რატომ უნდა განახორციელო ინვესტიცია მედია ინდუსტრიაში

ინფორმაციის მისაღებად, გასართობად, ფილმების საყურებლად და უბრალოდ დროის გასაყვანად ადამიანები ყველაზე ხშირად მედია საშუალებებს, მათ შორის, ტელევიზიებს, თემატურ არხებსა და სტრიმინგ სერვისებს მიმართავენ.

ამჟამად მედია ინდუსტრიის კაპიტალიზაცია $5 ტრილიონს აღწევს, თუმცა პროგნოზირებულია, რომ 2030 წლამდე ეს მაჩვენებელი ფაქტობრივად გაორმაგდება, რაც მსოფლიოს მასშტაბით მაღალი ხარისხის ინტერნეტის გავრცელებით და ელექტრონული მოწყობილობების ხელმისაწვდომობის გაზრდით იქნება განპირობებული. რაც უფრო მეტ სმარტფონს, კომპიუტერსა თუ ტელეფონს შეიძენენ ადამიანები, მით უფრო მეტი მაყურებელი გაჩნდება ბაზარზე, ეს კი ამ სექტორში წარმოდგენილი კომპანიების შემოსავლების გაუმჯობესებას გამოიწვევს.

ცხადია, ზრდის ამ ტენდენციით ფინანსურ სარგებელს მხოლოდ კომპანიების ხელმძღვანელები არ მიიღებენ და მოგება ინვესტორებზეც პროპორციულად გადანაწილდება. მედია ინდუსტრიაში წარმოდგენილ კომპანიებში ინვესტირება და პოტენციური სარგებლის მიღება კი მობილბანკიდან მარტივადაა შესაძლებელი. 

რაც შეეხებათ უშუალოდ კომპანიებს, ვინაიდან, სექტორი საკმაოდ მრავალფეროვანია, არჩევანის გაკეთებაც არაერთ კომპანიას შორის გვიწევს. პირველ რიგში, დავიწყოთ ტრადიციული ტელევიზიებით, გამოცემებითა და სააგენტოებით, რომლებიც ინფორმაციის გავრცელების მიმართულებით ლიდერობას არ თმობენ. ამ სექტორში არაერთ მსხვილ მოთამაშეს შეხვდებით, მათ შორისაა: Comcast, Thomson Reuters, BCE, Fox Corporation, News Corp, New York Times და Liberty Media.

მართალია, ტელევიზიები ისევ დიდი პოპულარობით სარგებლობენ, თუმცა ექსპერტთა ნაწილი ტრადიციულ ტელევიზიას აწ უკვე გუშინდელ დღედ მიიჩნევს და დიდ იმედებს ციფრულ პლატფორმებზე, კერძოდ, სტრიმინგ სერვისებზე ამყარებს. ტელევიზიისგან განსხვავებით, სტრიმინგ პლატფორმა ზუსტად იმის ყურების საშუალებას იძლევა, რაც თავად მომხმარებელს სურს, თანაც ნებისმიერ დროს. ასეთ მოქნილობასა და კომფორტს კი მომხმარებლები ნამდვილად აფასებენ, რასაც ის ფაქტიც ცხადყოფს, რომ ბოლო ათი წლის განმავლობაში სტრიმინგ ინდუსტრია დაახლოებით 9,000%-ით გაიზარდა და მისმა კაპიტალიზაციამ 2023 წელს $500 მილიარდს გადააჭარბა. ანალიტიკოსების შეფასებით, ზრდის პროცესი ამით არ დასრულდება და 2030 წლამდე ინდუსტრიის შეფასება დამატებით 300%-ით გაიზრდება.

სტრიმინგის მიმართულებით ბაზარზე არაერთი მსხვილი მოთამაშეა წარმოდგენილი, მათ შორისაა: Netflix, Apple TV+, Amazon Prime Video, Disney Plus, Hulu, YouTube TV, HBO Max და Peacock. თუკი ზემოხსენებულ კომპანიებს შორის არჩევანის გაკეთება გიჭირთ, მაშინ შეგიძლიათ ინდუსტრიული ფონდი, მაგალითად, Global X Streaming ETF (VIDI) შეიძინოთ, რომელიც სტრიმინგის ბაზარზე წარმოდგენილ თითქმის ყველა მსხვილ კომპანიას აერთიანებს.

ალბათ, გასაკვირი არ უნდა იყოს, რომ მომხმარებლების რაოდენობით პირველ ადგილს სოციალური მედია იკავებს, ანუ ის პლატფორმები რომელთაც ფაქტობრივად ყოველდღიურად ვიყენებთ, მათ შორის: Facebook, Instagram, X, LinkedIn, TikTok და სხვა. ტრადიციული მედიისგან განსხვავებით, სოციალურ ქსელებს მომხმარებლის ქცევასთან ადაპტირებადი ალგორითმები აქვთ, რაც მათ განსაკუთრებით მოთხოვნად სერვისებად აქცევთ. როგორც წესი, თანამედროვე მომხმარებელი დღის განმავლობაში ყველაზე დიდ დროს სწორედ სოციალურ მედიას უთმობს, სადაც როგორც ინფორმაციის მიღება, ასევე გართობა და დროის გატარებაა შესაძლებელი.

სოციალური ქსელების მომხმარებლების რაოდენობის ზრდის პარალელურად, ცხადია, იმატებს ამ სექტორში წარმოდგენილი კომპანიების შემოსავლები, ინდუსტრიის ლიდერი კი მარკ ცუკერბერგის მიერ დაფუძნებული კომპანიაა, სახელწოდებით Meta, რომელიც ერთ დროს Facebook-ის სახელით იყო ცნობილი. ერთ წელიწადში Meta-ს აქციების ღირებულება საფონდო ბირჟაზე 200%-ითაა გაზრდილი, კომპანიის საბაზრო კაპიტალიზაცია კი 900 მილიარდ დოლარს აღწევს. ფაქტია, რომ სოციალური ქსელების ბუმი თავის დროზე სწორედ Facebook-მა დაიწყო და ცუკერბერგის კომპანია ლიდერობას დღემდე არ თმობს. საერთო ჯამში, Meta-ს 5 მილიარდი მომხმარებელი ჰყავს, რაც მას მსოფლიოს ყველაზე პოპულარულ მედია საშუალებად აქცევს.

როგორც ხედავთ, მედია ინდუსტრია საკმაოდ მრავალფეროვანია. აქ შეხვდებით როგორც ტრადიციულ ტელევიზიებს, ასევე სტრიმინგ პლატფორმებსა და თანამედროვე სოციალურ ქსელებს. ნებისმიერი კატეგორიის შერჩევის შემთხვევაში, საქართველოს ბანკის საინვესტიციო პლატფორმა თქვენ გვერდითაა და ის თანხის დაბანდებაში დაგეხმარებათ.  

არ გაჩერდე, გააგრძელე კითხვა