რატომ დავიწყე ინვესტირება – აკო ახალაია

უკვე დიდი ხანია, რაც აწმყოში ფინანსების ინვესტიციებში დაბანდება მომავალში სარგებლის მიღების ერთ-ერთ ყველაზე ეფექტიან გზად ითვლება. მიუხედავად იმისა, რომ ინვესტირება უფრო და უფრო მეტი ადამიანისთვის იქცა წესად, სამწუხაროდ, ჩვენ გარშემო კიდევ ბევრია ისეთი, ვისაც ინვესტირების შესახებ შესაბამისი ინფორმაცია არ აქვს და მაგალითად, ჰგონია, რომ ეს მხოლოდ განსაკუთრებულად მდიდრების პრივილეგიაა, არადა საქართველოს ბანკის მობილბანკში უმარტივესად, სასურველი ოდენობის თანხით შეგიძლია დაიწყო თანხის დაბანდება.

ქართველი მარკეტერი და ბიზნესკონსულტანტი აკო ახალაია თავის ინდივიდუალურ გამოცდილებას გვიზიარებს, თუ როგორ დაიწყო ინვესტირება, რა იყო მისი მოტივაცია და რა ცოდნა დააგროვა ამ პროცესში.

მოლოდინები

„ინვესტირება და აქციებით ვაჭრობა ბავშვობიდან მაინტერესებდა, რაც, ვფიქრობ, ამერიკული ფილმებისა და სერიალების დამსახურებაა. შემდეგ მომიწია ამერიკაში ცხოვრება, სადაც ხვდები, რამდენად განვითარებულია ინვესტირების კულტურა: ამერიკელები დილას იწყებენ ამბებით, რომელიც დაკავშირებულია ბირჟებზე განვითარებულ მოვლენებთან; უსმენენ, თუ როგორ შეიცვალა აქციების ფასები, რა მდგომარეობაა სხვადასხვა სექტორში და ა.შ. ბავშვობაში ეს ყველაფერი “დიდური” ამბავი მეგონა. ვფიქრობდი, ძალიან დიდ ასაკს უნდა მიაღწიო, რომ აქციების ყიდვა გაყიდვა დაიწყო-მეთქი. 

ეს წარმოდგენა მალევე შემეცვალა ამერიკულ სკოლაში, სადაც ფინანსურ განათლებას დიდ ყურადღებას აქცევდნენ და ძალიან მარტივი ხერხებით და ტერმინოლოგიით გვიხსნიდნენ, თუ რა არის ინვესტირება. ასევე გვიყვებოდნენ, თუ როგორ შეგვიძლია დღეს დავიწყოთ ინვესტირება საკუთარი უნივერსიტეტისთვის, განათლებისთვის და მათ შორის, სიბერისთვის“.

პირველი ნაბიჯი

„მიუხედავად ცოდნისა და ინტერესისა, 2006 წელს აქციებით ვაჭრობა მაინც რთული იყო. მქონდა თეორიული ცოდნა, მაგრამ პრაქტიკაში წარმოუდგენელი მეჩვენებოდა. მეგონა, რომ როგორც ფილმებშია, ყოველწამიერად უნდა მეყიდა და გამეყიდა აქციები და ამ წამებში მქონოდა ფინანსური სარგებელი.

პირველი “ინვესტირება” იყო ალბათ, როდესაც შვილი გამიჩნდა და სოფოსთან ერთად საბავშვო ანაბარი გავხსენით. ვფიქრობდი, რომ დეპოზიტზე თანხის დადება კარგი საშუალება იქნებოდა სწავლის ფულის მოსაგროვებლად, მაგრამ აქციებისადმი ინტერესი არ გამქრალა.

პანდემიამ ყველაფერი შეცვალა, მსოფლიომ გადაიაზრა ძველი მიდგომა და აქციებში ინვესტირება შესაძლებელი გახადა ყველასთვის. რაც გულისხმობს იმას, რომ ადრე თუ აუცილებლად დამხმარე პერსონალი და სრული თანხა გჭირდებოდა აქციის შესაძენად, ახლა შეგიძლია იყიდო იმდენის აქცია, რამდენის ყიდვის სურვილი და შესაძლებლობაც გაქვს“.

პირველი აქციები

„თეორიული ცოდნა კი მქონდა, მაგრამ პრაქტიკულად მაინც ძალიან რთული ამბავი მეგონა. როგორც კი მობილბანკში შესაძლებელი გახდა ინვესტირება, მახსოვს  Nvidia-ს აქციები ვიყიდე. არ ვიცი რატომ მაინც და მაინც nVidia, მაგრამ იმ მომენტში აქტიურად ვეცნობოდი ამ კომპანიის სიახლეებს და ვიყიდე კიდეც. დღეის მდგომარეობით ძალიან კმაყოფილი ვარ, რადგან ინვესტირებული თანხა 210%-ით გაიზარდა. შემდეგ უკვე გავიგე ETF-ების შესახებ, ეს გაცილებით დაბალრისკიანი გადაწყვეტილებაა, რადგან უფრო მეტი კომპანიის ან სექტორის იმედზე ხარ“.

დაგროვილი გამოცდილება

„პირადად მე ჩემს გადაწყვეტილებას ვაფუძნებ სექტორებზე, ანუ ETF-ებზე, რომელიც აერთიანებს იმ კომპანიებს, რომლებზეც მჯერა, რომ მომდევნო წლებში გაიზრდება და ასევე იმ ბრენდების აქციებს ვყიდულობ, რომლებიც ისედაც მომწონს ან მაინტერესებს. მაგალითად კოკა-კოლა, გუგლი, მაიკროსოფტი, ეფლი, ტესლა, მეტა და ა.შ

ახლა რომ გადავხედე, უფრო ტექნოლოგიურ კომპანიებს ვანიჭებ უპირატესობას, რადგან მჯერა, რომ ეს ინდუსტრია ყველაზე მეტად განვითარდება მომდევნო წლებში“.

საინვესტიციო მოდული მობილბანკში

„საწყის ეტაპზე ლამის ყოველდღე და დღეში რამდენჯერმე შევდიოდი მობილბანკის საინვესტიციო მოდულში, რადგან ძალიან სასიამოვნო საყურებელია, როგორ იზრდება შენი ინვესტიცია. ახლა კი ყოველკვირეულად აუცილებლად და ხელფასის დღეს 1-2 საათს ვუთმობ ფიქრს, თუ სად გავანაწილო დანაზოგი“.

საქართველოს ბანკის მობილბანკის საინვესტიციო მოდულში 6 000-მდე განსხვავებული კომპანიის აქციით და ETF-ით ვაჭრობა შეგიძლიათ  

ეს არ არის ფინანსური რჩევა

არ გაჩერდე, გააგრძელე კითხვა