Domino’s Pizza-ს ან Papa John’s-ის აქციები შეიძინოთ. რომელ რესტორანზე შეაჩერებთ არჩევანს, ეს უკვე გემოვნების საკითხია. საერთო ჯამში, ინდუსტრიაში წარმოდგენილ თითქმის ყველა მსხვილ მოთამაშეს პოზიტიური შედეგები აქვს, რაც იმ ფაქტითაა განპირობებული, რომ მომხმარებლები საყვარელი რესტორნების ერთგულები რჩებიან, კომპანიები კი სტაბილური შემოსავლების მიღებას და ინვესტორებზე მოგების განაწილებას ახერხებენ.

ზოგადად, სარესტორნო ბიზნესის მთავარი უპირატესობა სტაბილურობას და განჭვრეტადობას უკავშირდება. მართალია, მსოფლიოში ბევრი რამ საკმაოდ სწრაფად იცვლება, თუმცა ერთი რამ მაინც უცვლელია – ადამიანებს ჭამა-სმა მუდამ სჭირდებათ. სარესტორნო ბიზნესი სწორედ ამ მოცემულობაზე დგას, რაც მას განსაკუთრებით მიმზიდველად აქცევს ისეთი ინვესტორისთვის, რომელსაც სტაბილური შემოსავლის მიღება და საბაზრო რისკების შემცირება სურს.

ტექნოლოგიური კომპანიებისგან განსხვავებით, სარესტორნო ბიზნესებს მაღალი მერყეობა არ გამოარჩევთ, რადგან პიცისა და თუ ბურგერის რეცეპტი თითქმის 50 წელიწადია არ შეცვლილა, თუმცა მომხმარებლებს ამ საკითხთან დაკავშირებით არც პრეტენზიები აქვთ. გარდა ამისა, სარესტორნო ქსელებზე მოთხოვნა სტაბილურად მაღალია, გეოპოლიტიკური ვითარების, ეკონომიკური მდგომარეობისა თუ წლის სეზონის მიუხედავად.        

სტაბილურობასთან ერთად, სარესტორნო ქსელებს ერთი დიდი უპირატესობაც აქვთ – მათი უმეტესობა დივიდენდებს გასცემს, რაც იმას ნიშნავს, რომ ინვესტორი აქციების ფლობის სანაცვლოდ კომპანიის მიერ გამომუშავებული მოგების ნაწილს პირდაპირ იღებს, რაც პერიოდული შემოსავლის გაჩენის საშუალებას იძლევა.

კვების ინდუსტრიას ზრდის დიდი პოტენციალიც გამოარჩევს, სექტორი ამჟამად 8 ტრილიონ დოლარადაა შეფასებულია, თუმცა პროგნოზირებულია, რომ 2030 წლისთვის მისი შეფასება $14 ტრილიონს მოაღწევს, ამ ტენდენციით სარგებლის მიღება კი მობილბანკით მარტივადაა შესაძლებელი. 

არ გაჩერდე, გააგრძელე კითხვა